Isaya 63:16 - Tshwa Bible

¹⁶ Kasi u dadani wa hina, Hakuva Abrahama a nga hi tivi, Na Israeli a nga ha hi alakanyi. Wena Jehova, u dadani wa hina, A vito ga wena Mutiruli wa hina wa pinzukelwa.

Isaya 63:16 교차 참조

1 Kronekele 29:10

Hikwalaho i lo bonga Jehova mahlweni ka tlhangano wontihe, aku: A ku bongiwe Jehova Nungungulu wa ka Israeli, a dadani wa hina, kala kupinzuka ni kupinzuka!

Joba 14:21

A vana vakwe loku va kuma wudzunzo, yena a nga zi tivi; Hambu loku va tsongahatiwa, yena a nga va alakanyi.

Eksodusi 4:22

Zonake u taku ka Faro: Jehova i ngalo: Israeli i nʼwana wa mina wa matewula. Mat. 2:15

Mutshawuteli 9:5

A vahanyako va zi tiva lezaku va tafa, kanilezi a vafileko a va tivi nchumu, ge, kuva ni nchachazelo, hakuva a va ha alakanyiwi.

Isaya 1:2

Zwana, o matilo; kangatela ndleve, o misava! hakuva Jehova wa wulawula, aku: Nzi wundlile vana, nzi va kulisile, kanilezi vona va nzi hluwukile. Ekso. 19:4; Deut. 31:28; Hos. 11:1

Isaya 29:22

Hikwalaho Jehova loyi a tlhatlhisileko Abrahama, i byela yindlu ya ka Jakobe, aku: Jakobe a nga ta ha wiswa tingana, ni nghohe yakwe cima yi nga ta ha tsanwa.

Isaya 41:14

U nga chavi wena xiwungwani, Jakobe, Na nwina misalela ya Israeli; Nzi ta ku vunetela, ku wula Jehova; A Mutiruli wa wena hi Loyi wa ku Basa wa ka Israeli.

Isaya 41:8

Kanilezi wena Israeli, nanza ga mina, Wena Jakobe loyi nzi ku hlawuleko, U nga pswalo wa Abrahama a xaka ga mina. Ekso. 19:5; Lu. 1:54; Jak. 2:23

Isaya 43:14

Jehova a Mutlhatlhisi wa nwina, Loyi a Basileko wa ka Israeli, i ngalo: Hi kota ya nwina nzi rumile a muhlaseli le Babuloni, Nzi hlongola vontlhe vahombe va kona, A maKaldea va ta tsutsuma lomu matarwini yabye va nga tsaka ha wona.

Isaya 44:6

Jehova, a Hosi ya ka Israeli, Ni Mutiruli wakwe, Jehova wa tiyimpi, i ngalo: Nzi wo sangula, ni wo gumesa, Ahandle ka mina a ku na Nungungulu. Isa. 41:4; Kuv. 1:8, 17

Isaya 45:11

Jehova loyi a Basileko wa ka Israeli, tlhelo Mumahi wakwe, i ngalo: Xana mu ta nzi wutisa xungetano hi lezi zi tako ka vana va mina ke? Mu ta nzi lelela xungetano hi ntiro wa mandla ya mina ke?

Isaya 51:2

Cuwukani ka Abrahama a dadani wa nwina, Na Sara loye a mu psweleko; Hakuva laha a nga hi yece nzi mu vitanile, Nzi mu katekisa, ni ku mu anzisa. Gen. 12:1; Jox. 24:3; Ezek. 33:24

Isaya 54:5

Hakuva a Muvangi wa wena hi yena nuna wa wena, Leyi a nga Jehova wa tiyimpi a vito gakwe; Loyi a Basileko wa ka Israeli Mutiruli wa wena, A ta nga vitanwa lezaku i Nungungulu wa misava yontlhe. Rom. 3:29

Isaya 60:16

U ta anwa a mafi ya matiko, Ina, u ta anwa a mavele ya tihosi; Zonake u ta zi tiva lezaku mina Jehova nzi Muhanyisi wa wena Ni Mutiruli wa wena, a Nyamintamu wa ka Jakobe.

Isaya 63:12

Loyi a nga fambisa a woko gakwe ga wukulu le reveni ga xinene ga Mosi, Loyi a nga avanyisa mati mahlweni kabye kasi ku ti mahela a vito ga pinzukelwa?

Isaya 64:7

A ku na munhu a khongelako vitweni ga wena, Loyi a vukako kasi ku namarela ka wena; Hakuva u hi fihlele a nghohe ya wena, U hi tsika hifa zigohweni za hina.

Isaya 64:8

Kanilezi makunu, wena Jehova u dadani wa hina; Hina hi wumba, wena u muwumbi wa hina, Hina hontlhe hi ntiro wa mandla ya wena, Jer. 3:19; Rom. 9:20

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Jeremia 3:19

Nzi waku: Nzi ta ku veka xikari ka vanana va mina, Nzi ta ku nyika a tiko gi xuvekako, A tshomba yo saseka nguvu xikari ka matiko. Nziku: Mu ta nzi vitana, muku: Dadani; Mu nga ta ha hambuka mu nzi siya.

Jeremia 3:23

Hizinene hi tsumbile mahala a kuhanyiswa loku ku tako hi lomu migangeni, Ni ngholovanya ya lomu zitsungeni a yi vuni nchumu. Hizinene a kuhanyiswa ka Israeli kuta hi ka Jehova a Nungungulu wa hina.

Jeremia 31:9

Va ta wuya na va kari va rila, Nzi va heleketa na va kari va khongela; Nzi ta va rangela micongweni ya mati, Hi ndlela yi basileko leyo va to kala a ku khunguvanyeka ha yona; Hakuva nzi dadani ka Israeli, Na Efraime hi matewula ya mina. Ekso. 4:22; Isa. 63:16

Hosea 1:10

Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Malaki 1:6

A mufana i fanele ku dzunza a raru wakwe, ni xitiri xi ta dzunza a nwinyi wa xona. Makunu loku mina nzi hi raru, gi kwihi a wudzunzo ga mina? Ni loku nzi hi nwinyi, ku kwihi a kuchabyiwa ka mina? ku wula Jehova wa tiyimpi ka nwina vapristi, mu kanyisako a vito ga mina. Mu ngalo: Hi kanyisile a vito ga wena hi yini? Ekso. 20:12

Malaki 2:10

A hi vana va dadani munwe ke? A hi Nungungulu munwe a hi vangileko ke? Hikuyini munwe ni munwani wa hina a khohlisako nakulobye, hi tshova a xivumelwano xa vadadani va hina? Ekso. 19:5; Mat. 23:9; Efe. 3:15

Mateu 6:9

Hikwalaho khongelani kota lezi: Dadani wa hina wa le tilweni, a vito ga wena a gi hlawuliwe. Lu. 11:2

Johani 8:41

Nwina mu maha a mitiro ya raru wa nwina. Vaku ngalo kakwe: A hi pswalwangi hi wubhayi; hi na ni Dadani munwe, yena Nungungulu.

Deuteronome 14:1

Nwina mu vanana va Jehova Nungungulu wa nwina. Mu nga tlhaveli tihlanga mirini wa nwina, hambu ni ku cinga phandla hi kota ya vafileko.

Deuteronome 32:6

Kaxana mu ta tlhelisela ka Jehova hi za kunghahi ke? Nwina vanhu va zipumbu, mu nga hiko na wutlhari? Kasi a hi yena dadani wa wena, loyi a ku mahileko ke? Hi yena a ku wumbileko a ku yimisa.