Isaya 62:10 - Tshwa Bible

¹⁰ Humani, humani tinyangweni, mu lulamisa a ndlela ya tiko! Bhoxani ndlela, ecanyetani a gonzo, susani maribye; Tlakuselani a mujeke a ka matiko.

Isaya 62:10 교차 참조

Tisimu 24:7

Tinyangwa, tlakusani tihloko ta nwina; Ti tlakuseni nwina tivati ta pinzukelwa, Kasi ku enghena a Hosi ya kungangamela.

Tisimu 68:4

Yimbelelani ka Nungungulu, dumisani a vito gakwe; Mu longiseleni a gonzo loyi a tsemakanyako a ziwula; A vito gakwe hi Jehova, tsakani mahlweni kakwe. Ekso. 15:1; Isa. 40:3

Eksodusi 17:15

Mosi i lo aka a alati, a gi chula a vito ga Jehova-nisi.

Isaya 11:10

Masikwini lawo ku tava kona a ximilwa mutswini wa ka Jese, lexi a matiko ma ta nga yimiselwa khwatsi i nghapa; a vamatiko va ta mu lava, ni wuhumulelo gakwe gi ta ngangamela. Rom. 15:12; Kuv. 5:5

Isaya 11:12

A matiko yi ta ma yimisela a nghapa, Yi tsombanyisa lava va hlongolweko va ka Israeli, Ni ku tlhanganyisa lava va hangalakileko va ka Juda, Va suka matlhelweni ya mune ya misava. Deut. 30:4; Joh. 10:16

Isaya 11:16

Ku tava kona a gonzo lomo ga misalela ya vanhu vakwe, Lava va ta nga sala le Assiria; Khwatsi hi legi gi nga wa hi kona A sikwini legi Israeli a nga huma hi le Gipite.

Isaya 18:3

Nwina nwentlhe vaaki va matiko, Vanhu vontlhe va misava, Cuwukani loku a nghapa yi tlakuswa hehla ka zitsunga; Ni loku paratana wu biwa, ingisani!

Isaya 19:23

A ka siku lego ku tava kona a gonzo go suka hi le Gipite, giya Assiria; a maAssiria ma tata le Gipite, ni maGipite ma tata le Assiria; zonake a maGipite ma ta khozela Jehova zinwe ni maAssiria.

Isaya 26:1

A ka siku lego va ta yimbelela lisimu leli tikweni ga ka Juda: Hi na ni muti wa ntamu; I ta yimisa kuhanyisa a kuva khurisi ni lihlavu.

Isaya 26:2

Vululani a tinyangwa, kasi ku enghena a vanhu va lulamileko, A vanhu va tsumbekileko.

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Isaya 35:9

Yi nga tava ni nghala, Ne ni zivanza zo leva zi nga tava kona, Zi nga ta kumeka lomo; Kanilezi yi ta famba lava va tlhatlhisilweko.

Isaya 40:3

A gezu ga loyi a bako hungu, giku: Longisani a ndlela ya Jehova lomu xiwuleni, Lulametani a gonzo ga Nungungulu wa hina lomu ligwangweni. Mat. 3:3; Lu. 1:76; Joh. 1:23

Isaya 40:4

A minzhelelo yontlhe yi ta seletelwa, Zontlhelele zitsunga ni miganga zi ta bohliswa; A matshamu ma gombonyekileko ma ta lulametwa, Ni matshamu ya magomagoma ma ta ecetelwa.

Isaya 48:20

Humani lomu Babuloni, mu chavela kule ni maKaldea, Zi tlhatlhambuteni na mu yimbelela hi kutsaka, Muba hungu kala magemetamusi ya misava, muku: Jehova i tirule nanza gakwe Jakobe! Jer. 50:8; Kuv. 18:4

Isaya 49:11

Nzi ta bhoxa ndlela zitsungeni zontlhe za mina, Ni magonzo ya mina ma ta seletelwa.

Isaya 49:22

Hosi Jehova i ngalo: Nzi ta tlakusa a canja ga mina ka vamatiko, Nzi yimisa a nghapa ya mina xikari ka mifumo; Zonake va ta neha varisanyana va wena mawokweni yabye, Ni vanhwana va wena va ta va rwala makatleni.

Isaya 52:11

Sukani, sukani, humani lomo! Mu nga khumbi ni xilo xinwe xi nga hlazekangiko! Humani xikari ka gona; ti basiseni! Nwina lava mu rwalako a zibya za Jehova. 2 Kor. 6:17; Kuv. 18:4

Isaya 57:14

Aku: Bhoxani ndlela, ecanyetani misava, Basisani ndlela, Mu susa zikhunguvanyiso lomu ndleleni ya vanhu va mina.

Isaya 60:11

A tinyangwa ti ta tshama ti vululwe xikhati xontlhe, Mumu ni wusiku ti nga ta valiwa; Kasi a kufuma ka vamatiko ku fela ku enghena kona, A tihosi ta wona ti longoloka nako. Kuv. 21:24

Isaya 60:18

A tihanyi ti nga ta ha zwiwa lo mu tikweni ga wena, A kuhahlulwa ni kulobyiswa zi nga tava kona tikweni ga wena, Kanilezi u ta vitana a tigingisi ta wena lezaku Kuhanyiswa, Ni tinyangwa ta wena lezaku Kudumisa.

Isaya 66:19

Nzi ta yimisa a xikombiso xikari kabye; lava va ta nga pona nzi ta va rumela matikweni, vaya le Tarxixi, le Pule, ni le Ludi, lava va fulako hi mawura, le Tubale, ni le Javane, ni le matikweni ya le kule le bimbini, lawa ma kalako ma nga se kuzwa a wudumo ga mina; vona va ta tlhatlhambutela a wukulu ga mina xikari ka matiko.

Jeremia 18:15

Hakuva a vanhu va mina va nzi rivakelwe, Va hisile libani ka zifananiso; Zi va khunguvanyekisile tindleleni tabye, a mipfutleni ya kale, Kasi va njenjereka ndleleni yo hambuka leyi yi nga bhoxiwangiko.

Jeremia 4:6

Gwimbani nghapa tlhelweni ga Zioni, Tsutsumani ni tihunzu ta nwina, mu nga yimi;. Hakuva nza mu nehela a khombo na gita hi le Nwalungu, Ni lobyiselelo wa hombe.

Ezekieli 26:2

Nʼwana wa munhu, kota lezi Tire a nga hlekula Jerusalema, aku: Ha-ha, a nyangwa ya matiko yi khungumulwe, Yi vululekile ka mina; Makunu nzi ta vuvuma hakuva i hahlulwe.

Mateu 22:9

Hikwalaho fambani mahanzakanyeni ya tindlela, mu ya ramba vontlhe lava mu ta nga va kuma.

Maheberu 12:13

lulametani a tindlela ta mikonzo ya nwina, lezaku lexi xi khwitako xi nga khuyuki, kanilezi xi hanyiswa. Mav. 4:26; Gal. 6:1