Jeremia 17:13 - Tshwa Bible

¹³ Wena Jehova u kutsumba ka Israeli; Vontlhe lava va ku tsikako va taku koyo tingana. Vontlhe lava va sukako ka mina va ta tsaliwa vunyeni; Hakuva va tsikile Jehova, loyi a nga xibuka xa mati ya wutomi. Joh. 4:14

Jeremia 17:13 교차 참조

Tisimu 22:4

A vadadani va hina va ku tsumbile, Va lo tsumba, u va ponisa.

Tisimu 69:29

Kanilezi mina loyi nzi hlokiswako ni ku xaniswa, A kuhanyisa ka wena a ku nzi tlakuse, O Nungungulu.

Tisimu 71:5

Hakuva u xitsumbo xa mina, O Hosi Jehova; Nzi ku tsumbile kusukela wusweni ga mina.

Tisimu 73:27

Hakuya lava va sukileko ka wena va ta lova; Wena u lovisa vontlhe lava va ku fularelako.

Tisimu 97:7

Ngha va wiswa tingana lava va khozelako zifananiso, Lava va ti kulisako hi vanungungulu va mawunwa. Mu khizameleni nwina vanungungulu nwentlhe! Ekso. 20:3; Maheb. 1:6

Mavingu 10:7

Kualakanyiwa ka loyi a lulamileko ku katekile; anilezi a vito ga wa kubiha gi ta bola.

Mavingu 14:14

Loyi wa mbilu ya gome i ta kolwa hi mahanyela yakwe; anilezi loyi a lulamileko i ta xuriswa hi lezi zi nga mbilwini yakwe.

Isaya 1:28

Kanilezi a vahambunyeti ni vaonhi va ta lobyiswa khatiginwe, ni lava va tsikako Jehova va tafa.

Isaya 66:5

Zwanani a mhaka ya Jehova nwina lava mu rurumelako hi gezu gakwe! Hakuva a vamakwenu lava va mu vengako, Lava va mu hlongolako hi kota ya vito ga mina, Ve ngalo: Jehova a kombisa a wukulu gakwe, Kasi ha fela ku wona kutsaka ka nwina! Kanilezi va tawa tingana.

Jeremia 14:8

Wena loyi u nga kutsumba ka Israeli, Muhanyisi wakwe xikhatini xa zikarato, Hikuyini uku khwatsi u wamatiko tikweni, Kota muenzi loyi a hambukako kasi kuxwa wusiku ginwe ke?

Jeremia 17:17

U ngavi ka mina lexi xi chavisako; Wena loyi u nga wuponelo ga mina sikwini ga khombo.

Jeremia 17:18

Ngha vaku koyo tingana lava va nzi xanisako, Kanilezi mina ngha nzi nga wiswi tingana; Ngha va rurumela, kanilezi mina nzi nga dzuki nzi rurumela. Va tisele a siku ga khombo, u va tshovetela kumbiri.

Jeremia 17:5

Jehova i ngalo: I rukatelwe a munhu loyi a tsumbako munhu, A mahako nyama yiva woko gakwe, A mbilu yakwe na yi hambene na Jehova.

Jeremia 19:4

Hakuva va nzi tsikile, va hanahanisa a wutshamu legi, hakuva lomu va hisile tibani ka vanwani vanungungulu, lavo va nga va tivangiko, vona ni vakoko vabye ni tihosi ta ka Juda; va tatisile legi wutshamu hi nkhata wa va nga hiko na nanzu;

Jeremia 2:13

Hakuva a vanhu va mina va mahile a kubiha kumbiri: Va nzi tsikile, mina loyi nzi nga xibuka xa mati ma hanyako, Va ti akela mathangi ma nga ni tifa, Ma nga zi kotiko ku hlayisa mati. Tis. 36:9; Joh. 4:13

Jeremia 2:17

Xana a ku ti vangelangi ha wece a khombo, Kota lezi u tsikileko Jehova a Nungungulu wa wena Laha yena a nga ku rangela ndleleni ke?

Jeremia 50:7

Vontlhe lava va nga kumana na vona, va wo va khadamula. A valala vabye vaku: A hi na nanzu, hakuva va onhele Jehova, a wutshamu ga nongameto, a nga Jehova loyi a nga kutsumba ka vadadani vabye.

Ezekieli 13:9

A canja ga: mina gi ta vukela a vaprofeti lava va wonako miwoniso ya hava, ni lava va vumbako mawunwa. Va nga ta hlayiwa hubyeni ya vanhu va mina, va nga ta tsaliwa bhukwini ga yindlu ya ka Israeli, ge hambu ku enghena tikweni ga ka Israeli; zonake mu ta zi tiva lezaku hi mina Hosi Jehova.

