Jeremia 11:10 - Tshwa Bible

¹⁰ Va tlhelele zigohweni za vakoko vabye, lava va nga ala ku ingisa timhaka ta mina. Va lanzele vanwani vanungungulu, va va khozela. A yindlu ya ka Israeli ni yindlu ya ka Juda ti tshovile a xivumelwano xa mina lexi nzi xi mahileko ni vararu vabye.

Jeremia 11:10 교차 참조

Tisimu 78:57

Va lo tlhelela nzhako, va khohlisa kota vararu vabye, Vaku khwatsi hi wura legi gi khohlisako.

Isaya 24:5

Ni misava yi nyenyezisilwe hi vaaki va yona, Hakuva va hambunyetile milayo, va hunzule ziyimiso; Va tshova xivumelwano xa kala kupinzuka.

Jeremia 13:10

A tiko legi go biha, legi gi nga vumeliko a kuzwa a magezu ya mina, legi gi fambako hi kunonoha ka mbilu ya gona, gi lanzela vanungungulu vanwani, gi va tirela ni ku va khozela, gi ta fanana ni bhandi legi gi nga vuniko nchumu.

Jeremia 17:23

Vona a va ingisangi, hambu ku phuhunha tindleve tabye; kanilezi va lo nonohisa a tinhamu tabye, kasi va ngazwi, ni ku nga amukeli kulayiwa.

Jeremia 22:9

Zonake va ta hlamula, vaku: Hakuva va tsikile a xivumelwano xa Jehova Nungungulu wabye, Va ya khozela vanwani vanungungulu, ni ku va tirela.

Jeremia 31:32

Na ku nga hi ku kota a xivumelwano lexi nzi xi mahileko ni vararu vabye, A sikwini legi nzi nga va khoma hi canja nzi va humesa a tikweni ga Gipite; A xivumelwano lexi va nga xi tshova, Kasi lezo nzi wa hi nwinyi wabye, ku wula Jehova.

Jeremia 44:16

vaku; Xungetano ni mhaka leyi u nga hi byela yona vitweni ga Jehova, hi nga ta ku ingisa. Isa. 42:20; Jer. 6:16

Jeremia 44:5

Kanilezi a va ingisangi, ge hambu ku phumunha ndleve yabye, kasi ku huma kubiheni kabye, va nga ha hiseli tibani a vanwani vanungungulu.

Jeremia 7:28

Zonake wena u ta wula kabye, uku: Legi i tiko gi nga ingisiko a gezu ga Jehova a Nungungulu wabye, hambu ku amukela a ziluleko. A kutsumbeka ku hava, ku susilwe a milonwini yabye.

Jeremia 9:6

U akile xikari ka wukhohlisi; Hi kota ya wukhohlisi va ala ku nzi tiva, ku wula Jehova.

Ezekieli 16:59

Hakuva Hosi Jehova i ngalo: Nzi ta ku tlhelisela kota mitiro ya wena, hakuva u kanyisile a xifungo u tshova a xivumelwano.

Ezekieli 44:7

hakuva mu enghenisile a vamatiko, va nga makhuna timbilwini ni nyameni, a kuva ndlwini ya mina ya kubasa, va yi nyenyezisa laha mu nyikelako a mafura ni nkhata zi nga kuga ka mina; mu tshovile a xivumelwano xa mina hi manyalataniso ya kunghahi. Mitse. 18:4; Jox. 9:27; Ezra 8:20

Ezekieli 5:6

I hambunyetile zileletelo za mina a maha kubiha ku hunza a matiko, ni milayo ya mina ku hunza a matiko lawa ma mu ranzeleko; hakuva va alile a zileletelo za mina, ni milayo ya mina a va na nga famba ha yona.

Hosea 6:4

Efraime, nzi ta maha yini ka wena? Juda, nzi ta maha yini ka wena? Hakuva a liranzo la nwina li khwatsi i hunguva ya mixo, ni nzhokati leyi yi tlhatlhekako hi kuhatlisa.

