Isaya 59:17 - Tshwa Bible

¹⁷ I lo ambala kululama ku khwatsi xikatawu xa xiketse, Ni ndlondla ya kuhanyiswa hlokweni yakwe; A ambala tinguwo ta ku ti photela, A fenengela kupangama khwatsi i jasi. Efe. 6:14, 17; 1 Tes. 5:8

Isaya 59:17 교차 참조

Joba 29:14

Nzi lo ambala kululama, a ku khwatsi tinguwo, A nongameto wa mina wu wa ku khwatsi i kumba ni xihuku. Isa. 59:17; Efe. 6:14

Tisimu 69:9

Hakuva a ku pangamela a yindlu ya wena ku nzi mitile; Ni ziruko za lava va ku rukatelako zi nzi wele. Joh. 2:17; Rom. 15:3

Tisimu 94:1

Jehova, Nungungulu wa kuphotela, Ti wonekelise, Nungungulu wa kuphotela. Deut. 32:35; Jer. 51:56; Rom. 12:19

Isaya 11:5

A kululama ku tava lifunga la xiwunu xa yena, Ni kukholeka ku tava bhandi gakwe.

Isaya 26:11

Jehova, a canja ga wena gi na ni ntamu, kanilezi a va zi woni, Va ta wona a kupangama ka wena hi vanhu va wena, vava ni tingana; A nzilo wu ta hisa valala va wena.

Isaya 37:32

Hakuva hi le Jerusalema ku ta huma misalela, ni lava va nga pona xitsungeni xa Zioni. Lezo zi ta maheka hi kupangama ka Jehova wa tiyimpi.

Isaya 42:13

Jehova wa huma kota nhenha, Wa ti vuxa khwatsi hi munhu a yako yimpini; I kanyuluka, aba huwa, A kombisa ntamu wakwe ka valala vakwe.

Isaya 51:9

Vuka, vuka! Ambala ntamu wena woko ga Jehova! Vuka, u kota kale, a xikhatini xa kaleloko. Xana a hi wena u nga mbhetisa Rahabi, Ni ku tlhava dragoni ke? Ekso. 14:27; 15:7, 10; Tis. 74:13

Isaya 63:15

Cuwuka lahasi hi le tilweni, u wona Hi le ndlwini ya wena ya wubaswa ni kungangamela. Ku kwihi kupangama ka wena ni mitiro ya wena ya ntamu ke? A lixuve la mbilu ya wena ni wuxinji ga wena a za ha tiri ka mina.

Isaya 63:2

Hikuyini a tinguwo ta wena ti pswhukileko, Ti fanana ni ta loye a kameleko a vinya ke? Kuv. 19:13

Isaya 63:3

Nzi wa kanzihele lomu xigowolweni xa vinya na nzi hi nzoce, Ni munwe xikari ka matiko nzi wa nga hi naye. Ina, nzi va kanzihelele zangeni ya mina, Nzi va ganyetela hi kota ya khulo ga mina; Ni nkhata wabye wu phandlukele a tinguwo ta mina, Nzi nyenyezisa a nguwo ya mina yontlhe.

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Ezekieli 5:13

A zanga ya mina yi ta tatisekisa lezo; nzi ta rutisa a khulo ga mina ha vona, nzi tangala. Va ta zi tiva lezaku mina Jehova nzi wulile hi kupangama, laha nzi nga tatisa a zanga ya mina hehla ka vona.

Zakaria 1:14

A ngelosi leyi yi nga wulawula na mina, yiku ka mina: Kanela uku: Jehova wa tiyimpi i ngalo: Nzi na ni xiluse xa hombe ha Jerusalema na Zioni,

Johani 2:17

Zonake a vapizani vakwe va lo alakanya lezaku ku tsalilwe ku ngalo: A ku pangamela a yindlu ya wena ku ta nzi nwalala. Tis. 69:9

2 Va le Korinte 6:7

na hi wulawula zinene, na hi ntamu wa Nungungulu, ni matlhari ya kululama a canjeni ga xinene ni ga xibhabha, 1 Kor. 2:4; 2 Tim. 4:7

Va le Efesusi 6:14

Hikwalaho yimani, na mu bohile ziwunu za nwina hi bhandi ga zinene, na mu ambele a xikatawu xa xiketse xa kululama, Isa. 59:17

Va le Efesusi 6:17

Tekani a ndlhondlha ya kuhanyiswa, ni supado ya Moya, yi nga Mhaka ya Nungungulu. Maheb. 4:12; Kuv. 1:16

1 Va le Tesalonika 5:8

Kanilezi hina lava hi nga va hlikanhi, ngha hi nga popiwi, kanilezi hi ambala a xikatawu xa xiketse xa kukholwa ni liranzo, ni ndlhondlha leyi yi nga kutsumba ka kuhanyiswa. Isa. 59:17

2 Va le Tesalonika 1:8

a ta va tlhelisela lava va nga mu tiviko Nungungulu, ni lava va nga ingisiko ivangeli ya Hosi ya hina Jesu. Tis. 79:6; Maheb. 10:27; 12:29

Maheberu 10:30

Hakuva ha mu tiva loyi a nge ngalo: A kuphota ni kutlhelisela zi lumba mina. Aku kambe: A Hosi yi ta yimela a vanhu va yona. Deut. 32:35, 36; Rom. 12:19

Kuvululelwa 19:11

Nzi lo wona tilo na gi vululekile, ku woneka a haxi go basa, ni loyi a nga khilele ka gona i vitanwa Kutsumbeka ni Zinene; wa lamula alwa hi kululama. Isa. 11:4; Xip. 3:14; 6:2; 15:5