13 Hikwalaho nzi ta mu hlongola tikweni legi, muya ka tiko legi mu nga gi tiviko, nwina hambu vararu va nwina; mu ta ya tirela kona a vanwani vanungungulu a mumu ni wusiku, hakuva nzi nga ta mu zwela wuxinji. Deut. 4:27—28:36, 64
nzi ta mu tsuwula lomu tikweni ga mina legi nzi nga wa mu nyikile gona, ni yindlu leyi nzi yi basisileko a kuva yi lumba a vito ga mina nzi ta yi hoxa kule, nzi yi maha yi chepetwa ni kuva xihlekiso ka vanhu vontlhe.
Wena loyi u nga kutsumba ka Israeli, Muhanyisi wakwe xikhatini xa zikarato, Hikuyini uku khwatsi u wamatiko tikweni, Kota muenzi loyi a hambukako kasi kuxwa wusiku ginwe ke?
Zonake Jehova i te ngalo ka mina: Hambu loku Mosi na Samueli va wa ta yima mahlweni ka mina a mbilu ya mina ngha yi nga zi koti ku kongomana ni lava vanhu. Va hlongole mahlweni ka mina, va ti fambela. Ekso. 32:11; Mitse. 14:13
Nzi ta va maha a xichaviso xikari ka mifumo yontlhe ya misava, hi kota ya Manase, a nʼwana Hezekia hosi ya ka Juda, hi kota ya lezi a nga zi maha lomu Jerusalema. 2 Tih. 21:1-12
Hakuva Jehova i ngalo: U nga engheni ndlwini ya zirilo, u ngayi kona ku hlaluka navo, hambu ku va xanisekela; hakuva nzi susile a kurula ka mina tikweni legi, ku wula Jehova, ina, ni tipswalo ni wuxinji.
Hi nanzu wa wena wutsumbu u ta lahlekelwa hi tshomba ya wena leyi nzi ku nyikileko; nzi ta ku maha u tirela a valala va wena a tikweni legi u nga gi tiviko. Hakuva mu dzivele a nzilo wa zanga ya mina lowu wu ta nga vura kala kupinzuka.
Nzi ta ku hlongola, wena ni mamani wa wena loyi a nga ku beleka, muya ka ginwani tiko, laho mu nga belekiwangiko kona, kwaseyo mu ta ya fela kona. 2 Tih. 24:15
Xana a munhu loyi Konia, xibya xi fayekileko ni ku nyenyiwa, lexi xi nga vuniko nchumu ke? xana i tsikelwa yini ni vanana vakwe, va ya hoxiwa ka tiko va nga gi tiviko ke?
Loku nwina mu taku ngalo: Hikuyini Jehova Nungungulu wa hina a hi maheleko lezi zilo ke? u ta va byela uku: Kotisa lezi nwina mu nzi tsikileko, mu khozela a vanungungulu vanwani tikweni ga nwina, hizalezo mu ta tirela a vamatiko a tikweni gi nga hiko ga nwina. Deut. 29:24; Jer. 16:10
Xana va zwile tingana loku va mahile manyala ke? Kokwihi, a va zwangi tingana, Ne, a va tivi ku koyama tingana. Hikwalaho va tawa zinwe ni vanwani; Va tawa a xikhati nzi va tsavisako, ku wula Jehova.
Jehova i ta ku yisa wena, zinwe ni hosi ya wena leyo u ta nga yi veka hehla ka wena, ka tiko lego u nga gi tiviko, hambu ni vararu va wena, leyo mu taya khozela vanungungulu vanwani va tisinya ni va maribye.
Na Jehova i va tsuwule lomu tikweni gabye hi zanga, ni kuholova, ni kuhlamuka ka hombe, na yena i va hoxile ka ginwani tiko, khwatsi hi lezi hi zi wonako legi siku.