Isaya 58:13 - Tshwa Bible

¹³ Loku u khoma a nenge wa wena lezaku wu nga onhi a sabado, U nga mahi a ntiro wa wena hi siku ga mina go basa; Loku u wula lezaku a siku ga sabado litsako la wena, Lezaku legi gi basileko ga Jehova gi fanele ku chabyiwa, Loku u gi dzunza hi ku nga fambi tindleleni ta wena wutsumbu, Ni ku nga mahi kuranza ka wena ni ku wulawula timhaka ta hava,

Isaya 58:13 교차 참조

Tisimu 122:1

Nzi lo tsaka laha va ngaku ngalo ka mina: A hi yeni ndlwini ya Jehova.

Tisimu 27:4

Xilo xinwe nzi kombelako ka Jehova, nzi ta lava lexo: Hi lezaku nzi tshama ndlwini ya Jehova a masiku wontihe ya kuhanya ka mina, Kasi nza wona a kusaseka ka Jehova, nzi languta tempeli yakwe.

Tisimu 42:4

A muhefemulo wa mina wu rila laha na nzi alakanya Lezaku nzi wa fambisa kuyini ni zidlemo, Nzi zi rangela ndlwini ya Nungungulu Hi magezu ya litsako zinwe ni kudumisa; A xidlemo xi gongako a siku ga ximuse.

Tisimu 84:10

Hakuva a ku tshama siku ginwe ndlwini ya wena Ku sasekile ku hunza ku tshama khume ga mazana lahandle. Nza ranza a kuva nzi hi muhlayisi wa livati lomu ndlwini ya Nungungulu wa mina, Ku hunza a ku tshama matendeni ya vakubiha.

Tisimu 84:2

A muhefemulo wa mina wa xuva, ina, wa navela a ziluvelo za Jehova; A mbilu ya mina ni miri wa mina za rilela hi kutsaka ka Nungungulu a hanyako.

Eksodusi 35:2

ku ta tiriwa ntlhanu wa masiku ni ginwe, kanilezi a siku ga wuntlhanu ni mambiri gi tava ga kubasa; i sabado legi gi basiselweko Jehova. Kani hi wihi a tirako hi siku lego, i ta dawa.

Eksodusi 35:3

Mu nga dziveli nzilo lomu tindlwini ta nwina hi siku ka sabado.

Isaya 55:8

Hakuva a maalakanyo ya mina a hi maalakanyo ya nwina, Ge hambu a tindlela ta nwina a hi tindlela ta mina, Ku wula Jehova.

Isaya 59:13

Hi hambukile, hi ala Jehova, Hi tlhelela nzhako hi nga lanzeli Nungungulu wa hina, Hi wulawulile zo tsimbeketa vanwani ni kuhluwuka, Hi alakanyela ni ku wulawula mawunwa timbilwini ta hina.

Ezekieli 44:24

Va ta maha valamuli va timhaka, va lamula maringano ni milayo ya mina. Va ta hlayisa a zileletelo za mina ni ziyimiso za mina mibuzweni ya mina yontlhe; va ta basisa a masabado ya mina. Deut. 17:8; 2 Kro. 19:10; Mal. 2:7

Levi 19:3

Loyi ni loyi a chave a mamani wakwe ni dadani wakwe; ni lezaku a hlayisa masabado ya mina. Hi mina Jehova, Nungungulu wa nwina.

Kuvululelwa 1:10

Nzi wa hi le moyeni hi siku ga Hosi, nzi lozwa lenzhako ka mina a gezu ga hombe, go khwatsi ga mpunzu, giku: Joh. 20:26; 2 Kor. 12:2