Isaya 37:36 - Tshwa Bible

³⁶ A ngelosi ya Jehova yi lo huma yiya wugovelweni ga maAssiria yi ya daya 185,000 wabye; laha vanhu va nga vuka ni mixo zi wa hi zirumbi ntsena.

Isaya 37:36 교차 참조

2 Samueli 24:16

Makunu laha a ngelosi yi nga tlakusile a canja ga yona hehla ka Jerusalema a kuva yi gi lovisa, Jehova i lo tlhela kubiheni loko, aku ka ngelosi leyi yi lovisako vanhu: Basi, ku enele! Humuta a canja ga wena makunu! A ngelosi ya Jehova yi wa hi laha kusuhani ni nzhimbo wa Arauna a mujebusi. Ekso. 12:23

2 Tihosi 19:35

Zonake ka gwalego wusiku a ngelosi ya Jehova yi lo huma yi ya hlasela 185,000 wa vavanuna lomu wugovelweni ga maAsiria. A xikhati lexi a vanhu va nga vuka ni mixo, va lo kuma lezaku vontlhe va wa file.

1 Kronekele 21:12

A malembe manharu ya ndlala; kutani tihweti tinharu na u riziwa hi valala va wena na u kari u tlhabyiwa hi supado yabye; kutani masiku manharu lawa a supado ya Jehova ni ntungu zi ta ngava lomu tikweni ga ka Israeli, a ngelosi ya Jehova na yi kari yi rida tiko gontlhe ga ka Israeli. Alakanyela u nzi byela lezi nzi faneleko ku ya hlamula loyi a nzi rumileko.

1 Kronekele 21:16

Laha Davida a nga tlakusa a mahlo yakwe i lo wona a ngelosi ya Jehova na yi yima laha xikari ka tilo ni misava, na yi welele supado canjeni ga yona yi tlakusela Jerusalema. Zonake Davida ni masingalakati va lowa lahasi hi tinghohe tabye na va ambele a tinguwo ta tisakwa.

Joba 24:24

Hi xikhatanyana va kulisiwa, zonake va hunza hi xihatla, Vawa, va susiwa khwatsi hi vanwani, Va tsenwa khwatsi hi tinhovu ta zipupu za mavele.

Joba 34:20

Hi xikhatanyana vafa xikari ka wusiku, A tiko gi karateka, gi hunza; A tinhenha ti susiwa, na ku nga hi canja ga munhu. Ekso. 12:29; 2 Tih. 19:35

Eksodusi 12:23

Hakuva Jehova i ta hunza kasi ku ya daya vaGipite; kasi loku a wona a nkhata lomu timhanzeni ta laha nyangweni ka tiyindlu ta nwina, i ta hunza basi hi lomu tinyangweni, na a nga vumeli mudayi ku enghena lomo a mu daya.

Eksodusi 12:30

Faro i lo vuka ni wusiku, ni malanza yakwe wontihe, ni vaGipite vontlhe; ku wa hi zirilo za hombe lomo Gipite, hakuva ku wa nga hi kona yindlu yi nga hi hava xirumbi.

Isaya 10:12

Kanilezi loku a Hosi yi mahile wontihe ntiro wa yona hehla ka xitsunga xa Zioni ni le Jerusalema, nzi ta tsayisa a hosi ya le Assiria hi kota ya kutikulisa ka mbilu ya yona, ni matshanza ya mahlo ya yona, 2 Tih. 19:35

Isaya 10:25

Hakuva ku tava xikhatanyana a tsayiselelo yi ta hunza, ni zanga ya mina yi ta va lovisa.

Isaya 10:26

Jehova wa tiyimpi i ta tlakusa a limhika lakwe hehla kabye, khwatsi hi lezi a nga maha le Midiani, le ribyeni ga Orebi; kota lezi a nga tlakusa a nhonga yakwe hehla ka bimbi, i ta yi tlakusa kambe kota lezi a nga zi maha le Gipite. Ekso. 7:19; Vala. 7:25

Isaya 27:7

Xana i mu bile ku fanana ni lezi a hisileko zona laʼva mu bileko ke? Kutani i delwe ku fanana ni lezi a deleko a valala vakwe ke?

Isaya 29:5

A xidlemo xa valala va wena xi taku khwatsi i tsutsungwani, Ni xidlemo xa vatsimbeketi xi ta fanana ni mungu lowu wu hahako, Zi ta humela hi xitsuketi.

Isaya 31:8

Zonake Assiria i ta wiswa hi supado leʼyi nga hiko ya munhu; ni supado leʼyi nga hiko ya vanhu yi ta mu lovisa. I ta tsutsuma mahlweni ka supado, ni majaha yakwe ma ta mahiwa tikhumbi.

Danieli 3:28

Nebukadnezzare i lo wulawula, aku: A khesiwe a Nungungulu wa Xadrake na Mexake na Abed-nego, loyi a rumeleko a ngelosi yakwe a ku ta tlhatlhisa malanza yakwe lawa ma mu tsumbako, lawa ma nga tsanzisa a mhaka ya hosi, va ti nyikela mimiri yabye lezaku va nga ta tirela ni ku khizamela a nungungulu ahandle ka Nungungulu wabye.

Mika 5:6

Va ta kaputa a tiko ga Assiria hi supado, ni tiko ga Nimrode kala tinyangweni ta gona. I ta hi tlhatlhisa mandleni ya maAssiria laha a ta nga enghena tikweni ga hina, ni laha a ta nga tlula a mimbhingano ya hina.

Nahume 1:12

Jehova i ngalo: Hambu loku va hi ni ntamu, va hi vanyingi, va ta tsenwa, yena a hunza. Hanibu lezi nzi ku xanisileko, nzi nga ha ta ku xanisa kambe.

Nahume 3:3

Hi nga wonani a mahaxi ma tsutsumiswako hi vakhileli va wona, ni tisupado ti phatimako, ni matlhari ma kwezimako, ni wunyingi ga lava va delweko, tinhulu ta zirumbi. A zirumbi a zi mbheli, va khunguvanyeka hi zirumbi zabye!

Mitiro 12:23

Khalakale a ngelosi ya Hosi yi lo muba, hilezi a nga mu nyikangi wudzunzo Nungungulu; i lo giwa hi ziwungwani, afa. 1 Sam. 25:38