Ezekieli 16:63

kasi u fela ku khumbula, uva ni tingana, u nga ha vululi a nomu wa wena hi kota ya tingana ta wena, laha nzi ta ngava nzi ku tsetselele zontlhe lezi u zi mahileko, ku wula Hosi Jehova.

Ezekieli 36:32

Zi tiveni lezaku a nzi mahi lezi hi kota ya nwina, ku wula Hosi Jehova. Ngha muva ni tingana, mu kanganyiseka hi kota ya tindlela ta nwina va yindlu ya ka Israeli.

Danieli 12:2

Vanyingi lava va etleleko tshurini wa misava va ta vuka; a vanwani va ta vuka vaya wutomini ga pinzukelwa, kasike a vanwani va ta vuka vaya ti-nganeni ni hlokiselelweni wu nga gumelwiko. Mat. 25:46; Joh. 5:28

Joeli 3:16

Jehova wa dzuma le Zioni, a zwata a gezu gakwe hi le Jerusalema; a tilo ni misava zi tsekatseka. Kanilezi Jehova i tava wuchavelo ga vanhu vakwe, ni khokhola ga vana va ka Israeli. Hos. 11:10; Am. 1:2

Zakaria 13:1

Hi siku lego a yindlu ya ka Davida ni vaaki va Jerusalema va ta mahelwa a hlowo, kasi ku hlaza kuonha ni zivi.

Zakaria 9:12

Tlhelelani khokholeni, nwina tiperesu ti ftga ni kutsumba. Inyamutlha nza tiyisa lezaku nzi ta mu tlhelisela ha kumbiri.

Luka 10:20

Ahemba-lokoke, mu nga tsaki hi lezi a mimoya yi mu ingisako; kanilezi tsakani hakuva a mavito ya nwina ma tsalilwe le tilweni. Ekso. 32:32; Tis. 89:28; Dan. 12:1

Johani 4:10

Jesu i lo hlamula, aku kakwe: Loku u wa xi tivile a xinyikiwo xa Nungungulu, ni lezaku himani a nge ngalo ka wena: Hi nga nziha nzinwa, ngha u kombele yena, zonake ngha na yena a ku nyikile a mati ya kuhanya. Isa. 12:3; Jer. 2:13; Zak. 13:1

Johani 4:14

kanilezi kani hi wihi a nwako mati laya nzi mu nyikako wona, cima a nga tazwa tora; kanilezi a mati laya nzi mu nyikako wona, ma ta maha a xibuka xa mati nzeni kakwe, laya ma velako ma yisa wutomini ga pinzukelwa. Xip. 6:35, 58; 7:38

Mitiro 28:20

Hikwalaho nzi mu vitanile a kuva nzi ta mu wona, nzi wulawula na nwina; hakuva nzi bohilwe hi mangenje laya hi kota ya kutsumba ka Israeli. Xip. 26:6, 7; Efe. 3:1; 2 Tim. 1:16

1 Timote 1:1

Paule a mupostoli wa Kristu Jesu hi kulaya ka Nungungulu, a Muhanyisi wa hina, na Kristu Jesu a kutsumba ka hina, Gal. 1:1; Kol. 1:27; Xip. 2:3; Tit. 1:3; 2:10; 3:4

Kuvululelwa 20:15

Ni wihi loyi ku nga tsaliwangiko a vito gakwe lomu bhukwini ga wutomi, i lo hoxwa tiveni ga nzilo.

Kuvululelwa 21:6

I lo engeta aku ka mina: Zi mahekile. Hi mina Alfa na Omega, a kusangula ni kugumesa. Loyi a zwako tora nzi ta mu nyika mahala a kuva anwa hlobyeni ya mati ya wutomi. Isa. 55:1; Xip. 1:8; 16:17; 22:17

Kuvululelwa 22:1

Zonake yi lo nzi komba a congo wa mati ya wutomi, na ma vangamela khwatsi hi kristali, wu huma xitshanwini xa wuhosi xa Nungungulu ni xa Yivana, Ezek. 47:1; Zak. 14:8

Kuvululelwa 22:17

A Moya ni muswika ve ngalo: Tana! Ni loyi a zi zwako, a wule aku: Tana! Loyi a zwako tora, ate! Ni loyi a zi ranzako, ngha akha mati ya wutomi mahala. Isa. 55:1; Joh. 7:37; Xip. 21:2, 9

Kuvululelwa 7:17

Hakuva a Yivana yi nga laha xikari mahlweni ka xitshamu xa wuhosi yi tava murisi wabye, yi va hletela tihlobyeni ta mati ya wutomi; Nungungulu i ta hlanguta mihloti yontlhe mahlweni yabye. Tis. 23:1; 36:8; Isa. 25:8