A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27
Zi ta maheka lezaku loyi a seleko le Zioni, ni loyi a seleko le Jerusalema, va ta hlayiwa kota va basileko, vontlhelele lava va tsalilweko bhukwini ga vahanyako le Jerusalema,
Lava va tsimbeketilweko ni vavumali va lava mati va nga ma kumi, A tirimi tabye ti womile hi tora; Kanilezi mina Jehova nzi ta vazwa, Mina Nungungulu wa ka Israeli nzi nga ta va tsika.
Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.
A hi wena u nga womisa a bimbi, a mamati ya kueta; Loyi u bhoxileko a ndlela xikari ka bimbi go eta, Va famba ha yona a vanhu va hanyisilweko ke? Ekso. 14:22, 29
A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13
A vamatiko va ta wona kululama ka wena, Ni tihosi tontlhe ti ta wona kungangamela ka wena; Wena u ta vitaniwa hi vito giswa, Legi gi ta nga chuliwa hi nomu wa Jehova.
U nga ta ha wuliwa lezaku u Loyi a tsikilweko, Ge hambu tiko ga wena ku vitanwa lezaku Wa xiwunza; Kanilezi u ta vitanwa aku Xiranzwa, Ni tiko ga wena gi ta vitanwa aku Khosikazi; Hakuva Jehova wa xalaliswa ha wena, Ni tiko ga wena gi tava ni nuna.
Nzi wa longile ku hlamula lava va nga kala va nga nzi vitani, Nzi vumele ku kumiwa hi lava va nga kala va nga nzi lavi. A ka tiko legi gi nga vitwangiko hi vito ga mina, nzi waku: Hi mina loyi! hi mina loyi! Rom. 10:20
Na mina nziku ka wena: Wena u Pedro, a hehla ka ribye legi nzi ta aka handla ga mina; a tinyangwa ta Hayidesi ti nga ta gi hluta. Joh. 1:42; Efe. 2:20; Kuv. 21:14
Nzi na ni tiyivu tinwani, leti ti nga hiko ta lowu ntlhambi; na tona kambe nzi fanele ku ti neha, ti ta ingisa a gezu ga mina. Zonake ku tava ni ntlhambi munwe ni murisi munwe. Isa. 56:8; Ezek. 37:22; Efe. 2:14
Kanilezi xikhati xa hata, xi kona ni lezi, laha a vakhozeli va nene va ta nga khozela Dadani hi moya ni zinene; hakuva Dadani wa lava a vakunghahi a kuva vakhozeli vakwe. Xip. 1:17; Fil. 3:3
lezaku yena i ta ku tlakusa hehla ka matiko wontihe lawa a ma mahileko, a ku nyika wudumo, ni vito, ni wudzunzo, muva vanhu va basileko va Jehova Nungungulu wa wena, khwatsi hi lezi a wulileko. Jer. 13:11; 33:9; Zef. 3:19
Jehova i ta ku yimisa lezaku uva tiko legi gi basileko, khwatsi hi lezi a hlambanyileko ka wena, loku u hlayisa a milayo ya Jehova Nungungulu wa wena, ni loku u famba hi tindlela takwe. Ekso. 19:6
hakuva nwina mu vanhu va kubasa va Jehova Nungungulu wa nwina; na Jehova Nungungulu wa wena i ku hlawulile kasi u fela ku maha tiko gakwe wutsumbu, a xikari ka wontihe matiko lawa ma nga laha misaveni.
Ngha na mahanyela ya nwina ma ngavi ya ku ranza mali; eneliswani hi lezi mu nga nazo; hakuva Nungungulu i ngalo: Cima nzi nga ta ku tsika, hambu ku ku siya. Gen. 28:15; Jox. 1:5
Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18
Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24
