Isaya 65:13 - Tshwa Bible

¹³ Hikwalaho Hosi Jehova i ngalo: A malanza ya mina ma taga, kanilezi nwina mu tava ni ndlala, A malanza ya mina ma tanwa, kanilezi nwina mu tazwa tora; A malanza ya mina ma ta tsaka, kanilezi nwina mu tava ni tingana.

Isaya 65:13 교차 참조

Tisimu 34:10

A zinghalana zi nga vumala, ni kuzwa ndlala, Kanilezi lava va hlotako Jehova va nga ta vumala ni nchumu wunwe wo saseka. Lu. 1:53

Mavingu 13:25

Loyi a lulamileko waga a xura; anilezi a rumbu ga wa kubiha gi tava ni ndlala.

Isaya 1:19

Loku mu vumela ku ingisa, mu taga lezi zo nanziha za tiko;

Isaya 41:17

Lava va tsimbeketilweko ni vavumali va lava mati va nga ma kumi, A tirimi tabye ti womile hi tora; Kanilezi mina Jehova nzi ta vazwa, Mina Nungungulu wa ka Israeli nzi nga ta va tsika.

Isaya 41:18

Nzi ta velisa micongo lomu migangeni ya xikwakwa, Ni zibuka lomu mikoveni. A ziwula zi ta maha milambo Ni ligwangwa li ta humesa xibuka za mati.

Isaya 42:17

Kanilezi lava va tsumbako zifananiso zi vatlilweko, Lava va nge ngalo ka zifananiso zi wumbilweko: Nwina mu vanungungulu va hina, Va ta tlhelela nzhako vave ni tingana. Tis. 97:7; Isa. 1:29

Isaya 44:11

Langutani, vontlhe lava va xi khozelako va tawa tingana, hakuva a vamahi va xona mbanhu ntsena. A va tsombane vontlhe va yima khatiginwe; va ta chava vontlhe va wiswa tingana.

Isaya 44:9

Vontlhe vamahi va zifananiso a hi nchumu, ni mitiro leyi va tsakako ha yona a yi vuni nchumu. A vakhozeli va zona a va woni, a va pimi, va kala va wiswa tingana.

Isaya 49:10

Va nga tazwa ndlala hambu tora; Ge hambu kuswa hi mumu ni gambo, Hakuva loyi a va zwelako wusiwana i ta va rangela, A va yisa matini ya zibuka.

Isaya 5:13

Hikwalaho a vanhu va mina va ta yiswa kukhonweni hikuva va nga hi na kutiva; A vahombe vabye va hlokiswa hi ndlala, Ni zidlemo za vanhu zi womile hi tora.

Isaya 50:11

Nwina nwentlhe mu dzivelako nzilo, Mu hloma tihunyi ti vurako, Fambani malangavini ya nzilo wa nwina, Ni lomu tihunyini mu ti dziveleko. Lezo zi ta mu humela hi lomu canjeni ga mina, Mu ta etlela kuxanisekeni.

Isaya 61:7

Wutshanwini ga tingana ta nwina mu ta aveliwa ha kambiri; Lava va nga nyenyiwa va ta tsakela xiavelo xabye. Hikwalaho lomu tikweni gabye va ta kuma leʼzi wuyetilweko ha kambiri, Va tava ni litsako la pinzukelwa.

Isaya 62:9

Lava va tshovelako va taga na va bonga Jehova; Ni lava va elulako xivina va tanwa vinya lomu tihubyeni ta yindlu ya mina.

Isaya 66:14

Mu ta zi wona, a timbilu ta nwina ti tsaka, A marambu ya nwina ma ta kuma ntamu khwatsi lihunga. Zi ta tibyiwa lezaku a woko ga Jehova gi zinwe ni malanza yakwe, Ni lezaku a zangarela a valala vakwe.

Isaya 66:5

Zwanani a mhaka ya Jehova nwina lava mu rurumelako hi gezu gakwe! Hakuva a vamakwenu lava va mu vengako, Lava va mu hlongolako hi kota ya vito ga mina, Ve ngalo: Jehova a kombisa a wukulu gakwe, Kasi ha fela ku wona kutsaka ka nwina! Kanilezi va tawa tingana.

Isaya 8:21

Va ta pepetseka tikweni, va xaniseka ni kuzwa ndlala; ni loku vazwa ndlala va ta zangara, va rukatela hosi yabye ni Nungungulu wabye.

Jeremia 22:22

A varisi va wena va ta hahisiwa hi mheho, Ni varanziwa va wena va ta yiswa wukhumbini; Zonake u taku koyo tingana, U xeveka hloko hi kota ya kubiha ka wena.

Danieli 12:2

Vanyingi lava va etleleko tshurini wa misava va ta vuka; a vanwani va ta vuka vaya wutomini ga pinzukelwa, kasike a vanwani va ta vuka vaya ti-nganeni ni hlokiselelweni wu nga gumelwiko. Mat. 25:46; Joh. 5:28

Hosea 4:10

Vataga, kanilezi va nga ta xura; va ta bhaya kanilezi va nga ta enzeleka, hakuva va tsikile ku ingisa Jehova. Levi 26:26; Hag. 1:8

Malaki 3:18

Zonake mu ta tlhela mu wona a kuhambana ku nga kona ka loyi a lulamileko ni wakubiha, xikari ka loyi a tirelako Nungungulu ni loyi a nga mu tireliko.