Isaya 63:5 - Tshwa Bible

⁵ Nzi lo cuwuka, ku wa nga hi na muvuni; Nzi lo hlamala hikuva ku nga hi na munhu wo nzi seketela. Hikwalaho a canja ga mina nwinyi gi lo nzi vuna, Ni khulo ga mina gi lo nzi seketela.

Isaya 63:5 교차 참조

Tisimu 107:12

Hikwalaho i lo koramisa a timbilu tabye hi mikhinyavezo, Va lo khunguvanyeka, va nga hi na muvuni.

Tisimu 22:11

U ngave kule na mina, hakuva zikarato zi tshinele, Na nzi nga hi na muvuni.

Tisimu 44:3

Hakuva a va kumangi tiko hi matlhari yabye, A va hlulangi hi mawoko yabye, Kanilezi hi canja ga wena ga xinene, ni woko ga wena, Ni kuvaninga ka nghohe ya wena, hakuva u lo xalala ha vona. Ekso. 33:14; Mitse. 6:25; Jox. 24:12

Tisimu 69:20

A kurukiwa ku panzile mbilu ya mina, ya nzi tikela; Nzi cuwukela a kuxanisekelwa, kanilezi a ku kona; Ni vatangalisi, kanilezi a nzi va kumangi.

Tisimu 94:16

Himani a to nzi lwela ka vobiha, Ni ku nzi vuna mahlweni ka vagohi ke?

Tisimu 98:1

Yimbelelani ka Jehova a lisimu liswa, Hakuva i mahile zirewukiso; A canja gakwe ga xinene, ni woko gakwe go basa zi mu hlulele.

Isaya 40:10

Langutani, Hosi Jehova i tata khwatsi i nhenha, A ku ta fuma hi canja gakwe. Langutani, wata ni nchachazelo wakwe, Ni muphango wakwe wa mu rangela.

Isaya 41:28

Laha na nzi cuwuka a nzi woni munhu, A gi kona sungukati xikari kabye, Loyi a zi kotako ku hlamula loku nzi wutisa.

Isaya 50:2

A xikhati lexi nzi ngata, hikuyini ku nga hi hava muyimeli ke? Ni laha nzi nga vitana, hikuyini ku nga kala ku huma wo hlamula? Xana a woko ga mina gi komile ko kala nzi tsanzeka ku tlhatlhisa ke? Kutani nzi vumala ntamu wa ku hanyisa ke? Languta, hi kukawuka ka mina nza womisa a bimbi, A micongo nzi yi maha xiwula, kasi a zidluwani za bola, zifa hi tora, Hi kota ya ku vumala mati. Ekso. 14:21; Jox. 3:5, 16

Isaya 51:5

A kululama ka mina ku laha kusuhani, ni kuhanyisa ka mina ka hata; Zonake a mawoko ya mina ma ta lamula matiko; A matiko ya lomu bimbini ma nzi langutela, Ma tsumba woko ga mina.

Isaya 51:9

Vuka, vuka! Ambala ntamu wena woko ga Jehova! Vuka, u kota kale, a xikhatini xa kaleloko. Xana a hi wena u nga mbhetisa Rahabi, Ni ku tlhava dragoni ke? Ekso. 14:27; 15:7, 10; Tis. 74:13

Isaya 52:10

Jehova i funungule a woko gakwe ga kubasa mahlweni ka matiko wontihe, A magemeta-musi ya misava ma ta wona a kuhanyisa ka Nungungulu wa hina.

Isaya 63:3

Nzi wa kanzihele lomu xigowolweni xa vinya na nzi hi nzoce, Ni munwe xikari ka matiko nzi wa nga hi naye. Ina, nzi va kanzihelele zangeni ya mina, Nzi va ganyetela hi kota ya khulo ga mina; Ni nkhata wabye wu phandlukele a tinguwo ta mina, Nzi nyenyezisa a nguwo ya mina yontlhe.

Ezekieli 22:30

Nzi lavile a munhu xikari kabye loyi a ta nga bhiya lihlavu, a yima laha vangeni mahlweni ka mina a lwela tiko, lezaku nzi nga gi lovisi, kanilezi a nzi mu kumangi.

Hosea 1:7

Kanilezi nzi tava ni wuxinji ka yindlu ya ka Juda, nzi va ponisa ha Jehova a Nungungulu wabye; nzi nga ta va ponisa hi mawura, kutani tisupado ni kulwa, hambu mahaxi ni vakhileli va mahaxi.

Johani 16:32

Mangabye, xa hata xikhati, xi chikele ni lezi, xa kuva mu hangalaka, munwe ni munwani a famba kaya kakwe, mu nzi siya nzoce; kanilezi a nzi nzoce, hakuva Dadani i na mina. Mat. 26:31; Xip. 8:29; 20:10

1 Va le Korinte 1:24

kanilezi ka vona lava va vitanilweko, hambu va hi vaJuda kutani vaGreki, Kristu i ntamu ni wutlhari ga Nungungulu. Rom. 1:4; Kol. 2:3