Isaya 44:26 - Tshwa Bible

²⁶ Kanilezi nza tiyisa a mhaka ya nanza ga mina, Nzi tatisa a makungo ya mitsukano ya mina. Hi mina nzi wulako ka Jerusalema, nziku: A vanhu va ta tshama ka wena, Nziku ka miti ya ka Juda; Mu ta aketwa; Nzi ta vuxa a marumbi ya kona.

Isaya 44:26 교차 참조

2 Tihosi 7:16

A vanhu va lo huma va ya phanga a wugovelo ga maSiria. Zinghaho a Xipimo xa mapa yo saseka xi lo xabyiwa hi xekeli, a zipimo zimbiri za sevada zi xabyiwa hi xekeli, khwatsi hi lezi Jehova a wulileko.

2 Tihosi 7:18

Hakuva laha a munhu wa Nungungulu a nga wulawula ni hosi, i wa te ngalo: Manziko hi xwalexi xikhati le nyangweni ya Samaria, a zipimo zimbiri za sevada zi ta xabyiwa hi xekeli, ni Xipimo xa mapa yo saseka xi ta xabyiwa hi xekeli.

2 Tihosi 7:20

Zi lo mahisa zalezo; vanyingi va lo mu kanzihela hi mikonzo le nyangweni, afa.

Ezra 2:70

Zinghaho a vapristi ni va ka Levi, ni vanwani vanhu, ni vayimbeleli, ni vaNetinime, va le aka lomu mitini yabye, ni vontlhe va ka Israeli va aka lomu mitini yabyewo.

Nehemia 1:3

Vaku ka mina: A misalela leyi yi humileko wukhumbini, yi akileko tikweni legiya, va le kuxanisekeni ka hombe nguvu ni nzhukanweni. A ligingisi la Jerusalema kambe li khungumulwe, a tivati ta lona ni hisilwe hi nzilo. 2 Tih. 25:9

Nehemia 2:3

Nzi te ngalo ka hosi: Hosi, hanya kala kupinzuka! Nzi wa ta kala nzi nga tsanwi, laha a muti, a wutshamu ga zilahla za vadadani va mina, wu khungumulweko, ni tivati ta kona ti hisilweko hi nzilo ke? Dan. 2:4; 3:9; 5:10

Tisimu 102:17

I tazwa a mukombelo wa loyi a vumalako, A nga kanyisi a mukombelo wabye.

Tisimu 147:2

Jehova wa vuxa Jerusalema, Wa tsombanyisa lava va hangalisilweko va Israeli. Deut. 30:4; Isa. 11:12

Tisimu 69:35

Hakuva Nungungulu i ta ponisa Zioni, I ta akisa a miti ya ka Juda; Kasi va tshama lomo va fumela tiko.

Tisimu 69:36

Ni pswalo wa malanza yakwe wu ta gi maha a tshomba yabye, Lava va Fanzako vito gakwe va ta aka kona. Isa. 25:8

Mutshawuteli 3:3

ku nani xikhati xa ku daya, ni xikhati xa ku chuma; a xikhati xa ku khungumula, ni xikhati xa ku aka;

Isaya 40:9

Kanzihani xitsungeni xo tlakuka Nwina lava mu nehelako Zioni a mahungu yo saseka, Tlakusani magezu ya nwina hi ntamu, Nwina lava mu nehelako Jerusalema mahungu yo saseka. Tlakusani magezu ya nwina, mu nga chavi, Byelani miti ya ka Juda, muku: Langutani Nungungulu wa nwina.

Isaya 42:19

A xikhumu himani, loku ku nga hi nanza ga mina, Himani a mbeveve yo fana ni tsukano wa mina lowu nzi nga wu ruma? Himani xikhumu ku hunza loyi a ranzekako ka Nungungulu? Himani a nga xikhumu ku fanana ni nanza ga Jehova?

Isaya 42:9

Langutani, lezi nzi zi wulileko zi mahekile, Makunu nza mu tivisa lezi za ziswa; Nzi mu byela na zi nga se ku chikela. A lisimu tiswa.

