Isaya 62:1 - Tshwa Bible

¹ Hi kota ya Zioni nzi nga ta miyela, Hi kota ya Jerusalema nzi nga ta humula Kala kuwonekela kakwe ku huma khwatsi wuronga, Ni kuhanyisa kakwe ku woningela kota kandiya.

Isaya 62:1 교차 참조

Tisimu 137:6

Loku nzi nga ku alakanyi, A lirimi la mina a li namarele malakalakeni ya mina, Loku nzi nga ranzi Jerusalema hi kuhunzeletilweko.

Tisimu 51:18

Maha khwatsi ka Zioni hi wuxinji ga wena, Aketa a tigingisi ta Jerusalema.

Mavingu 4:18

Kanilezi a ndlela ya valulamileko yi kotisa kuwonekela ka mixo, oku ku enzelekako kala a hlikanhi wu mbhelela.

Isaya 26:2

Vululani a tinyangwa, kasi ku enghena a vanhu va lulamileko, A vanhu va tsumbekileko.

Isaya 46:13

Nzi tshinetile a kululama ka mina, Ni kuhanyisa ka mina ku nga ta hlwela; Nzi ta veka kuhanyisa ka mina le Zioni, Ni wudzunzo ga mina ka Israeli.

Isaya 48:18

O, loku ku wo khwatsi wa ingisa zileletelo za mina! Zonake a kurula ka wena ku wa ta khulunga ku khwatsi i congo, Ni kululama ka wena ku wa ta ku khwatsi mabyandlati ya bimbi,

Isaya 51:9

Vuka, vuka! Ambala ntamu wena woko ga Jehova! Vuka, u kota kale, a xikhatini xa kaleloko. Xana a hi wena u nga mbhetisa Rahabi, Ni ku tlhava dragoni ke? Ekso. 14:27; 15:7, 10; Tis. 74:13

Isaya 52:10

Jehova i funungule a woko gakwe ga kubasa mahlweni ka matiko wontihe, A magemeta-musi ya misava ma ta wona a kuhanyisa ka Nungungulu wa hina.

Isaya 54:14

U ta bhiyelwa hi kululama, U tava kule ni kutsimbeketwa, U nga ta chava nchumu, Ni lobyiselelo wu nga ta ha tshinela ka wena.

Isaya 58:8

Zonake a kuwonekela ka wena ku ta woneka kota wuronga, Ni xilonza za wena zi ta hatlisa ku hola, A kululama ka wena ku ta ku rangela Ni wukulu ga Jehova gi ta ku vikela lenzhako.

Isaya 60:1

Suka u yima, u khazamula, hakuva a kuwonekela ka wena ku chikele, Ni kungangamela ka Jehova ku vukile hehla ka wena.

Isaya 60:2

Languta, a munyama wu fenengetile misava, Ni kuphuma ku fenengeta a matiko; Kanilezi Jehova i ta woneka hehla ka wena, Ni kungangamela kakwe ku ta woniwa ka wena. Joh. 1:5, 9, 14

Jeremia 33:9

A muti lowu wu tava litsako ni wudzunzo ni wudumo ka mina mahlweni ka tontlhe a tixaka ta misava, leti ti ta ngazwa wunene gontlhe nzi ta nga va mahela; ti ta chava ni ku rurumela hi kota ya gontlhe a wunene ni kuvuvuma kontlhe nzi to va mahela kona.

Mika 4:2

A matiko manyingi ma ta yaku: Ngonani hi kanziha hiya xitsungeni xa Jehova, a ndlwini ya Nungungulu Wa Jakobe, kasi a ta ya hi gonzisa a tindlela takwe, hi famba ha tona. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Zakaria 2:12

Jehova i ta fumela Juda, ava tshomba yakwe a tikweni gi basileko, a engeta a ti hlawutela Jerusalema.

Mateu 5:16

Hizalezo ngha na kuwonekela ka nwina ku woninga mahlweni ka vanhu, kasi va wona mitiro ya nwina yo saseka, va dumisa a Raru wa nwina wa le tilweni. Joh. 15:8; 1 Kor. 14:25; 1 Ped. 2:12

Luka 10:2

Aku ngalo kabye: A kutshovela ka hombe, kanilezi a zitiri zi tsongwani; hikwalaho kombelani a Nwinyi wa kutshovela lezaku a ruma zitiri kutshoveleni kakwe. Mat. 9:37, 38; Joh. 4:35; 2 Tes. 3:1

2 Va le Tesalonika 3:1

Hi kugumesa, vamakabye, hi khongeleleni, lezaku a mhaka ya Hosi yi fela ku ranga mahlweni yi dumiswa, kota lezi yi nga maha xikari ka nwina;

Maheberu 7:25

Hi kota ya lezo i na ni ntamu wa ku hanyisa hi kumbheleleko vona lava va tshinelako ka Nungungulu ha yena, hakuva wa hanya xontlhe xikhati kasi ku va kombelela.

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18