Isaya 46:13 - Tshwa Bible

¹³ Nzi tshinetile a kululama ka mina, Ni kuhanyisa ka mina ku nga ta hlwela; Nzi ta veka kuhanyisa ka mina le Zioni, Ni wudzunzo ga mina ka Israeli.

Isaya 46:13 교차 참조

Tisimu 14:7

O, loku ku wo khwatsi a kuhanyisa ka Israeli ku wa ta huma hi le Zioni! Laha Jehova a tlhelisako vanhu vakwe hi le kukhonweni, Zonake Jakobe i ta tsaka, na Israeli i ta nengela. Tis. 126:1; Mat. 1:21

Tisimu 46:1

Nungungulu wuchavelo ga hina ni ntamu, Kuvunetela ku nga kona kusuhani xikhatini xa zikarato.

Tisimu 46:5

Nungungulu i kona xikari ka wona, a wu tsekatsekiswi, Nungungulu i ta wu vunetela laha mavingwini ya wuca.

Tisimu 85:10

A wuxinji ni kutsumbeka zi tlhangene kona, A kululama ni kurula zi pswopswene.

Tisimu 85:9

Hizinene, a kuhanyisa kakwe ku tshinele ka lava va mu chavako, Kasi kungangamela ka tshama tikweni ga hina. Joh. 1:14

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 28:16

Hikwalaho Hosi Jehova i ngalo: Langutani, nza veka a ribye giva xiseketelo le Zioni, A ribye gi ringilweko, a ribye ga magumo, ga lisima, a xiseketelo xi tiyileko; Loyi a gi tsumbako a nga ta tsutsuma. Tis. 118:22; Mat. 21:42; Rom. 9:33

Isaya 43:7

Vontlhe lava va vitanwako hi vito ga mina, Lava nzi va vengeleko wudzunzo ga mina, Lava nzi va wumbileko, nzi va maha.

Isaya 44:23

Yimbelelani nwina matilo, hakuva Jehova i zi tirile! Matshamu ya kueta ya misava, kanyulukani! Tlhavani zizimba nwina zitsunga, Na wena khwati ni tisinya to ntlhe ti nga ka wena; Hakuva Jehova i tlhatlhisile Jakobe, A ti dumisa ha Israeli.

Isaya 45:8

Donelani nwina matilo, Nwina marefu mu chulula kululama. Ngha misava yi vululeka yi milisa kuhanyiswa Ni ku humesa kululama khatiginwe; Mina Jehova nzi zi vangile lezo.

Isaya 51:5

A kululama ka mina ku laha kusuhani, ni kuhanyisa ka mina ka hata; Zonake a mawoko ya mina ma ta lamula matiko; A matiko ya lomu bimbini ma nzi langutela, Ma tsumba woko ga mina.

Isaya 54:17

A gi kona tlhari gi fulelweko ku vukela wena gi ta nga humelela, Ni lihi lirimi li ta nga ku kecara li ta koneka. Leyi hi yona a tshomba ya malanza ya Jehova, Ni kululama kabye kuta hi ka mina, ku wula Jehova.

Isaya 56:1

Jehova i ngalo: Hlayisani nongameto mu maha kululama, Hakuva a kuhanyisa ka mina ku laha kusuhani ni kuta, Ni kululama ka mina ku ta wonekeliswa lokuloku. Rom. 13:11

Isaya 60:21

A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13

Isaya 60:9

Hizinene, a matiko ya le bimbini ma nzi lavelela, Ku ranga a mataru ya le Tarxixi mata, Ma neha a vana va wena hi le kule Zinwe ni siliva yabye ni nzalama, Hi kota ya vito ga Jehova, Nungungulu wa wena, Ni Loyi a Basileko wa ka Israeli, loyi a ku kulisako.

Isaya 61:11

Hakuva khwatsi hi misava yi humesako a zimilwa za yona, Ni kukotisa a simu gi milisako a timbewu ti byelweko ka gona, Hizalezo Hosi Jehova i ta milisa kululama ni kukhesa Mahlweni ka wontihe matiko.

