Isaya 37:19 - Tshwa Bible

¹⁹ Ti hisile a vanungungulu va wona hi nzilo, hakuva va wa nga hi vanungungulu, yi wa hi mitiro ya mandla ya vanhu, ya tisinya ni maribye. Hikwalaho ti zi khungumulela.

Isaya 37:19 교차 참조

2 Samueli 5:21

Vona va lo siya ni zifananiso zabye, zonake Davida ni vanhu vakwe va lo zi teka.

Eksodusi 32:20

Zonake i lo teka a role legi va gi mahileko, a gi hisa hi nzilo, a gi sila gi maha mapa, a chela matini a nwisa a vanana va ka Israeli.

Isaya 10:7

Ahemba, yena a nga sungwi hi lezo, A mbilwini yakwe a nga alakanyi lezo; Kanilezi a mbilu yakwe yi xuva ku lovisa, Ni ku hihirita matiko ya ku tala.

Isaya 17:8

Va nga ta cuwuka maganzelweni lawa ma mahilweko hi mandla yabye; Ge, hambu ku khatalela a mitiro ya titiho tabye, A zifananiso za Axtarte kutani za gambo.

Isaya 2:8

Kambe a tiko gabye gi tele hi zifananiso, va khozela a ntiro wa mandla yabye wutsumbu, lezi zi mahilweko hi titiho tabye.

Isaya 26:14

Lava va fileko va nga ta ha hanya, Ziruti ntsena, va nga ta ha vuka; Hakuva u va tsayisile, u va lovisa, U fuvisile mavito yabye, ma nga ha alakanyiwi. Deut. 32:26; Joba 14:14

Isaya 41:24

Langutani, nwina a mu va nchumu, Ni mitiro ya nwina a yi nyawuli; Manyalataniso loyi a mu hlawulako.

Isaya 41:29

Langutani, vontlhe a va vuni nchumu, A mitiro yabye a yi nyawuli; A zifananiso zabye zi wumbelweko i moya wa hava ntsena.

Isaya 41:7

A muvatli i tiyiseta mufuli wa nzalama; Loyi a bethako hi kono a tiyiseta loye a bako a xigalanyunzo. A dzunza a muri wo zariyeta ha wona, aku: Wu nene! Zonake a tiyisa a xifananiso hi tikhokho kasi xi nga tsekatseka.

Isaya 44:17

Zonake hi sinya yi seleko wa vatla a nungungulu ha yona, a korama mahlweni kakwe, a mu khozela, a kombela ka yena, aku: Nzi ponise, hakuva wena u nungungulu wa mina!

Jeremia 1:16

Zonake nzi ta hlawutela a kulamula ka mina hehla kabye hi kota ya kubiha kabye kontlhe, hakuva va nzi tsikile, va ya hisa tibani ka vanwani vanungungulu, ni ku khozela a mitiro ya mandla yabye wutsumbu.

Jeremia 10:11

Mu ta va byelisa lezi, muku: A vanungungulu lava va nga vangangiko a tilo ni misava va ta nwalala tikweni ni lahasi ka tilo.

Jeremia 16:20

Xana munhu wa zi kota a ku ti mahela vanungungulu ke? Kasi vona a hi vanungungulu.

Jeremia 2:11

Xana ku ngava kona a tiko gi hunzulusileko a vanungungulu va gona, Hambu lezi va uga hiko vanungungulu ke? Kanilezi a vanhu va mina va tsikile a wudumo gabye, Va khozela a nungungulu a nga vuniko nchumu.

Danieli 11:8

A vanungungulu vabye, ni zifananiso zabye zi chululweko, ni zibya zabye za siliva ni nzalama, i ta zi wutla a zi yisa Gipite. Zonake hi malembe yo kari a nga ta ha Vukela a hosi ya le Nwalungu.

Danieli 5:23

Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20

Hosea 8:6

Hakuva gona gita hi ka Israeli; mufuli a gi mahileko, gona a hi Nungungulu. Ina, a role ga Samaria gi ta tshobyiwe fufanyi.

Va le Galatia 4:8

Kanilezi hi xikhati lexo mu nga kala mu nga tivi Nungungulu, mu wa hi wukhumbini ka vona lava va nga hiko vanungungulu. Rom. 1:25; Efe. 2:12; 1 Tes. 1:9