Isaya 36:20 - Tshwa Bible

²⁰ Hi wihi xikari ka vanungungulu vontlhe va matiko a tlhatlhisileko tiko gakwe mandleni ya mina, ko kala Jehova a tlhatlhisa Jerusalema canjeni ga mina ke?

Isaya 36:20 교차 참조

1 Tihosi 20:23

A malanza ya hosi ya le Siria ma te ngalo kakwe: Nungungulu wabye i nungungulu wa zitsunga, hi kota ya lezo va hi hlulile; makunu a hi lweni navo lomu libaleni, hakunene hi ta va hlula!

1 Tihosi 20:28

A munhu wa Nungungulu i lo tshinela laha kusuhani a ta byela a hosi ya ka Israeli, aku: Jehova i ngalo: Lezi a maSiria me ngalo: Jehova i Nungungulu wa zitsunga, a hi Nungungulu wa lomu tibaleni; mina nzi ta nyikela xontlhe xidlemo lexi mandleni ya wena, kasi nwina ma fela ku zi tiva lezaku hi mina Jehova.

2 Kronekele 32:15

Hikwalahongha Hezekia a nga mu khohlisi, a mu kucetela hi ndlela leyo; mu nga mu vumeli, hakuva a ku na nungungulu wa tiko ni ginwe, hambu mufumo, loyi a zi kotako ku ponisa a vanhu vakwe mandleni ya mina, ni mandleni ya vadadani va mina. Loyi wa nwina, yena i ta zi kotisa kuyini ku mu ponisa mandleni ya mina ke?

2 Kronekele 32:19

Va lo wulawula hi Nungungulu wa le Jerusalema, va mu fananisa ni vanungungulu va matiko ya laha misaveni, lava va mahilweko hi mandla ya vanhu.

Tisimu 50:21

Lezi zilo u zi mahile, kanilezi mina nzi lo rutisa, U kala u alakanya lezaku mina nzi fana na wena. Kasike nzi ta ku laya, nzi xaxameta zontlhe mahlweni ka wena.

Tisimu 73:9

Va tlakukela tilweni hi milomu yabye, A tirimi tabye ti navalata misaveni yontlhe.

Eksodusi 5:2

Zonake Faro aku ka vona: Himani Jehova, wo kala nzi ingisa a gezu gakwe, nzi tsika va ka Israeli va famba ke? Jehova a nzi mu tivi, va ka Israeli cima nzi nga ta va tsika va famba.

Isaya 36:15

Mu nga kucetelwi hi Hezekia lezaku mu tsumba Jehova, loku yena aku: Hizinene, Jehova i ta hi tlhatlhisa, hambu lowu muti wu nga ta nyikelwa mandleni ya hosi ya le Assiria.

Isaya 37:4

Kutani Jehova a Nungungulu wa wena i zwile tontlhe a timhaka ta Rabxake leti a nga rumiwa tona hi nwinyi wakwe, a hosi ya le Assiria, a ku ta rukatela a Nungungulu a hanyako; lezaku Jehova a Nungungulu wa wena i ta mu lamula hi kota ya timhaka leti a ti zwileko; hikwalaho kombelela a misalela yi nga kona.

Ezekieli 35:13

Mu ti kulisile ka mina hi milomu ya nwina, mu nzi tatela timhaka ta ku nzi vukela; nzi zi zwile.

Danieli 3:15

Makunu loku mu longile aku ni xihi xikhati mu zwako a kuvuma ka paratana, ni ka mpunzu, ni ka xitende, ni ka khombela, ni ka ngoma, ni ka mihambi, ni ka tontlhe tixaka ta wucenje, muwa hasi mu khizamela a xifananiso lexi nzi nga xi maha, zi sasekile. Kanilezi loku mu nga xi khizamela mu ta hoxiwa zalezo xikari ka nzhimbo wa pingo ga nzilo. Hi wihi nungungulu a to zi kota ku mu tlhatlhisa mandleni ya mina ke?