Isaya 49:15 - Tshwa Bible

¹⁵ Wa zi kota wasati ku rivala a xihlangi xakwe, A nga zweli wusiwana loyi a humileko hi rumbyini gakwe ke? Ina, a nga rivakelwa, Kanilezi mina cima nzi nga ta ku rivala. 1 Tih. 3:28

Isaya 49:15 교차 참조

Joba 24:20

A nyimba leyi yi mu belekileko yi ta mu rivala; A ziwungwani zi ta phangelana ha yena; Cima a nga ha ta alakanywa kambe, A wa kubiha i ta tshobyiwa khwatsi i sinya.

Tisimu 103:13

Khwatsi hi dadani a hawukelako a vanana vakwe, Hilezo Jehova wa va hawukela lava va mu chavako. Isa. 63:16; 64:8; Jer. 31:9

Tisimu 27:10

Hambu loku dadani na mamani va nzi tsika, Jehova i ta nzi rola.

Tisimu 77:9

Nungungulu i rivele kuva ni tipswalo ke? Kutani i tsikile ku hi hawukela hi kota ya zanga yakwe ke? (Sela.)

Mavingu 31:2

Nzi ku laya yini nwananga? Nzi ku laya yini nisanyana wa marumbu ya mina ke? zi ku laya yini nisanyana wa zifungo za mina?

Isaya 14:1

Hakuva Jehova i ta hawukela Jakobe, a ti langela Israeli, a va akisa tikweni gabye. A valuveli va ta tlhanganyiswa zinwe navo, va namarela ka yindlu ya Jakobe.

Isaya 44:21

Alakanya timhaka leti, wena Jakobe, wena Israeli, Hakuva u nanza ga mina, nzi ku mahileko; Israeli, u nanza ga mina, nzi nga ta ku rivala.

Isaya 49:14

Kanilezi Zioni i te ngalo: Jehova i nzi tsikile, A Hosi ya mina yi nzi rivele!

Isaya 54:10

Hambu loku a zitsunga zi suka, ni miganga yi tsekatseka, Kanilezi a tipswalo ta mina ti nga ta suka ka wena, Ni xivumelwano xa mina xa kurula xi nga ta tsekatseka, Ku wula Jehova loyi a ku mahelako wuxinji. Mat. 24:35

Jeremia 31:20

Xana Efraime hi nwananga a ranzekako ke? a xiranzwa hi mbilu ke? Hakuva hambu loku nzi mu vukela nza mu khumbula hi ku tlula mpimo; A marumbu ya mina ma divitana hi kota ya yena, Futsi, nzi ta mu hawukela, ku wula Jehova.

Jeremia 51:5

Hakuva Israeli na Juda a va tsikiwangi hi Nungungulu wabye, a nga Jehova wa tiyimpi, hambu lezo a tiko gabye gi goheleko Loyi wa ku Basa wa ka Israeli.

Mikosi 4:10

Hambu ni vavasati va wuxinji va bhikile a vavana va vona venyi, Kasi va maha zakuga zebye xikhatini xa kulobyiswa ka nhanyana wa tiko ga mina. Levi 26:29; Deut. 28:53; 2 Tih. 8:29

Mikosi 4:3

Hambu ni mahlolwa ma humesa mavele, ma anwisa a vanana va wona; Kanilezi a nhanyana wa tiko ga mina i na ni lunya khwatsi timbuwu ta lomu xiwuleni.

Hosea 11:1

Laha Israeli a nga wa hi nwanana, nzi lo mu ranza, nzi vitana a nʼwana wa mina a huma le Gipite. Ekso. 3:8; Mat. 2:15

Levi 26:29

Mu taga a nyama ya varisanyana va nwina, muga a nyama ya vanhanyana va nwina. 2 Tih. 6:29; Jer. 19:9

Malaki 3:17

Jehova wa tiyimpi i ngalo: Va tava vanhu va mina a sikwini legi nzi ta nga tira a ntiro wa mina, vava tshomba ya mina; nzi ta va tsetselela kukotisa a munhu loyi a tsetselelako a nʼwana loyi a mu tirelako. Ekso. 19:5; Tit. 2:14; 1 Ped. 2:9

Mateu 7:11

Hikwalaho loku nwina, na mu bihile, mu zi tiva ku nyika leʼzo saseka ka vanana va nwina, nguvunguvu a Raru wa nwina wa le tilweni a nga ta va nyika zilo zo saseka lava va mu kombelako ke?

Va le Roma 1:31

a va nga hiko na kupima, a va nga tsumbekiko, lava va nga ranziko a va ka kabye, vo kala wuxinji;

1 Samueli 12:22

Hakuva Jehova a nga ta tsika a vanhu vakwe, hi kota ya vito gakwe ga hombe, hakuva Jehova zi mu xalalisile a ku mu maha a vanhu vakwe.