Isaya 35:8 - Tshwa Bible

⁸ A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Isaya 35:8 교차 참조

Tisimu 118:20

A nyangwa ya Jehova hi leyi, A vakululama va ta enghena ha yona.

Tisimu 119:130

A kuvululwa ka timhaka ta wena ka woningela, Ku nyika kupima ka lava va nga tlharihangiko. 2 Tim. 3:15

Tisimu 19:7

A nayo wa Jehova wu mbhelele, wu humuta muhefemulo; A wukustumunyu ga Jehova gi nene, gi tlharihisa xipumbu. Rom. 15:4; 2 Tim. 3:15; 2 Ped. 1:19

Tisimu 23:4

Ina, hambu nzi tsemakanya a nzhelelo wa nzhuti wa kufa, Nzi nga ta chava za kubiha, hakuva wena u zinwe na mina; A nhonga ya wena ni chetengelo wa wena za nzi miyeta. Isa. 50:10

Mavingu 16:17

A gonzo ga valulamileko hi ku huma kubiheni; oyi a hlayisako ndlela yakwe wa lonzowota muhefemulo wakwe.

Mavingu 4:18

Kanilezi a ndlela ya valulamileko yi kotisa kuwonekela ka mixo, oku ku enzelekako kala a hlikanhi wu mbhelela.

Mavingu 8:20

Nzi famba ndleleni ya kululama, omu xikari ka tisoko ta kulamula ku lulamileko:

Mavingu 9:4

Ni wihi loyi a nga xipumbu a ate laha ka loyi a nga hiko na kupimisisa, giku:

Isaya 11:16

Ku tava kona a gonzo lomo ga misalela ya vanhu vakwe, Lava va ta nga sala le Assiria; Khwatsi hi legi gi nga wa hi kona A sikwini legi Israeli a nga huma hi le Gipite.

Isaya 19:23

A ka siku lego ku tava kona a gonzo go suka hi le Gipite, giya Assiria; a maAssiria ma tata le Gipite, ni maGipite ma tata le Assiria; zonake a maGipite ma ta khozela Jehova zinwe ni maAssiria.

Isaya 30:21

Loku u hambukela tlhelo ga xinene kutani tlhelo ga xibhabha, a tindleve ta wena ti tazwa a gezu lenzhako ka wena, giku: A ndlela hi leyi, famba ha yona.

Isaya 33:8

A magonzo ma fuva, a ka ha fambi munhu tindleleni; I tshovile xivumelwano, i kanyisile miti, A nga khataleli vanhu. Vala. 5:6; 2 Tih. 18:14

Isaya 4:3

Zi ta maheka lezaku loyi a seleko le Zioni, ni loyi a seleko le Jerusalema, va ta hlayiwa kota va basileko, vontlhelele lava va tsalilweko bhukwini ga vahanyako le Jerusalema,

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Isaya 43:19

Langutani, nzi ta maha a xilo xiswa; Xi sina xi woneka, a mu xi woni ke? Nzi ta bhoxa ndlela lomu xiwuleni, Ni micongo lomu ligwangweni,

Isaya 51:10

A hi wena u nga womisa a bimbi, a mamati ya kueta; Loyi u bhoxileko a ndlela xikari ka bimbi go eta, Va famba ha yona a vanhu va hanyisilweko ke? Ekso. 14:22, 29

Isaya 52:1

Vuka, vuka, ambala a ntamu wa wena, O Zioni! Ambala a tinguwo: ta wena to saseka, O Jerusalema, wena muti wa kubasa; Kakuva kusukela ka lezi ku nga ta ha enghena ka wena a makhuna ni va nga hlazekangiko. Kuv. 21:27

Isaya 52:11

Sukani, sukani, humani lomo! Mu nga khumbi ni xilo xinwe xi nga hlazekangiko! Humani xikari ka gona; ti basiseni! Nwina lava mu rwalako a zibya za Jehova. 2 Kor. 6:17; Kuv. 18:4

Isaya 57:14

Aku: Bhoxani ndlela, ecanyetani misava, Basisani ndlela, Mu susa zikhunguvanyiso lomu ndleleni ya vanhu va mina.

Isaya 60:21

A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13

Isaya 62:10

Humani, humani tinyangweni, mu lulamisa a ndlela ya tiko! Bhoxani ndlela, ecanyetani a gonzo, susani maribye; Tlakuselani a mujeke a ka matiko.

Isaya 62:12

Va ta vitanwa lezaku Mbanhu va basileko, A vatirulwa va Jehova; Na wena u ta wuliwa lezaku u Loyi a labyiwako, A muti wu nga tsikiwiko.

