Isaya 43:19 - Tshwa Bible

¹⁹ Langutani, nzi ta maha a xilo xiswa; Xi sina xi woneka, a mu xi woni ke? Nzi ta bhoxa ndlela lomu xiwuleni, Ni micongo lomu ligwangweni,

Isaya 43:19 교차 참조

Tisimu 105:41

A vulula ribye, ku huma mati, Ma khulunga xiwuleni kukotisa congo. Ekso. 17:6; Mitse. 20:11; 1 Kor. 10:4

Tisimu 126:4

Jehova, wuyisa a vakhonwiwa va hina, Kukotisa micongo ya le Dzongeni.

Eksodusi 17:6

Languta, nzi ta yima mahlweni ka wena lahaya ribyeni ga Horebe; u taba ribye, zonake gi ta humesa mati; va tanwa vanhu. Mosi i lo maha lezo mahlweni ka masingalakati ya ya ka Israeli. Mitse. 20:11; Isa. 48:21; 1 Kor. 10:4

Isaya 30:25

Hehla ka zitsunga zontlhe zo leha ni ka minganga yontlhe yo tlakuka ku tava kona micongo ni micongwana ya mati lawa ma khulungako, hi siku ga kudawa ka hombe, laha a makhokhola ma ta ngawa. Ezek. 39:4, 17; Kuv. 19:17

Isaya 32:2

Munwe ni munwani i ta kotisa wuchavelo loku moya wu bhubhutsa, A kotisa wuponelo ka xingulo; Kukotisa a congo wa mati wutshanwini gi womileko; Ni nzhuti wa ribye ga hombe tikweni gi nga ni tora.

Isaya 33:21

Hakuva Jehova i tava zinwe na hina lomo hi wukulu gakwe. A wutshanwini ga micongo yo anama ni zicongwana, Leyi yi nga engheniwiko hi tingalava ti fambiswako hi makasiya, Ge, hambu a mataru ya hombe a ma hunzi ha kona.

Isaya 35:1

A xiwula ni ligwangwa zi ta tsaka, Ni mapanya ma ta nengela, ma baleka khwatsi makonʼwa.

Isaya 41:18

Nzi ta velisa micongo lomu migangeni ya xikwakwa, Ni zibuka lomu mikoveni. A ziwula zi ta maha milambo Ni ligwangwa li ta humesa xibuka za mati.

Isaya 41:19

Lomu xiwuleni nzi ta milisa tisedare, ni tisinya ta akakia, ni mirta, ni kuhlu, Lomu ligwangweni ku tava ni kipres, ni pinyero, ni seringa;

Isaya 42:9

Langutani, lezi nzi zi wulileko zi mahekile, Makunu nza mu tivisa lezi za ziswa; Nzi mu byela na zi nga se ku chikela. A lisimu tiswa.

Isaya 48:5

Nzi ku tlhatlhambutele kale, Nzi ku tivisile zona na zi nga se ku maheka, Aku kasi u nga wula, uku: Zi mahilwe hi xifananiso xa nungungulu wa mina, Zi vangilwe hi nungungulu wa mina a vatlilweko kutani a wumbilweko.

Isaya 48:6

U wa zi zwile, languta zi tatisekile! Xana a mu vumeli ku kustumunya ha zona ke? Makunu nza ku tivisa a zilo ziswa, A zilo zi fihlilweko, lezi u nga kala u nga zi tivi.

Isaya 49:10

Va nga tazwa ndlala hambu tora; Ge hambu kuswa hi mumu ni gambo, Hakuva loyi a va zwelako wusiwana i ta va rangela, A va yisa matini ya zibuka.

Isaya 51:3

Hakuva Jehova i ta zwela wusiwana Zioni, I ta zwela wusiwana a marumbi yakwe wontihe; A xiwula xakwe i ta xi maha xi fanana ni Edeni, Ni mapanya yakwe ma ta fanana ni simu ga Jehova. Ku tava kona kutsaka ni migiyo lomo, A zigingi ni magezu ya wucenje. Tis. 102:25; Lu. 21:33

Jeremia 23:7

Hikwalaho, a masiku mata, ku wula Jehova, lawo ku to kala ku nga ha wuliwi kambe ku: Jehova wa hanya, loyi a humesileko a vanana va ka Israeli hi le tikweni ga Gipite;

Jeremia 31:22

Xana u ta pepetseka kala rini, wena nhwana wo tlula milayo? Hakuva Jehova i ta vanga xilo xiswa le misaveni, A wasati i ta hlayisa wanuna.

Jeremia 31:9

Va ta wuya na va kari va rila, Nzi va heleketa na va kari va khongela; Nzi ta va rangela micongweni ya mati, Hi ndlela yi basileko leyo va to kala a ku khunguvanyeka ha yona; Hakuva nzi dadani ka Israeli, Na Efraime hi matewula ya mina. Ekso. 4:22; Isa. 63:16

Mitsengo 20:11

Mosi i lo tlakusa a canja gakwe, aba a ribye zikhati zimbiri hi nhonga yakwe, zonake ku lo huma a mati yo tala. A hlengeletano wu lonwa zinwe ni zifuyo zabye.

2 Va le Korinte 5:17

Hikwalaho loku munhu a hi ka Kristu, ximahwa xiswa; a za kale zi hunzile, zi mahile ziswa. Isa. 43:19; Kuv. 21:5

Deuteronome 8:15

loyi a ku fambisileko xiwuleni xa hombe xo tshisa, lomu xikari ka tinyoka ta wuxungu ni tihume, ni lomu ka matshamu ma womileko, laho ku nga hi hava ni mati; yena a humesa mati hi lomu ribyeni, Ekso. 17:6; Mitse. 20:11; Tis. 78:10

Kuvululelwa 21:5

Loyi a tshamileko xitshanwini xa wuhosi aku: Langutani nzi maha zilo zontlhe ziva ziswa. Zonake aku: Tsala, hakuva leti timhaka ti tsumbekile ti nene. Isa. 43:19; 2 Kor. 5:17; Xip. 19:9