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Isaya 62:1

Hi kota ya Zioni nzi nga ta miyela, Hi kota ya Jerusalema nzi nga ta humula Kala kuwonekela kakwe ku huma khwatsi wuronga, Ni kuhanyisa kakwe ku woningela kota kandiya.

Isaya 62:11

Langutani, Jehova i bile hungu kala magemetamusi ya misava, aku: Byelani a nhwana Zioni, muku: A kuhanyiswa ka wena kala; Wata ni nchachazelo wakwe, Ni muphango wakwe wa mu rangela, Mat. 21:5; Joh. 12:15

Jeremia 33:9

A muti lowu wu tava litsako ni wudzunzo ni wudumo ka mina mahlweni ka tontlhe a tixaka ta misava, leti ti ta ngazwa wunene gontlhe nzi ta nga va mahela; ti ta chava ni ku rurumela hi kota ya gontlhe a wunene ni kuvuvuma kontlhe nzi to va mahela kona.

Joeli 2:32

Ku ta maheka lezaku ni wihi a ta nga khongela vitweni ga Jehova i ta hanyiswa; hakuva le xitsungeni xa Zioni ni le Jerusalema ku tava kona lava va ponileko, khwatsi hilezi Jehova a wulileko zona, xikari ka lava va seleko ku tava ni lava va ta nga vitanwa hi Jehova. Obad. 17; Rom. 10:13

Joeli 3:17

Zinghaho mu ta zi tiva lezaku hi mina Jehova a Nungungulu wa nwina, loyi nzi tshamako le Zioni xitsungeni xa mina xo basa. Zonake Jerusalema gi ta basa, a vamatiko va nga ta ha hunza hi gona. Isa. 52:1

Mika 7:9

Nzi ta rwala a zanga ya Jehova, hakuva nzi mu onhele, a kala a yimela a mhaka ya mina a nzi lamula. I ta nzi humesela kuwonekeleni, nzi wona a kululama kakwe.

Habakuka 2:3

Hakuva a muwoniso lowu wa ha rinzele a xikhati xi yimisilweko, kanilezi wu hatlisa wuya kumbheleni, na wu nga hi wa mawunwa. Hambu loku wu hlwela, wu rinzele, hakuva wu tata futsi, wu nga ta tindeka.

Hagai 1:8

Kanzihani xitsungeni mu ya tsema timhanze, mu ta aka a yindlu; zonake nzi ta yi tsakela, ni kambe nzi ta dumiswa, ku wula: Jehova.

Johani 17:10

Zontlhe lezi zi nga za mina za wena, ni za wena za mina; nza dumiswa ka vona.

Va le Roma 1:17

Hakuva a kululama ka Nungungulu ku wonekelisilwe ka yona, ku huma kukholweni ku yisa kukholweni; khwatsi hi lezi ku tsalilweko ku ngalo: Loyi a lulamileko i ta hanya, hi kukholwa. Xip. 3:21; Hab. 2:4; Joh. 3:36; Gal. 3:11

Va le Efesusi 1:6

kasi ku dumisa a kungangamela ka tipswalo takwe, leti a nga hi nyika tona hi kota ya Xiranzwa xakwe. Isa. 43:21; Mat. 17:5; Rom. 3:24

2 Va le Tesalonika 1:10

hi siku lego a ta ngata ha gona a kuta dumiswa ka vobasa vakwe, ni kuva wo hlamalisa ka vontlhe lava va kholilweko; hakuva mu kholilwe a wukustumunyu ga hina.

2 Va le Tesalonika 1:12

kasi a vito ga Hosi ya hina Jesu ga fela ku dumiswa ka nwina, na nwinawu mu dumisiwa ka yena, hi tipswalo ta Nungungulu wa hina ni Hosi Jesu Kristu. 1 Ped. 1:7

Maheberu 10:37

Hakuva ka hi kona xikhatanyana, Zonake i ta chikela loyi a ta ngata, a nga ta hlwela. Hab. 2:3, 4; Lu. 18:8

1 Pedro 2:6

Hakuva a mutsalo wu ngalo: Langutani, nza veka le Zioni a ribye ga magumo, legi gi hlawulilweko, gi dzunzekako; Loyi a kholwako ka gona a nga ta wiswa tingana, Isa. 28:16