Isaya 58:12 - Tshwa Bible

¹² A vanhu va wena va ta tlhela va vuxa marumbi ya kale, Uta aketa a ziseketelo za kaleloko; U ta vitanwa lezaku Muvuxi wa makhurisi ma bhoxilweko Ni Mululamisi wa tindlela lezaku vanhu va aka laha tikweni.

Isaya 58:12 교차 참조

Nehemia 2:17

Zonake nzi te ngalo kabye: Ma yi wona mhango leyi hi nga ka yona, lezi a Jerusalema gi hahlulisilweko zona, ni kuhiswa ka tivati hi nzilo. Ngonani hi ta vuxa a ligingisi ta Jerusalema, kasi hi nga have xihlekiso kambe.

Nehemia 2:5

Nzi te ngalo ka hosi: Loku a hosi yi vumela, ni loku a hosi yi xalaliswa hi mina, u wa ta nzi rumela le Juda, mutini wa zilahla za vadadani va mina, kasi nzi fela ku ya wu aketa.

Nehemia 6:1

Makunu laha ku nga wa bikilwe ka Sanballati na Tobia, ni ka Gexemi a muArabia, ni ka vontlhe valala va hina, lezaku nzi vuxile a ligingisi, ni lezaku ku wa nga ha hi na mole; hambu lezi xikhatini lexo nzi nga kala nzi nga se Vekela tivati lomu tinyangweni;

Joba 3:14

Zinwe ni tihosi ni masungukati ya misava, Lava va ti akeleko zilahla;

Isaya 30:13

hikwalaho a kugoha loku ku tava na nwina khwatsi i khurisi gi tlakukileko gi nga ni tifa, legi gi khungumukako hi xitshuketi.

Isaya 44:28

Nzi wula ka Kurusi, nziku: Murisi wa mina! I ta maha kontlhe kuranza ka mina; A ka Jerusalema i taku: U ta aketwa; Ni ka tempeli: A xiseketelo xa wena xi ta akiwa luswa.

Isaya 49:8

Jehova i ngalo: Nzi ku hlamule xikhatini xa tipswalo, Ni sikwini ga kuhanyiswa nzi ku vunetele. Nzi ta ku lonzowota, nzi ku tiyisa kasi wa fela kuva xivumelwano ni tiko, Ku tlhelisela a misava, ni ku avela vanhu a titshomba leti ti onhekileko, 2 Kor. 6:2

Isaya 51:3

Hakuva Jehova i ta zwela wusiwana Zioni, I ta zwela wusiwana a marumbi yakwe wontihe; A xiwula xakwe i ta xi maha xi fanana ni Edeni, Ni mapanya yakwe ma ta fanana ni simu ga Jehova. Ku tava kona kutsaka ni migiyo lomo, A zigingi ni magezu ya wucenje. Tis. 102:25; Lu. 21:33

Isaya 52:9

Giyani, mu yimbelela khatiginwe, nwina marumbi ya Jerusalema; Hakuva Jehova i chavelele a vanhu vakwe, i tlhatlhisile Jerusalema!

Isaya 61:4

Va ta aketa a marumbi ya kale, Va ta vuxa a tigingisi ta kaleloko, Ni ku aka luswa a miti yi hahlulweko, Yi khungumulweko xikhatini xa kale.

Jeremia 31:38

Languta, a masiku mata, ku wula Jehova, lawo a muti wu to akeliwa Jehova ha wona, a kusukela khokholeni ga Hananeli kala nyangweni ya khuzu.

Ezekieli 13:5

A mu yangi laha a ligingisi li nga bhoxiwa kona, a mu bhiyelangi a yindlu ya ka Israeli hi lihlavu kasi ya tiya kulweni hi siku ga Jehova.

Ezekieli 36:33

Hosi Jehova i ngalo: Loku nzi mu hlazile ka zontlhe zigoho za nwina, nzi ta maha a miti yiva ni vanhu, a marumbi ma vuxiwa.

Ezekieli 36:4

hikwalaho nwina zitsunga za ka Israeli, zwanani a mhaka ya Hosi Jehova! I wula lezo Hosi Jehova ka zitsunga ni miganga, ka micongo ni minzhelelo, ka marumbi ma mahileko ziwula, ni ka miti yi tsikilweko, leyi yi mahileko muphango ni xihlekiso ka mifumo leyi yi ranzelekeleko.

Danieli 9:25

Hikwalaho, tiva u pima lezaku kusukela kuhumeni ka xileletelo xa ku tlhelisela ni ku aketa Jerusalema, kala ku chikela loyi a totilweko loyi a nga hosi, ku tava ni ntlhanu wa maviki ni mambiri; zonake hi 62 wa maviki a muti wu ta aketwa, wuva ni maruwa ni geva, hambu kuva ni zikhati za kukarateka.

Amosi 9:11

Hi siku lego nzi ta vuxa a tenda ga Davida legi gi wileko, nzi lema a tifa ta gona; nzi ta vuxa marumbi yakwe, nzi ta gi aketa khwatsi hi lezi gi nga hi zona kale;

Amosi 9:14

Nzi ta tlhelisela a vabohiwa va vanhu va mina va Israeli, va ta aketa a miti leyi yi nga hi marumbi va tshama ka yona; va ta byala zivina, vanwa a vinya ga zona; va rima masimu, vaga a mihanzu ya wona. Deut. 28:30, 39; Am. 5:11

Mika 7:11

Hi siku ga kuaketwa ka makhurisi ya wena a mimbhingano ya wena yi ta tshinetwa kule.