Isaya 35:7 - Tshwa Bible

⁷ A misava ya xikhwakhwa yi ta hunzuka yiva tiva, Ni tiko gi womileko gi ta humesa zibuka; Lomu ku tshamileko mahlolwa Ku ta mila byanyi ni tihlanga ni majeka.

Isaya 35:7 교차 참조

Tisimu 107:35

A hunzula xiwula xi maha tiva ga mati, A humesa Zibuka misaveni yo woma, Isa. 35:7; 41:18

Isaya 13:22

A timhisi ti ta yimba tindlwini ta kona ta wuhosi, Ni mahlolwa lomo ziluvelweni, A xikhati xakwe xi tshinele, ni masiku yakwe ma nga ta hlaya.

Isaya 19:6

A micongo yi ta cakacela, Ni mageva ya le Gipite ma ta kwengeka mapswa, A tihlanga ni xihuvani zi ta wuna.

Isaya 29:17

Hi xikhatanyana Lebanoni i ta maha simu gi nonileko, Ni simu gi nonileko gi ta maha khwati.

Isaya 30:25

Hehla ka zitsunga zontlhe zo leha ni ka minganga yontlhe yo tlakuka ku tava kona micongo ni micongwana ya mati lawa ma khulungako, hi siku ga kudawa ka hombe, laha a makhokhola ma ta ngawa. Ezek. 39:4, 17; Kuv. 19:17

Isaya 34:13

Ku ta mila mizwa lomu ziluvelweni za kona, A mahlehlo ni zigetlwani zi ta mila lomu makhokholeni; Gi tava wuakelo ga mahlolwa ni timbhuwu.

Isaya 41:18

Nzi ta velisa micongo lomu migangeni ya xikwakwa, Ni zibuka lomu mikoveni. A ziwula zi ta maha milambo Ni ligwangwa li ta humesa xibuka za mati.

Isaya 43:20

Kasi a zihari za khwati zi ta nzi dumisa, A mahlolwa ni timbuwu, Hakuva nzi ta vanga mati lomu xiwuleni Ni micongo lomu xigwangweni, Kasi a vanhu va mina va hlawulekileko vanwa.

Isaya 48:21

A va zwangi tora laha a nga va rangela ziwuleni, Hakuva i lo va khulungisela mati hi lomu ribyeni, I lo panza a ribye, a mati ma bhukula. Ekso. 17:6; Mitse. 20:11; 1 Kor. 10:4

Isaya 49:10

Va nga tazwa ndlala hambu tora; Ge hambu kuswa hi mumu ni gambo, Hakuva loyi a va zwelako wusiwana i ta va rangela, A va yisa matini ya zibuka.

Ezekieli 47:8

Aku ka mina: A mati lawa ma khulungela matlhelo ya Wuca, ma relela maya Araba, ma hunzelele ma ya chela bimbini. Loku ma chelile lomu bimbini, a mati ya bimbi ma ta hunzuka mava mati ma nene.

Mateu 21:43

Hikwalaho nziku ka nwina: A mufumo wa Nungungulu wu ta tekiwa ka nwina, wu nyikiwa a tiko ginwani legi gi ta nga humesa a mihanzu ya wona.

Luka 13:29

Va tata hi le Mutsuwuka-gambo, ni Muhlwa-gambo, ni le Nwalungu, ni Dzongeni, va ta tshama kugeni mufunweni wa Nungungulu.

Johani 4:14

kanilezi kani hi wihi a nwako mati laya nzi mu nyikako wona, cima a nga tazwa tora; kanilezi a mati laya nzi mu nyikako wona, ma ta maha a xibuka xa mati nzeni kakwe, laya ma velako ma yisa wutomini ga pinzukelwa. Xip. 6:35, 58; 7:38

Johani 7:38

Loyi a kholwako ka mina, hi lomo xifuveni kakwe ku ta khulunga a micongo ya mati ya wutomi, kota lezi yi wulako mitsalo. Deut. 18:15

Mitiro 26:18

a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Kuvululelwa 18:2

Yi lo kanyuluka hi gezu ga hombe, yiku: I wile, i wile Babuloni loyi wa hombe, i hunzukile ava wutshamu ga madimoni, ni paxo ga mimoya yontlhe ya kubiha, ni ga zinyanyani zontlhe za kubiha lezi zi vengekako. Isa. 13:19, 21; 14:23; Jer. 50:39

Valamuli 6:38

Zi lova tano, hakuva laha na vukile mixweni i lo ya kama dzowo ku huma mati ya nzhokati, ma tata guwana.