Isaya 49:8

Jehova i ngalo: Nzi ku hlamule xikhatini xa tipswalo, Ni sikwini ga kuhanyiswa nzi ku vunetele. Nzi ta ku lonzowota, nzi ku tiyisa kasi wa fela kuva xivumelwano ni tiko, Ku tlhelisela a misava, ni ku avela vanhu a titshomba leti ti onhekileko, 2 Kor. 6:2

Isaya 52:9

Giyani, mu yimbelela khatiginwe, nwina marumbi ya Jerusalema; Hakuva Jehova i chavelele a vanhu vakwe, i tlhatlhisile Jerusalema!

Isaya 54:3

Hakuva u ta nava uya tlhelo ga xinene ni tlhelo ga xibhabha, A pswalo wa wena wu ta ti tekela matiko ya mahedeni; Va vuxa a miti yi tsikilweko.

Isaya 55:11

Yi tava tano a mhaka ya mina yi humako nonwini wa mina; Yi nga ta tlhelela ka mina mahala; Kanilezi yi ta maha lezi nzi zi xuvako, Yi ta hetisa lezi nzi yi rumeleko zona, Joh. 6:63; Miti. 12:24

Isaya 58:12

A vanhu va wena va ta tlhela va vuxa marumbi ya kale, Uta aketa a ziseketelo za kaleloko; U ta vitanwa lezaku Muvuxi wa makhurisi ma bhoxilweko Ni Mululamisi wa tindlela lezaku vanhu va aka laha tikweni.

Isaya 60:10

A vamatiko va ta aka ligingisi la wena, Ni tihosi tabye ti ta ku tirela. Kunene nzi ku bile zangeni ya mina, Kanilezi hi kota ya tipswalo ta mina nzi ku rivalele.

Isaya 61:4

Va ta aketa a marumbi ya kale, Va ta vuxa a tigingisi ta kaleloko, Ni ku aka luswa a miti yi hahlulweko, Yi khungumulweko xikhatini xa kale.

Jeremia 1:10

Nyamutlha nzi ku yimisile hehla ka matiko ni hehla ka mifumo, lezaku u tsuwula, ni ku khungumula, ku hahlula ni ku wisa, ku aka ni ku byala. Jer. 5:14; 2 Kor. 10:4

Jeremia 28:9

Kanilezi loku muprofeti a profeta hi kurula, a mhaka ya muprofeti na yi tatiseka, zonake a muprofeti loye i ta tiveka lezaku hizinene Jehova i mu rumile. Deut. 18:21

Jeremia 30:18

Jehova i ngalo: Nzi ta wuyisa a vakhonwi va matenda ya Jakobe, Nzi ta zwela wusiwana wuakelo gakwe; A muti wu ta akiswa nhulwini ya wona, A yindlu ya wuhosi yi ta tshama kota kutolovela.

Jeremia 31:4

Nzi ta ku aketa, u tava u akilwe, wena nhwana wa Israeli; U ta tlhela u ti longisela a zikhitsi, U huma u ya kina hi kutsaka. Ekso. 15:20; Vala. 11:34; Tis. 68:25

Jeremia 32:15

Hakuva Jehova wa tiyimpi, a Nungungulu wa ka Israeli, i ngalo: Ma ha ta xava a tiyindlu ni masimu ni zivina a tikweni legi.

Jeremia 32:44

Va ta xava masimu hi mali, va tsala mapapilo ya xavo, va ma tiyisa, va vitana timboni, lomu tikweni ga Benjamini ni le matlhelweni ya Jerusalema, ni le mitini ya ka Juda, ni le mitini ya lomu zitsungeni, ni le mitini ya tiluwa, ni le mitini ya Dzonga; hakuva nzi ta wuyisa a vakhonwiwa vabye, ku wula Jehova.

Jeremia 33:7

Nzi ta wuyisa a vakhonwiwa va ka Juda na Israeli, nzi ta va akisa kota kale.

Ezekieli 36:10

Nzi ta anzisa a vanhu hehla ka nwina, a yindlu yontlhe ya ka Israeli. A miti yi ta akiwa, ni marumbi ma ta vuxiwa.

