Isaya 63:7 - Tshwa Bible

⁷ Nzi taba hungu hi mitiro ya Jehova ya wuxinji, Ni wudzunzo ga Jehova, Maringano ni zontlhe lezi Jehova a hi maheleko, Ni wunene gakwe ga hombe hehla ka yindlu ya ka Israeli, Legi a va maheleko hi wuxinji gakwe Ni liranzo lakwe la hombe.

Isaya 63:7 교차 참조

1 Tihosi 8:66

Hi siku ga wu 8 i lo fambisa vanhu; na vona va lo katekisa hosi va tlhelela matendeni yabye hi kutsaka ni kubonga ka mbilu, hi kota ya zikateko zontlhe lezi Jehova a maheleko a nanza gakwe Davida ni vanhu vakwe va ka Israeli.

2 Kronekele 7:10

Hi siku ga 23 ga hweti ya wu 7 Solomoni i lo hangalasa vanhu va ti yela matendeni yabye na timbilu tabye ti tsakile, hakuva Jehova i katekisile Davida na Solomoni ni va ka Israeli, a vanhu vakwe.

Nehemia 9:25

Va lo teka a miti yi bhiyelweko, ni tiko go nona, va teka ni tiyindlu ti nga wa tele hi zilo zo saseka, a tihlowo ti kelilweko, zivina, mioliva, ni tisinya tinyingi ta mihanzu. Zinghaho va loga, va xura, va kulukelana, va ti tsakela hi wunene ga wena.

Nehemia 9:27

Hikwalaho u lo va nyikela mandleni ya valala vabye va va hlokisa. Vaku va hi xikari ka zikarato, va ku rilela, wena u vazwa na u hi le tilweni; hi kota ya wuxinji ga wena go eta, u va nyika vahanyisi lava va nga va ponisa mandleni ya valala vabye. Vala. 3:9, 15

Nehemia 9:31

Ahembaloko, hi kota ya wuxinji ga wena go eta, cima a ku va mbhetangi, hambu ku va fularela, hakuva wena u Nungungulu wa tipswalo ni wuxinji.

Nehemia 9:35

Hakuva lomu mufunweni wabye a va ku tirelangi, laha u nga va nyika hi wunene ga wena ga hombe, ni tiko leʼga hombe go nona u nga va nyika, kanilezi vona a va humangi zimahweni zabye zo biha.

Tisimu 103:2

Muhefemulo wanga, khesa Jehova, U nga rivali a mitiro yakwe yontlhe ya yi nene;

Tisimu 107:15

Ngha vanhu va dumisa Jehova hi kota ya wuxinji gakwe, Hi kota ya zihlamaliso lezi a zi maheleko vanana va vanhu.

Tisimu 107:21

Ngha vanhu va dumisa Jehova hi kota ya wuxinji gakwe, Hi kota ya zihlamaliso lezi a zi maheleko vanana va vanhu.

Tisimu 107:31

Ngha vanhu va dumisa Jehova hi kota ya wuxinji gakwe, Hi kota ya zihlamaliso lezi a zi maheleko vanana va vanhu.

Tisimu 107:8

Ngha vanhu va dumisa Jehova hi kota ya wuxinji gakwe, Hi kota ya zihlamaliso lezi a zi maheleko vanana va vanhu.

Tisimu 145:7

Va ta hangalasa a, wudumo ga wunene ga wena ga hombe, Va ta yimbelela hi kululama ka wena.

Tisimu 25:6

Jehova, alakanya wuxinji ga wena ni wunene ga wena, Hakuva za hi kona hi kale ka matiko.

Tisimu 51:1

Nungungulu, nzi mahele wuxinji khwatsi hi wunene ga wena; Fuvisa a zihambuko za mina kukotisa a wunyingi ga tipswalo ta wena.

Tisimu 63:3

Hakuva a kuranza ka wunene ga wena ku sasekile ku hunza wutomi; A milomu ya mina yi ta ku dumisa.

