Isaya 62:8 - Tshwa Bible

⁸ Jehova i hlambanyile hi canja gakwe ga xinene, Hi woko gakwe ga ntamu, aku: Hizinene, nzi nga ta ha nyikela a mavele ya wena a kuva zakuga za valala va wena, A vamatiko va nga tanwa a vinya ga wena, legi wena u gi tireleko.

Isaya 62:8 교차 참조

Isaya 1:7

A tiko ga nwina gi hahlukile, a miti ya nwina yi hisilwe hi nzilo; a misava ya nwina yi giwa hi vamatiko a kuwoneni ka nwina; yi mahile xiwula khwatsi hi loku yi phangilwe hi valala.

Isaya 45:23

Nzi hlambanyile hi wutsumbu ganga, A mhaka ya lisine yi humile nonwini wa mina, Leyi yi to kala yi nga tsanzeki: Lezaku a madzolo wontihe ma ta nzi khizamela, Ni tirimi tontlhe ti ta hlambanya ha mina.

Isaya 54:9

Kota lezi nzi nga maha masikwini ya Noa, Hakuva kota lezi nzi nga hlambanya Lezaku a ntalo wa Noa wu nga ta ha tlhelela misaveni; Hizalezo nza hlambanya makunu lezaku cima nzi nga ta ku zangarela kambe, Ge hambu ku ku kawuka.

Isaya 55:2

Hikuyini mu xakelako mali hi ku xava lezi zi nga hiko zakuga ke? Hikuyini mu humesako hakhelo ya nwina hi kota ya lezi zi nga xurisiko ke? Nzi ingiseni, mu taga zo nanziha, mu ti tsakisa hi lezi zi nonileko.

Isaya 59:16

I wonile lezaku a ku na muyimeli, A hlamala hikuva ku nga hi na muhlanguti. Hikwalaho a woko gakwe wutsumbu gi lo mu vunetela, Ni kululama kakwe ku lo mu seketela.

Jeremia 31:5

Wa ha ta byala zivina zitsungeni za Samaria; Lava va byalako va taga a mihanzu ya kona.

Jeremia 5:17

Vona va taga a mavele ya wena ni xibaba xa wena, va taga vafana va wena ni vanhanyana va wena, va taga tiyivu ta wena ni tihomu ta wena, va taga zivina za wena ni mikuwu ya wena; a miti ya wena ya makhokhola, leyi u yi tsumbako, va ta yi lovisa hi supado. Levi 26:16; Deut. 28:31

Ezekieli 20:5

uku ka vona: Hosi Jehova i ngalo: A siku legi nzi nga hlawula ha gona Israeli, nzi lo hlambanya ka pswalo wa yindlu ya ka Jakobe, nzi ti tivekisa kabye lomu tikweni ga Gipite, nziku: Hi mina Jehova a Nungungulu wa nwina. Ekso. 6:8; Deut. 7:6

Levi 26:16

minawu nzi ta mu maha lezi: Nzi ta mu rumela a chawo, ni ndere, ni feveri, zi ta mbheta a mahlo ya nwina ni timbilu ta nwina; mu ta byala mahala timbewu ta nwina, hakuva ti ta giwa hi valala va nwina.

Amosi 9:14

Nzi ta tlhelisela a vabohiwa va vanhu va mina va Israeli, va ta aketa a miti leyi yi nga hi marumbi va tshama ka yona; va ta byala zivina, vanwa a vinya ga zona; va rima masimu, vaga a mihanzu ya wona. Deut. 28:30, 39; Am. 5:11

Deuteronome 28:30

Wena u ta wuta wasati, kanilezi munwani i ta etlela naye; wena u ta aka yindlu, kanilezi u nga ta tshama ka yona; u ta byala xivina, kanilezi u nga taga mihanzu ya xona.

Deuteronome 28:31

A homu ya wena yi ta dawa kuwoneni ka wena, kanilezi u nga taga a nyama ya kona; a mbongola ya wena yi ta wutliwa kuwoneni ka wena, na yona yi nga ta tlheliswa kambe ka wena; ni tiyivu ta wena ti ta nyikelwa ka valala va wena, ni laho a nga ta kuva kona wa ku ku yimela!

Deuteronome 28:33

A vanhu lava u nga va tiviko va taga a mihanzu ya misava ya wena ni ya mitiro ya wena yontlhe; wena u ta tsimbeketwa ni ku khinyelelwa wontihe masiku; Vala. 6:3

Deuteronome 32:40

Hakuva nza tlakusa canja ga mina tilweni, Nziku: Nzi loyi a hanyako kala kupinzuka!