Isaya 63:12 - Tshwa Bible

¹² Loyi a nga fambisa a woko gakwe ga wukulu le reveni ga xinene ga Mosi, Loyi a nga avanyisa mati mahlweni kabye kasi ku ti mahela a vito ga pinzukelwa?

Isaya 63:12 교차 참조

1 Tihosi 8:42

hakuva va tazwa a timhaka ta vito ga wena ga hombe, ni canja ga wena ga ntamu, ni woko ga wena gi tlakukileko; loku yena a ta khongela ndlwini leyi;

Nehemia 9:10

U kombisa miwoniso ni zihlamaliso ka Faro, ni ka malanza yakwe wontihe, ni ka vanhu vontlhe va tiko gakwe, hakuva wena wa zi tiva lezaku va va khomile hi lunya; wena u ti mahele vito, khwatsi hi nyamutlha lezi Ekso. 7-12

Nehemia 9:11

U lo va avanyisela a bimbi, kasi va fela ku famba muhanzeni wa lomu xikari ka gona, kanilezi lava va nga wa va hlongolisa u va hoxa lomu kueteni ka gona, khwatsi i ribye gi hoxilweko matini ya ntamu.

Tisimu 78:13

I lo avanyisa bimbi, a va tlhatukisa, A maha mati ma yima khwatsi i nhulu.

Tisimu 80:1

Ingisa, wena Murisi wa Israeli, Wena loyi u rangelako Josefa khwatsi hi ntlhambi; Wena loyi u tshamako xikari ka makerubima Huma u hatima. Isa. 37:16; Ezek. 34:12; Joh. 10:11

Eksodusi 15:13

Hi tipswalo ta wenawu lo tlhatlhisa vanhu, u va humesa; U va fambisile hi ntamu wa wena, A wutshanwini ga wena go basa.

Eksodusi 15:16

A kuchava ni kururumela zi lowa hehla kabye; Hi canja ga wena ga ntamu, Va hunzukile va maha timbeveve ti fananako ni maribye, Kala a vanhu va wena va tlhatuka, O Jehova! Va kala va tlhatuka a vanhu lava u va tiruleko.

Eksodusi 15:6

A canja ga wena Jehova gi dzunzekile hi ntamu; A canja ga wena ga xinene, Jehova, gi hangalasile valala.

Eksodusi 6:6

Hikwalaho va byele a vanana va ka Israeli uku: Hi mina Jehova, nzi ta mu rula a nzhwalo wa vaGipite; nzi ta mu lwela; nzi ta mu tlhatlha wukhumbini gabye, nzi mu hletela hi canja ga ntamu, ni kuphota ka hombe.

Isaya 11:15

Jehova i ta womisa a ravi ga bimbi ga Gipite, I ta tlakusa a canja gakwe hehla ka Eufrate, A wu panza wu maha ntlhanu wa micongwana ni mimbiri, Lezaku vanhu va tlhatuka na va hi ni zilato.

Isaya 43:16

Ku wula Jehova loyi a bhoxileko ndlela lomu bimbini, Ni tisoko lomu matini ya hombe, Ekso. 14:21

Isaya 44:27

Hi mina nzi nge ngalo ka kueta ka bimbi, Pswhana! Nzi ta pswhisa a micongo ya wena.

Isaya 51:10

A hi wena u nga womisa a bimbi, a mamati ya kueta; Loyi u bhoxileko a ndlela xikari ka bimbi go eta, Va famba ha yona a vanhu va hanyisilweko ke? Ekso. 14:22, 29

Isaya 55:13

A wutshanwini ga mizwa ku ta mila kipres, Ni wutshanwini ga zigetlwani ku ta huma a mirta; Zi ta zwakalisa a vito ga Jehova, Zi tava xikombiso xa pinzukelwa xi to kala xi nga vinyiwi,

Jeremia 31:32

Na ku nga hi ku kota a xivumelwano lexi nzi xi mahileko ni vararu vabye, A sikwini legi nzi nga va khoma hi canja nzi va humesa a tikweni ga Gipite; A xivumelwano lexi va nga xi tshova, Kasi lezo nzi wa hi nwinyi wabye, ku wula Jehova.

Jeremia 32:20

Wena u mahile ziwoniso ni mahanjalati le tikweni ga Gipite, ni hehla ka Israeli, ni xikari ka vanhu vanwani kala nyamutlha lezi; u ti mahele a vito legi u nga nago legi siku;

Jeremia 32:21

u lo humesa vanhu va wena va Israeli hi le tikweni ga Gipite hi ziwoniso ni mahanjalati, hi canja ga ntamu ni woko gi nawulutilweko, ni kuchavisa ko tshisa. Ekso. 6:6; 13:3, 14; 2 Sam. 7:23

Va le Roma 9:17

Hakuva a mutsalo wu ngalo ka Faro: Nzi lo ku vuxa lezaku kasi nzi fela ku wonisa a ntamu wa mina ha wena, ni lezaku a vito ga mina gi zwakala misaveni yontlhe. Ekso. 9:16; Mav. 16:4

Joxua 3:16

a mati lawa ma relelako mata hi le hehla, ma lo ta yima ma kukumuka ma maha xitsunzulu hi le kule nguvu, kala kusuhani ni le Adama, a muti lowu wu nga tlhelo ga Zaretani; ni mati lawa ma relelako le Bimbini ga Libala, gi nga Bimbi ga Munyu, ma lo kokiwa wontihe, zonake a vanhu va lo tlhatuka hi laha ko cuwukana na Jeriko. Deut. 3:17; Tis. 114:3