Jeremia 13:10 - Tshwa Bible

¹⁰ A tiko legi go biha, legi gi nga vumeliko a kuzwa a magezu ya mina, legi gi fambako hi kunonoha ka mbilu ya gona, gi lanzela vanungungulu vanwani, gi va tirela ni ku va khozela, gi ta fanana ni bhandi legi gi nga vuniko nchumu.

Jeremia 13:10 교차 참조

Tisimu 78:8

Va nga fanani ni vararu vabye, A xizukulwana xa xikaha ni kuhluwuka, A xizukulwana xi nga hiko na mbilu yo tiya, Lexi a moya wa xona wu nga kholekangiko ka Nungungulu Ekso. 32:9; 33:3; 34:9

Mutshawuteli 11:9

O jaha, tsakela a wuswa ga wena, a mbilu ya wena a yi ku tsakise masikwini ya wuswa ga wena; famba hi tindlela ta kuranza ka mbilu ya wena, ni kuwoneni ka mahlo ya wena; kanilezi tiva lezaku Nungungulu i ta ku lamula hi zontlhe lezi zilo. Mat. 12:36; 2 Kor. 5:10

Isaya 3:24

A wutshanwini ga mipepo yo nuhela ku tava kona kubola, a wutshanwini ga bhandi ku tava kona a gota; a wutshanwini ga misisi yi xamulweko khwatsi ku tava kona a tipandla; a wutshanwini ga nguwo ya mubuzo ku ta ambaliwa tisakwa; a wutshanwini ga wumbhuri ku tava kona a mapswhapswhati ya ku hiswa hi xiketse.

Jeremia 11:10

Va tlhelele zigohweni za vakoko vabye, lava va nga ala ku ingisa timhaka ta mina. Va lanzele vanwani vanungungulu, va va khozela. A yindlu ya ka Israeli ni yindlu ya ka Juda ti tshovile a xivumelwano xa mina lexi nzi xi mahileko ni vararu vabye.

Jeremia 11:18

Jehova i nzi tivisile, nzi zi tivile; u nzi kombisile a mitiro yabye.

Jeremia 13:7

Zonake nzi loya le Eufrate, nzi ya kela, nzi teka bhandi lomu nzi nga gi tumbetile kona. Kanilezi a bhandi gi wa bolile, gi nga ha vuni nchumu.

Jeremia 16:12

Kasike nwina mu mahile zo biha ni ku hunza a vararu va nwina; hakuva munwe ni munwani wa nwina i te hutsetse kunonoheni ka mbilu yakwe yo biha, lezaku mu nga nzi ingisi.

Jeremia 16:4

Hakuva va tafa hi kufa ku chavisekako; va nga ta rilelwa, hambu ku lahliwa; va ta ku khwatsi i koho misaveni. Va ta dawa hi supado ni ndlala; a zirumbi zabye zi ta giwa hi tinyanyani ta tilo ni zihari za khwati.

Jeremia 20:4

Hakuva Jehova i ngalo: Nzi ta ku maha xichaviso a ka wutsumbu ga wena ni ka maxaka ya wena wontihe; vona va ta dawa hi tisupado ta valala vabye, wena wutsumbu u ta zi wona: Nzi ta nyikela gontlhe Juda a canjeni ga hosi ya Babuloni, yi ta va yisa kukhonweni le Babuloni, yi va daya hi supado.

Jeremia 22:21

Nzi wulawulile ka wena kuvuvumeni ka wena, Kanilezi uku: Nzi nga ta ingisa. Hi wona a mahanyela ya wena kusukela wuhlangini, Yaku, u nga tazwa a gezu ga mina.

Jeremia 23:17

Va kanela hi kusimamisilweko a ka lava va nzi kanyisako, vaku: Jehova i ngalo: Mu ta tshameka khwatsi. Ni ka vontlhe va fambako hi kunonoha ka timbilu tabye, vaku: Gi nga tata khombo hehla ka nwina!

Jeremia 3:17

A ka xikhati lexo va ta vitana Jerusalema aku xitshamu xa wuhosi xa Jehova; a matiko wontihe ma ta tsombana le Jerusalema a vitweni ga Jehova; cima va nga ta ba famba hi kunonoha ka timbilu tabye.

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Jeremia 44:16

vaku; Xungetano ni mhaka leyi u nga hi byela yona vitweni ga Jehova, hi nga ta ku ingisa. Isa. 42:20; Jer. 6:16

Jeremia 44:5

Kanilezi a va ingisangi, ge hambu ku phumunha ndleve yabye, kasi ku huma kubiheni kabye, va nga ha hiseli tibani a vanwani vanungungulu.

Jeremia 5:23

Kanilezi lava vanhu va nzi hluwukile ni kuva ni mbilu ya wukaneti; va hluwukile va famba.

Jeremia 7:13

Makunu na mu mahile a zimaho lezi zontlhe, ku wula Jehova, nzi wulile a ka nwina na ga hi mixo, nzi mu byela, kanilezi a mu ingisangi; nzi lo mu vitana kanilezi a mu hlamulangi.

Jeremia 7:6

loku mu nga xanisi a muluveli, a xisiwana ni noni, loku mu nga halati a nkhata wa va nga hiko na nanzu ka legi wutshamu, hambu ni ku lanzela vanwani vanungungulu, muva ni makhombo hi kota ya vona; Ekso. 22:21

Jeremia 8:5

Hikuyini lava vanhu va Jerusalema va hluwuka hi kusimamisilweko ke? Va tiyile kukhohlakaleni, va ala ku wuya.

Jeremia 9:13

Jehova i ngalo: Hi kota ya lezi va tsikileko a nayo wa mina, lowu nzi nga wu veka mahlweni kabye, va nga ingisi a gezu ga mina, hambu ku famba ha gona,

Jeremia 9:14

kanilezi va te hutsetse hi kunonoha ka timbilu tabye, na va lanzela maBaali, kota lezi va gonzisilweko hi vararu vabye,

Jeremia 9:6

U akile xikari ka wukhohlisi; Hi kota ya wukhohlisi va ala ku nzi tiva, ku wula Jehova.

Mitsengo 14:11

Zonake Jehova aku ka Mosi: A vanhu lava va ta nzi kanyisa kala rini ke? Kala rini na va nga nzi tsumbi, hambu loku nzi mahile a zihlamaliso zontlhe lezi xikari kabye?

Mitiro 7:51

Nwina va tinhamu ta kunonoha, mu nga hiko mikwera hi timbilu ni tindleve, xontlhe xikhati mu ala a Moya wa ku Basa, mu kotisa a vakoko va nwina. Ekso. 33:3; Levi 26:41

Maheberu 12:25

Cuwukani a ku kala mu nga mu ali loyi a wulawulako. Hakuva loku a vakale va nga ponangi, laha va nga mu ala loyi a nga va laya na hi laha misaveni, nguvunguvu hina hi nga ta pona loku hi mu fularela loyi a layako hi le tilweni;