5 Zonake mina nziku: Khombo ka mina, nzi lovile! hakuva nzi munhu a nga ni milomu yi nga hlazekangiko, na nzi akile xikari ka vanhu va nga ni milomu yi nga hlazekangiko, hakuva a mahlo ya mina ma wonile a Hosi, Jehova wa tiyimpi.
Yena i lo engeta kambe aku: Hi mina Nungungulu wa raru wa wena, a Nungungulu wa Abrahama, ni Nungungulu wa Isaka, ni Nungungulu wa Jakobe. Zonake Mosi i lo fenengeta nghohe yakwe, hakuva i lo chava ku cuwuka Nungungulu.
Zonake Mosi aku ka Jehova: Ehe! Wena Hosi, a nzi munhu wo zi kota ku wulawula khwatsi, hambu tolo, ne tolweni, hambu kusukela lezi u sanguleko ku wulawula ni nanza ga wena, cima a nzi zi koti ku wulawula khwatsi, hakuva nzi munhu wa manghakamela ni xirimiti.
Mosi i lo wulawula mahlweni ka Jehova aku: Languta, a vanana va ka Israeli a va rizi ingisangi; Faro i ta nzi ingisa hikuyini, lezi nzi nga ni Xirimiti ke?
Ku sukela magemeta-musi ya misava hi zwile zizimba, zi nge: A wudzunzo a ka loyi a lulamileko! Kanilezi mina nziku: Ku wonza ka mina, ku wonza ka mina! Khombo ka mina! A vakanganyisi va kanganyisa; ina, a vakanganyisi va kanganyisile nguvu.
Hilezo Hosi yi te ngalo: Kota lezi a vanhu lava va tshinelako ka mina hi milomu yabye, Va nzi khesa hi milomu ntsena, A timbilu tabye na ti hi kule na mina, Lezaku a xichavo xabye ha mina hi zileletelo ntsena lezi va zi gonzileko; Mat. 15:8; Mar. 7:6
Hakuva a mandla ya nwina ma nyenyezisilwe hi nkhata, Ni titiho ta nwina ti nyenyezisilwe hi kugoha, A milomu ya nwina yi wulawula mawunwa, Ni tirimi ta nwina ti wulawula kubiha.
Hina hontlhe hi fanana ni loye a nga hlazekangiko, Ni kontlhe kululama ka hina ku fanana ni nguwo yi nga ni chaka; Hina hontlhe hi wuna kukotisa matluka, Ni zigoho za hina za hi kukuleta ku fanana ni mheho.
Nzi ta popisa a tihosana ni titlhari takwe, a vamwamangulu ni tinduna takwe, ni tinhenha takwe. Va ta etlela wurongo gi nga mbheliko, va nga vuki kambe, ku wula Hosi, loyi a nga Jehova wa tiyimpi a vito gakwe.
Nʼwana wa munhu, u akile xikari ka lixaka, la va hluwukwa, lava va nga ni mahlo ya ku wona, kanilezi va nga woni, laʼva nga ni tindleve tozwa, kanilezi va ngazwi, hakuva mba yindlu ya mihluwukwa. Deut. 29:4; Isa. 6:9; Mat. 13:14
Vata ka wena kota tolovelo, va tshama mahlweni ka wena kukotisa a vanhu va mina, va ingisela a timhaka ta wena, kanilezi va nga ti mahi. Hi milomu yabye va kombisa liranzo, kanilezi a timbilu tabye ti lanzisela a mabhinzu yabye.
Laha na nza ha kombela, nzi wulela zionho za mina ni za vanhu va mina a va ka Israeli, nzi veka mukhongelo wa mina mahlweni ka Jehova a Nungungulu wa mina xungetano ni xitsunga xi basileko xa Nungungulu wa mina;
Nzi zi zwile, a mbilu ya mina yi rurumela, Hi gezu lego a milomu ya mina yi dzudzumela; Ku enghena kubola marambyini ya mina, na nzi kari nzi rurumela. Nzi yimelwe hi ku rinzela a siku ga khombo, A siku legi a tiko gi ta nga hlaselwa hi valala.