Tisimu 86:15

Kanilezi wena Hosi, u Nungungulu loyi a hawukelako, u hi ni tipswalo; Wa timisela, u tele hi wuxinji ni kutsumbeka. Ekso. 34:6; Neh. 9:17

Tisimu 86:5

Hakuva wena Hosi, u nene, wa tsetselela, U maha wuxinji kanyingi ka lava va ku khongelako. Joeli 2:13; Jona 4:2

Tisimu 92:2

A ku tlhatlhambutela a wunene ga wena laha mixweni, Ni kutsumbeka ka wena laha wusikwini,

Eksodusi 18:9

Zonake Jetro i lo tsaka hakuva Jehova i mahile wuxinji ka vaIsraeli hi ku va tlhatlhisa canjeni ga vaGipite.

Isaya 26:13

O Jehova, Nungungulu wa hina, Hina hi fumelwe hi tinwani ti hosi a handle ka wena, Hi kota ya wena hi ta dumisa vito ga wena.

Isaya 51:2

Cuwukani ka Abrahama a dadani wa nwina, Na Sara loye a mu psweleko; Hakuva laha a nga hi yece nzi mu vitanile, Nzi mu katekisa, ni ku mu anzisa. Gen. 12:1; Jox. 24:3; Ezek. 33:24

Isaya 54:10

Hambu loku a zitsunga zi suka, ni miganga yi tsekatseka, Kanilezi a tipswalo ta mina ti nga ta suka ka wena, Ni xivumelwano xa mina xa kurula xi nga ta tsekatseka, Ku wula Jehova loyi a ku mahelako wuxinji. Mat. 24:35

Isaya 54:7

Nzi ku tsikile xikhatanyana, Kanilezi nzi ta tlhela nzi ku wuyisa hi tipswalo ta hombe.

Isaya 54:8

Hi kota ya zanga ya mina nzi lo ku fihlela a nghohe ya mina xikhatanyana, Kanilezi nzi ta ku tsetselela hi tipswalo ta pinzukelwa, Ku wula Jehova a Mutiruli wa wena.

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Isaya 64:5

Wa tlhangaveta lava va tsakako ku maha kululama, Lava va ku alakanyako tindleleni ta wena: Languta, u wa zangara hakuva hi ku onhele; Zi wa hi tano ni kale, hi ta hanyiswa ke?

Mikosi 3:32

Hakuva loku a vanga hlomulo, Wa mahela wuxinji hi wunyingi ga wunene gakwe.

Hosea 2:19

Zonake nzi ta ku teka uva wa mina kala kupinzuka; nzi ta ku teka hi kululama, ni nongameto, ni tipswalo, ni wuxinji.

Zakaria 9:17

Hakuva a kuvuvuma kabye ka hombe nguvu, ni wumbhuri gabye ga hombe nguvu! A mavele ma ta kulisa a majaha, ni vinya giswa a vanhwana. Deut. 33:28

Mateu 7:11

Hikwalaho loku nwina, na mu bihile, mu zi tiva ku nyika leʼzo saseka ka vanana va nwina, nguvunguvu a Raru wa nwina wa le tilweni a nga ta va nyika zilo zo saseka lava va mu kombelako ke?

Va le Roma 2:4

Kutani u kanyisa a kutala ka wunene gakwe ni kuhunisela ni kutimisela kakwe ke? A ku zi tivi lezaku a wunene ga Nungungulu gi lava ku ku kokela kuhunzulukeni ke? Ekso. 34:6; Efe. 1:7; 2 Ped. 3:9

Va le Roma 5:20

Kambe a nayo wu lota lezaku kasi a xihambuko xi anza; kanilezi laha kuonha ku nga anza, a tipswalo ti lo anza nguvunguvu; Lu. 7:47; Joh. 15:22; Xip. 3:20; 1 Tim. 1:14

Va le Efesusi 2:4

Kanilezi Nungungulu loyi a teleko wuxinji, hi kota ya liranzo lakwe la hombe leli a hi ranzileko ha lona, Rom. 10:12

1 Timote 1:14

A tipswalo ta Hosi ya hina ti lo tata a mbilu ya mina, zinwe ni kukholwa ni liranzo leli li nga ka Kristu Jesu. Lu. 7:47