Isaya 44:17 - Tshwa Bible

¹⁷ Zonake hi sinya yi seleko wa vatla a nungungulu ha yona, a korama mahlweni kakwe, a mu khozela, a kombela ka yena, aku: Nzi ponise, hakuva wena u nungungulu wa mina!

Isaya 44:17 교차 참조

1 Tihosi 18:26

Va lo teka a nkuzi leyo va nga wa nyikilwe, va yi longisa, va khongela hi vito ga Baali kusukela ni mixo kala hlikanhini, vaku: O Baali, hi hlamule! Kanilezi a va zwangi ni gezu ga ku hlamula. Zonake va lo ti tlatlalatela, va renzelekela a alati lego va gi mahileko. Hab. 2:19

1 Tihosi 18:28

Va lo rila hi gezu ga hombe, va ti tsemelela hi mikwana ni tikari, kala a nkhata wu xilila hehla kabye. Deut. 14:1

Isaya 2:8

Kambe a tiko gabye gi tele hi zifananiso, va khozela a ntiro wa mandla yabye wutsumbu, lezi zi mahilweko hi titiho tabye.

Isaya 37:38

A xikhati xo kari laha a nga wa khozela lomu ndlwini ya nungungulu wakwe Nisroko, a vana vakwe Adrammeleki na Xareza va lo mu daya hi supado, va tsutsumela tikweni ga Ararate. A nwana wakwe Esar-haddoni i lo fuma wutshanwini gakwe.

Isaya 44:15

Zonake munhu a maha tihunyi hi tisinya leto, hakuva i ta zi teka a ya wora; wa dzivela nzilo ha yona a bhika zakuga; kambe a maha a nungungulu ha yona, a mu khozela, a vatla xifananiso ha yona a xi khizamela.

Isaya 44:16

A hisa xipanze xa sinya nzilweni, a xinwani xipanze a bhika ha xona, a woca nyama, aga a xura; a tlhela a wora, aku: Nzazwa kukufumela, hakuva nzi na ni nzilo!

Isaya 45:20

Tsombanani muta laha, Mu tshinela khatiginwe nwina mu ponileko xikari ka vamatiko; A va na kutiva lava va rwalako a zifananiso zi vatlilweko, Va khozela a nungungulu loyi a nga zi kotiko ku hanyisa.

Isaya 46:6

Va humesa a nzalama mikwameni, va pima a siliva xikalwini; Va vitana a mufuli a kuva a maha nungungulu ha zona, Loyi va ta nga mu khizamela, va mu khozela. Vala. 17:4; Jer. 10:3

Jeremia 2:27

Lava va wulako ka dzanza, vaku: Wena u dadani wa mina, Vaku ka ribye: Mina nzi pswalilwe hi wena. Hakuva va nzi fularele, a va nzi cuwukeli; Kanilezi a xikhatini xa khombo va taku ngalo: Yima, u hi hlanguta!

Danieli 3:17

Loku zi koteka a kuva a Nungungulu wa hina loyi hi mu khozelako a hi ponisa nzhimbyeni wa pingo ga nzilo, i ta hi tlhatlhisa canjeni ga wena hosi.

Danieli 3:29

Hikwalaho, nzaba nyiwo, lezaku ni wihi wa matiko wontihe, ni tixaka ni tirimi, loyi a wulawulako kubiha hi Nungungulu wa Xadrake na Mexake na Abed-nego, i ta phaphulelwa, a tiyindlu takwe ti ta mahiwa matala. Hakuva a nga kona munwani nungungulu loyi a nga ponisako hi ndlela leyi. Miti. 5:29

Danieli 6:16

A hosi yi lo rumisa lezaku Danieli a khomiwa a hoxwa nkeleni wa tinghala. A hosi yiku ka Danieli: A Nungungulu wa wena loyi u mu khozelako xontlhe xikhati ngha a ku ponisa!

Danieli 6:27

Wa tlhatlhisa a ponisa, wa maha xikombiso ni zihlamaliso le tilweni ni laha misaveni. Hi yena a ponisileko Danieli ntanwini wa tinghala.

Hosea 13:2

Makunu va simamisa ku onha, va ti mahela a zifananiso zi chululweko hi siliva yabye, zi nga zifananiso za vanungungulu va kupima kabye; zontlhe lezi hi mitiro ya vafuli. Va wulawula ha zona, vaku: Lava va phahlelako ngha va pswopswa marole.

Mika 5:12

Nzi ta fuvisa a wutumbe canjeni ga wena, u nga ha ta kuva ni vavumbi kambe.

Habakuka 2:19

Khombo a give ka yena loyi ange ka sinya: Vuka! aku ka ribye ga mbeveve: Suka! A xilo xa kunghahi xi nga gonzisa nchumu ke? Kunene xi nameketelwe a nzalama ni siliva, kanilezi a ku na moya nzeni ka xona.

Mitiro 19:27

A hi lezo basi lezaku a ntiro wa hina wu le mhangweni ya ku nyenyiwa, kanilezi ni tempeli ya nungungulu wa hombe Diana yi nga ha ta khatalelwa, ku nga taku a lahlekelwa hi wukulu gakwe, yena loyi a Asia gontlhe ni misava yontlhe yi mu khozelako.