Isaya 46:6 - Tshwa Bible

⁶ Va humesa a nzalama mikwameni, va pima a siliva xikalwini; Va vitana a mufuli a kuva a maha nungungulu ha zona, Loyi va ta nga mu khizamela, va mu khozela. Vala. 17:4; Jer. 10:3

Isaya 46:6 교차 참조

1 Tihosi 12:28

Hikwalaho a hosi yi lo tsema xikungo, yi nyekisa nzalama yi maha marole mambiri, yiku ka vanhu va vakwe: Kale na mu khiringela a pfhuka woya Jerusalema, wena Israeli; a vanungungulu lava va mu humesileko tikweni ga Gipite hi lava! Ekso. 32:4, 8

Tisimu 115:7

Zi na ni mandla, kanilezi a zi weleli nchumu; Ni mikonzo zi nayo, kanilezi a zi fambi; A zi wulawuli hi minkolo ya zona.

Eksodusi 32:8

Va hatlisile ku hambuka ndleleni leyi nzi va leleteleko yona; va ti mahele a role gi nyekisilweko, va khizama mahlweni ka gona, va gi khozela, va gi mahele miphahlo, vaku: Hi yena nungungulu wa wena, Israeli, loyi a ku humesileko tikweni ga Gipite!

Isaya 2:8

Kambe a tiko gabye gi tele hi zifananiso, va khozela a ntiro wa mandla yabye wutsumbu, lezi zi mahilweko hi titiho tabye.

Isaya 30:22

Zonake mu ta nyenyezisa a siliva leyi yi nameketilweko zifananisweni za nwina, ni nzalama leyi yi nameketilweko zifananisweni mu ta yi hoxa kota zilo za chaka, muku: Suka!

Isaya 45:20

Tsombanani muta laha, Mu tshinela khatiginwe nwina mu ponileko xikari ka vamatiko; A va na kutiva lava va rwalako a zifananiso zi vatlilweko, Va khozela a nungungulu loyi a nga zi kotiko ku hanyisa.

Jeremia 10:14

Loku va zi wona a vanhu va yima vaku kaye, va nga pimi nchumu; Ni vafuli va nzalama va wisiwa tingana hi zifananiso zabye zi vatlilweko; Hakuva a zifananiso zabye mawunwa, a zi na muhefemulo.

Jeremia 10:9

A siliva yi bethilweko yi nehilwe hi le Tarxixi, Ni nzalama ya le Ufazi; I ntiro wa nyamandlamitiro ni mufuli wa nzalama. Zi ambele a wukuxe ni ziwunguwungu, Zontlhe lezi i ntiro wa vanhu va tlharihileko. 1 Tih. 10:22

Jeremia 50:38

A ximumu xi ta balela hehla ka mati yakwe, kasi ma fela kupswha, hakuva gona i tiko ga zifananiso zi vatlilweko, vona va ti tsitsiritile ka zona.

Danieli 3:1

Hosi Nebukadnezzare i lo maha a xifananiso xa nzalama, a kutlakuka ka xona ku wa hi 60 wa mikono, ni 6 wa mikono a kuanama. I lo xi yimisa lomu nkoveni wa Dura, a tikweni ga Babuloni.

Hosea 13:2

Makunu va simamisa ku onha, va ti mahela a zifananiso zi chululweko hi siliva yabye, zi nga zifananiso za vanungungulu va kupima kabye; zontlhe lezi hi mitiro ya vafuli. Va wulawula ha zona, vaku: Lava va phahlelako ngha va pswopswa marole.

Mitiro 17:29

Lezi hi nga pswalo wa Nungungulu, ngha hi nga alakanyi lezaku a wuNungungulu gi fanana ni nzalama, ni siliva, kutani ribye, zi nga zilo zi vatlilweko hi wumeseri ni kutlhariha ka vanhu.