13 A muvatli wa tshambuluta a lipimo lakwe, a tsala minzhati hi lapis, a vatla hi xihloka, a pima hi lipimo; lezo a maha xifananiso xa munhu, a xiwumbeko xo saseka xa munhu, kasi a fela ku xi veka lomu ndlwini.
Kasike loku ku hi loye a ta nga kumiwa ni vanungungulu va wena a nga faneli ku hanya; langutisisa kuwoneni ka maxaka ya hina a zilo za wena lezi zi nga na mina, u zi teka. Makunu Jakobe i wa nga zi tivi lezaku Rakeli i wa va yivile.
Jakobe i lo byela vanhu va ngango wakwe ni vontlhe lava va nga hi zinwe naye, aku: Susani vanungungulu va matiko; lava mu nga navo, mu ti basisa mu ambala tinguwo tinwani. Jox. 24:2, 23; 1 Sam. 7:3
A muvatli i tiyiseta mufuli wa nzalama; Loyi a bethako hi kono a tiyiseta loye a bako a xigalanyunzo. A dzunza a muri wo zariyeta ha wona, aku: Wu nene! Zonake a tiyisa a xifananiso hi tikhokho kasi xi nga tsekatseka.
Wa ti tsemela tisinya ta tisedare, a teka ni xenhe ni kuhlu, a zi hlawula xikari ka tisinya ta khwati. A byala sinya ya sululwani zonake a vula yi yi milisa.
Nzi lo enghena, nzi wona a zifananiso za tixakaxaka tinyingi ta zikokakoka ni zihari zo nyenyeza, ni zifananiso za vanungungulu va yindlu ya ka Israeli na zi tsaletelwe matlhelo wontihe laha makhurisini.
Ku wa yimile mahlweni ka zona a 70 wa vavanuna, a masingalakati ya yindlu ya ka Israeli. Xikari kabye ku wa yimile Jaazania nʼwana Xafani; a munwe ni munwani i wa hi ni xibya xa mpepo lomu canjeni gakwe, ni masema ya musi wa mpepo ma lo tuvikela hehla. 2 Tih. 22:3
Zonake aku ka mina:. Nʼwana wa munhu, wa zi wona lezi a masingalakati ya yindlu ya ka Israeli ma zi mahako lomu munyameni, munwe ni munwani lomu ndlwini yakwe ya zifananiso ke? Hakuva ve ngalo: Jehova a nga hi woni; Jehova i tsikile a tiko.
Lezi hi nga pswalo wa Nungungulu, ngha hi nga alakanyi lezaku a wuNungungulu gi fanana ni nzalama, ni siliva, kutani ribye, zi nga zilo zi vatlilweko hi wumeseri ni kutlhariha ka vanhu.
Va lo hunzulusa a wukosi ga Nungungulu loyi a nga fiko, gi fanana ni xifananiso xa munhu a fako, ni xa zinyanyani, ni zihari za mune wa milenge, ni zikokakoka. Levi 18:22; Tis. 81:12; Miti. 7:42; 1 Kor. 6:18
Khombo a give ka munhu loyi a mahako xifananiso xi vatlilweko, hambu lexi xi nyekisilweko, xi nga manyala ka Jehova, a ntiro wa mandla ya vanhu, a xi yimisa wutshanwini gi fihleleko! A vanhu vontlhe va ta hlamula, vaku: Amen!
Leyo mu ta ya khozela vanungungulu va mahilweko hi mandla ya vanhu; vanungungulu va mahilweko hi tisinya ni maribye, lava va nga woniko, hambu kuzwa, ni kuga ni ku nuheta.
Yena aku: Hi lezi mu tekileko vanungungulu va mina lava nzi va mahileko, ni mupristi wa mina, mu famba navo. Xini nzi seleko naxo? Ni lezi mu nge: Wo bayiswa hi yini!
