5 Hakuva khwatsi hilezi a jaha gi chadako nhwana, Zinghaho a vana va wena va ta tekana na wena; Ni kota lezi a muyeni a tsakelako muswika wakwe, Zinghaho a Nungungulu wa wena i ta ku tsakela.
Humani nwina vanhwana va Zioni, muya wona hosi Solomoni, Ni xidlodlo xa wuhosi lexi a nga tlhatekiwa hi nyine wakwe A sikwini ga kuteka kakwe, Hi siku ga kutsaka ka mbilu yakwe.
Tana na mina hi suka Lebanoni, makoti wa mina, Suka na mina le Lebanoni. Relela hi le xixungweni xa Amana, Hi le xixungwe xa Senire na Hermoni, Hi lomu minkeleni ya tinghala ni lomu zitsungeni za tiyingwe. Deut. 3:9; 1 Kro. 5:23
U nga ta ha wuliwa lezaku u Loyi a tsikilweko, Ge hambu tiko ga wena ku vitanwa lezaku Wa xiwunza; Kanilezi u ta vitanwa aku Xiranzwa, Ni tiko ga wena gi ta vitanwa aku Khosikazi; Hakuva Jehova wa xalaliswa ha wena, Ni tiko ga wena gi tava ni nuna.
Jehova a Nungungulu wa wena, i lomu xikari ka wena, i nhenha leyi yi hanyisako. I ta ku tsakela hi zigingi, a miyela liranzweni lakwe, a ku tsakela hi tisimu.
na hi kari hi cuwuka ka Jesu a muvangi ni mumbhelelisi wa kukholwa ka hina, loyi hi kota ya kutsaka loku a nga vekelwe kona a nga timisela a xihambano, a nga khatali hi tingana ta xona; kanilezi makunu i tshamile hi tlhelo ga xinene ga xitshamu xa wuhosi xa Nungungulu. Tis. 110:1; Lu. 24:26