Jeremia 31:21

Ti yimisele a zikombiso, u zimeka zikomba-ndlela; A mbilu ya wena yi kongoma a gonzo, A ndlela leyi u fambileko ha yona. Hunzuluka, wena nhwana wa Israeli, Wuya mitini ya wena.

Ezekieli 43:12

A nayo wa yindlu hi lowu: A wutshamu gontlhe ga xixungwe xa xitsunga gi tava legi gi hunzeleleko kubasa. Lowu hi nayo wa yindlu.

Ezekieli 44:9

Hosi Jehova i ngalo: A ku na wamatiko xikari ka vanana va ka Israeli, loyi a nga khuna mbilwini ni nyameni, a ta nga enghena wutshanwini ga mina ga kubasa.

Joeli 3:17

Zinghaho mu ta zi tiva lezaku hi mina Jehova a Nungungulu wa nwina, loyi nzi tshamako le Zioni xitsungeni xa mina xo basa. Zonake Jerusalema gi ta basa, a vamatiko va nga ta ha hunza hi gona. Isa. 52:1

Levi 26:6

Nzi ta vanga kurula lomu tikweni ga nwina; mu ta etlela khwatsi na mu nga dzukiswi hi munhu. Nzi ta hetisa zivanza lomu tikweni ga nwina, ni supado yi nga ta enghena lomu tikweni ga nwina.

Mateu 1:23

Langutani, a nhwana i ta xura nyimba, i ta beleka nisanyana, Va ta mu chula vito gakwe aku hi Immanueli; lezo hi ku tlhamusela zi wula ku ngalo: Nungungulu i na hina. Isa. 7:14

Johani 14:6

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina. Xip. 1:4; 8:32; 10:9; Maheb. 9:8

Johani 7:17

Loku munhu a xuva ku maha kuranza ka Nungungulu, i ta yi tiva a gonzo leyi, loku yita hi ka Nungungulu, kutani nzo ti wulawulela mina wutsumbu. Xip. 8:43

Va le Efesusi 2:10

Hakuva hina hi ntiro wakwe, a ka Kristu Jesu hi vangelwe mitiro yo saseka, leyi Nungungulu a yi longiseleko kale lezaku hi ta famba ha yona. Xip. 1:4

1 Va le Tesalonika 4:7

Hakuva Nungungulu a nga hi vitanelangi zivini, kanilezi i hi vitanele kubasisweni. Levi 11:44

2 Timote 1:9

loyi a nga hi hanyisa, ni ku hi vitana hi kuvitanwa ko basa, na ku nga hi kota ya mitiro ya hina, kanilezi hi kuxuva kakwe, ni tipswalo leti hi nyikilweko tona ka Kristu Jesu hi kaleloko ka matiko, Rom. 8:28; Efe. 1:4; 1 Tes. 4:7; Tit. 3:5

Maheberu 12:14

Lavani kurula ni vanhu vontlhe, ni kubasiswa loku munhu a nga zi kotiko ku wona Hosi loku a nga hi nako. Mat. 5:8

1 Pedro 1:16

hakuva ku tsalilwe ku ngalo: Ngha mu basa, hakuva mina nzi basile. Levi 11:44; 19:2; 20:7

2 Pedro 3:13

Kanilezi hi kota ya xitsumbiso xakwe, hiha ha langutela a matilo maswa ni misava yiswa, lomu a kululama ku tshamileko kona. Isa. 65:17; Kuv. 21:1

1 Johani 2:20

Nwina mu totilwe hi Loyi wa Kubasa, ma zi tiva zilo zontlhe. Joh. 10:4, 5; Miti. 3:14; Maheb. 1:9

1 Johani 2:27

Kanilezi a kutotiwa loku mu ku amukeleko hi ka yena ku tshamile ka nwina, a za ha laveki lezaku mu gonziswa hi munhu; kanilezi kota lezi a kutota kakwe ku mu gonzisako zontlhe zi nga zinene, na ku nga hi na wunwa, tshamani ka yena kota lezi ku mu gonzisileko. Jer. 31:33; Joh. 14:26; Maheb. 8:10

Kuvululelwa 21:27

Cima ku nga ta enghena ka wona ni xihi xilo xo nyenyeza, hambu ni loyi a mahako manyala ni mawunwa; ku enghena ntsena lava va tsalilweko bhukwini ga wutomi ga Yivana. Isa. 52:1; Fil. 4:3; Xip. 3:5