Ezekieli 38:17

Hosi Jehova i ngalo: Hi wena loyi nzi nga wulawula ha yena kaleloko hi malanza ya mina a vaprofeti va ka Israeli, lava a xikhatini lexo va nga profeta malembe yo tala, lezaku nzi ta ku ruma u va vukela ke? Joeli 3:1; Mika 4:11; Zef. 3:8

Danieli 9:12

I tiyisile a timhaka leti a nga ti wula ka hina, ni ka Valamuli va hina lava va nga hi lamula ni ku hi wisela a khombo ga hombe; hakuva lahasi ka tilo gontlhe a zi na nga maheka zo ringana ni lezi zi nga mahiwa ka Jerusalema.

Danieli 9:25

Hikwalaho, tiva u pima lezaku kusukela kuhumeni ka xileletelo xa ku tlhelisela ni ku aketa Jerusalema, kala ku chikela loyi a totilweko loyi a nga hosi, ku tava ni ntlhanu wa maviki ni mambiri; zonake hi 62 wa maviki a muti wu ta aketwa, wuva ni maruwa ni geva, hambu kuva ni zikhati za kukarateka.

Amosi 9:14

Nzi ta tlhelisela a vabohiwa va vanhu va mina va Israeli, va ta aketa a miti leyi yi nga hi marumbi va tshama ka yona; va ta byala zivina, vanwa a vinya ga zona; va rima masimu, vaga a mihanzu ya wona. Deut. 28:30, 39; Am. 5:11

Hagai 1:13

Zonake Hagai, a ntsumi wa Jehova, i lo wulawula ni vanhu kota lezi a leletelweko hi Jehova, aku: Nzi na nwina, ku wula Jehova.

Zakaria 1:17

Kanela kambe, uku: Jehova Wa tiyimpi i ngalo: A makatekwa ma ha ta enzeleka mitini ya mina, Jehova i ta tangalisa Zioni, a hlawula Jerusalema.

Zakaria 1:6

Kanilezi a timhaka ta mina ni zilayelo za mina, lezi nzi nga zi leletela ka vaprofeti a malanza ya mina, a zi kamanyetangi a vadadani va nwina ke? kasi va hunzuluka, vaku: Khwatsi hilezi Jehova wa tiyimpi a xuvileko ku maha zona ka hina, maringano ni tindlela ta hina ni zimaho za hina, i hi mahele lezo.

Zakaria 12:6

Hi siku lego nzi ta maha a tihosana ta ka Juda ti ku khwatsi i mbawula ya nzilo xikari ka tihunyi, khwatsi xihlahle xa nzilo xikari ka tinyanza. Ti ta lovisa matiko ya le kusuhi hi tlhelo ga xinene ni ga xibhabha; a Jerusalema gi tava wutshanwini ga gona, kwa le Jerusalema.

Zakaria 2:4

yiku ka yona: Tsutsuma u ya byela a jaha legiya, uku: Jerusalema gi ta akiwa khwatsi hi miti leyi yi nga hiko na tigingisi, hi kota ya kutala ka vanhu ni zifuyo lezi zi ta ngava lomo.

Mateu 26:56

Kanilezi zontlhe lezi zi maheka, kasi ku fela ku tatiseka a mitsalo ya vaprofeti. Zonake a vapizani vontlhe va lo mu siya, va tsutsuma. Jesu a lamuliwa hi mupristi wa hombe.

Mateu 5:18

Hizinene nziku ka nwina: Ku ta kala ku hunza a tilo ni misava, na cima ku nga fuvangi a nzhatana munwe kutani xidokho xinwe xa nayo, kala zontlhe lezi zi maheka. Lu. 16:17

Luka 24:44

Aku ngalo kabye: Hi tona timhaka leti nzi nga ti kanela ka nwina, laha nzi nga wa ha hi na nwina, nziku: Timhaka tontlhe leti ti tsalilweko ha mina nayweni wa Mosi, ni ka vaprofeti, ni lomu ka Tisimu, ti fanele ku tatiseka. Mat. 16:21; Mar. 8:31