Isaya 59:19 - Tshwa Bible

¹⁹ Lezo va ta chava vito ga Jehova le Muhlwa-gambo, Ni wukulu gakwe le Mutsuwuka-gambo. Laha a nala a tako kukotisa a congo wu khulungako, A moya wa Jehova wu ta mu hlongolisa.

Isaya 59:19 교차 참조

Tisimu 113:3

Kusukela Mutsuwuka-gambo kala Muhlwa-gambo, A gi dumiswe a vito ga Jehova. Mal. 1:11

Tisimu 22:27

Wontihe matlhelo ya misava ma ta alakanya Jehova, ma hunzuluka; Tixaka tontlhe ta vamatiko ti ta khizama mahlweni ka wena.

Tisimu 61:5

Hakuva wena Nungungulu u zwile a zifungo za mina, U nzi nyikile a tshomba ya lava va chavako a vito ga wena.

Isaya 30:27

Langutani, a vito ga Jehova gata hi le kule, Gita hi nzilo wa zanga yakwe, ni marefu ya musi wo phuma; A milomu yakwe yi tele hi zanga, Ni lirimi lakwe li fanana ni nzilo wu hisako. Ekso. 24:17; 2 Sam. 22:9; Maheb. 12:29

Isaya 30:28

Ni kuhefemula kakwe ku khwatsi i congo wu hlatako, Wu kukumuka wu chikela nhanwini ya munhu, Kasi ku hehera mifumo hi lihlelo la lobyiselelo, A milonwini ya matiko i ta veka a matomu ma hambukisako.

Isaya 45:6

Kasi va fela ku zi tiva kusukela Mutsuwuka-gambo kala Muhlwa-gambo Lezaku a ku na munwani a handle ka mina; Lezaku nzi Jehova, a nga kona munwani.

Isaya 49:12

Langutani, vata hi le kule, A vanwani va huma hi le Nwalungu, ni le Muhlwa-gambo, A vanwani va huma hi le tikweni ga Sinima.

Isaya 66:12

Hakuva Jehova i ngalo: Nzi ta mu nehela, kurula ko khwatsi i congo, Ni wukosi ga matiko ko fanana ni congo wu hlatako; Zonake mu ta anwa, mu tlakuliwa, mu wukarelwa.

Isaya 8:7

hikwalaho a Hosi yi ta tisa hehla kabye a mati ya ntamu ya congo, yi nga hosi ya le Assiria ni wukosi gakwe gontlhe, i tata hi milonga yakwe yontlhe, a khulungela lontlhe livuthi la yona.

Danieli 7:27

A mufumo ni ntamu ni wukulu ga mifumo yontlhe lahasi ka tilo zi ta nyikiwa a tiko ga vobasa va Loyi a Hunzeleleko Kutlakuka. A mufumo wakwe ngwa simasima, a matiko wontihe ma ta mu tirela ma mu ingisa.

Mika 7:17

Va ta laza a tshuri kukotisa a nyoka; vata huma makhokholeni yabye kota zikokakoka za misava na va rurumela; va tata ka Jehova Nungungulu wa hina hi kudzevetana, va ta ku chava.

Zakaria 4:6

Yi lo hlamula yiku ka mina: A mhaka ya Jehova ka Zerubabeli hi leyi yaku; Zi nga ta mahiwa hi yimpi hambu hi ntamu, kanilezi hi Moya wa mina, ku wula Jehova wa tiyimpi.

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Mateu 8:11

Nziku ka nwina: A vanyingi va tata hi Mutsuwuka-gambo ni Muhlwa-gambo, va ta tshama na Abrahama, na Isaka, na Jakobe, mufunweni wa tilo; Gen. 12:3; Isa. 2:2, 3; Efe. 3:6

2 Va le Tesalonika 2:8

Zonake i ta wonekeliswa a xihunza-milayo, loyi Hosi Jesu a ta nga mu daya hi xikuhe xa nomu wakwe, a mu lovisa hi kuwonekeliswa ka kuwuya kakwe. Joba 4:9; Isa. 11:4; Dan. 7:10; Maheb. 10:27; Kuv. 2:16

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Kuvululelwa 12:10

Nzi lozwa a gezu ga hombe le tilweni, giku: Makunu ku chikele a kuhanyiswa, ni ntamu, ni mufumo wa Nungungulu wa hina, ni ntamu wa Kristu wakwe; hakuva a muranisi wa vamakabye va hina i hoxilwe lahasi, loyi a nga va ranisa mumu ni wusiku mahlweni ka Nungungulu wa hina. Joba 1:9; Zak. 3:1; Xip. 11:15