Hosea 6:7

Kanilezi va tshovile a xivumelwano khwatsi hi Adamu; va nzi kanganyisile kwalaho.

Hosea 7:16

Va tlhela, kanilezi na ku nga hi kuya ka Loyi a nga Hehla-hehla. Va fanana ni wura gi khohlisako. A tihosana tabye ti ta dawa hi supado hi kota ya tinzhukano ta tirimi tabye. Va ta hlekulwa ha zona tikweni ga Gipite. Kol. 3:1

Levi 26:15

ni loku mu kanyisa a zileletelo za mina, ni loku mihefemulo ya nwina yi nyenya a ziyimiso za mina, mu nga ha hlayisi milayo ya mina yontlhe, kanilezi mu tshova xivumelwano xa mina,

Zefania 1:6

Ni lava va tlhelelako nzhako va fularela Jehova; ni lava va nga hlotangiko Jehova, va nga mu wutisi nchumu.

Zakaria 1:4

Mu nge khwatsi hi vadadani va nwina, lava a vaprofeti va kale va nga kanyukelana kabye, vaku: Jehova wa tiyimpi i ngalo: Humani tindleleni ta nwina to biha, mu tsika a zimaho za nwina za hava! Kanilezi a va zwangi, hambu ku nzi ingisa, ku wula Jehova.

Zakaria 7:11

Kanilezi va lo ala ku ingisa, va tshukwama makatla, va vala tindleve tabye, aku kasi va ngazwi.

Zakaria 7:13

Khwatsi hilezi va nga kala ku ingisa laha a nga vitana, hizalezo nzi nga ta ingisa loku va vitana, ku wula Jehova wa tiyimpi;

Deuteronome 31:16

Jehova i te ngalo ka Mosi: Wena U ta etlela zinwe ni vararu va wena; kanilezi lava vanhu va ta ya hlakana hi wuoswi ni vanwani vanungungulu va tiko lego va yako ka gona; va ta nzi tsika va hambunyeta xivumelwano lexi nzi mahileko zinwe na vona.

Deuteronome 9:7

Alakanya, u nga rivali lezaku u zangarisile kuyini Jehova Nungungulu wa nwina le xiwuleni; nwina mu vukele Jehova kusukela a siku lego a ku humesileko tikweni ga le Gipite, kala mu chikela ka legi wutshamu, Ekso. 14:11; Mitse. 11:4; Tis. 95:10

Maheberu 8:9

Na ku nga hi ku kota a xivumelwano lexi nzi xi mahileko ni vararu vabye, A sikwini legi nzi nga va khoma hi canja nzi va humesa a tikweni ga Gipite; Hakuva a va simamisangi xivumelwaneni xa mina, Na minawu a nzi va khatalelangi, ku wula Hosi.

Valamuli 2:11

A vanana va ka Israeli va lo maha kubiha mahlweni ka Jehova, va khozela maBaali.

Valamuli 2:17

Kanilezi a va ingisangi valamuli vabye, hakuva va lo ti nyiketela wuoswini zinwe ni vanungungulu vanwani, va va khizamela. Va lo hatlisa ku hambuka va huma ndleleni leyi vararu vabye va nga wa famba ha yona, na va ingisa milayo ya Jehova; kanilezi vona a va mahangi lezo.

Valamuli 2:19

Kanilezi loku a mulamuli loye afa, va wo engeta kambe va ti nyenyezisa ku hunza vararu vabye, hi ku lanzela vanungungulu vanwani ni ku va khozela va va khizamela. A va tsikangi ni xinwe xa zimaho zabye, ge hambu xikanikani xabye.

1 Samueli 15:11

Nza ti laya hi lezi nzi nga yimisa Saule a kuva hosi, hakuva i hluwukile, a nga hlayisangi timhaka ta mina. Zonake Samueli i lo zangara, a rila ka Jehova gontlhe wusiku. Gen. 6:6