Isaya 35:6 - Tshwa Bible

⁶ A zilema zi ta tlula khwatsi i hlangu, Ni tirimi ta timbeveve ti ta yimbelela; Hakuva a mati ma ta khulunga lomu xiwuleni, Ni micongo yi ta khulungela mapanyeni.

Isaya 35:6 교차 참조

Nehemia 9:15

U va nyika zibaba za le tilweni kasi ku miyeta ndlala yabye, u va humesela mati hi lomu ribyeni kasi ku tima tora gabye, u va lelela lezaku va ya fumela a tiko legi u nga gi tlakusela canja ga wena u hlambanya lezaku u ta va nyika gona. Ekso. 16:4; 17:6

Tisimu 107:35

A hunzula xiwula xi maha tiva ga mati, A humesa Zibuka misaveni yo woma, Isa. 35:7; 41:18

Tisimu 46:4

Wu kona a congo lowu a mati ya wona ma nengelisako a muti wa Nungungulu, A wuakelo go basa ga Loyi a Hunzeleleko Kutlakuka.

Tisimu 51:15

Hosi, vulula milomu ya mina, Zonake a nomu wa mina wu ta tshawutela a kudumisa ka wena.

Eksodusi 17:6

Languta, nzi ta yima mahlweni ka wena lahaya ribyeni ga Horebe; u taba ribye, zonake gi ta humesa mati; va tanwa vanhu. Mosi i lo maha lezo mahlweni ka masingalakati ya ya ka Israeli. Mitse. 20:11; Isa. 48:21; 1 Kor. 10:4

Isaya 30:25

Hehla ka zitsunga zontlhe zo leha ni ka minganga yontlhe yo tlakuka ku tava kona micongo ni micongwana ya mati lawa ma khulungako, hi siku ga kudawa ka hombe, laha a makhokhola ma ta ngawa. Ezek. 39:4, 17; Kuv. 19:17

Isaya 32:2

Munwe ni munwani i ta kotisa wuchavelo loku moya wu bhubhutsa, A kotisa wuponelo ka xingulo; Kukotisa a congo wa mati wutshanwini gi womileko; Ni nzhuti wa ribye ga hombe tikweni gi nga ni tora.

Isaya 32:4

A timbilu ta lava va matloti ti ta kuma kutiva, Ni tirimi ta lava va manghakamela ti ta wulawula hi kutlhatlhekileko.

Isaya 33:23

A magota ya wena ma nyesetilwe, Ma wa nga zi koti ku tiyisa a mulingwati, ni ku gwimba tangi. Kanilezi xikhatini lexo ku ta aveliwa a muphango wa hombe, Hambu ni zilema zi ta phanga.

Isaya 35:1

A xiwula ni ligwangwa zi ta tsaka, Ni mapanya ma ta nengela, ma baleka khwatsi makonʼwa.

Isaya 42:11

Ngha a xiwula ni miti ya xona zi tlakusa magezu, Na nwina zimitana za vaKedare; Lava va akileko le Sela ngha va yimbelela, A va kanyuluka hehla ka zitsunga.

Isaya 44:3

Hakuva nzi ta nyika mati ka lava va nga ni tora, Ni micongwana a misaveni yi womileko; Nzi ta chulula a Moya wa mina hehla ka vana va wena, Ni xikatekiso xa mina hehla ka mahluke ya wena;

Isaya 48:21

A va zwangi tora laha a nga va rangela ziwuleni, Hakuva i lo va khulungisela mati hi lomu ribyeni, I lo panza a ribye, a mati ma bhukula. Ekso. 17:6; Mitse. 20:11; 1 Kor. 10:4

Isaya 51:3

Hakuva Jehova i ta zwela wusiwana Zioni, I ta zwela wusiwana a marumbi yakwe wontihe; A xiwula xakwe i ta xi maha xi fanana ni Edeni, Ni mapanya yakwe ma ta fanana ni simu ga Jehova. Ku tava kona kutsaka ni migiyo lomo, A zigingi ni magezu ya wucenje. Tis. 102:25; Lu. 21:33

Joeli 3:18

A xikhatini lexo a zitsunga zi ta dona a vinya, ni miganga yi ta khulunga masi, yontlhe micongwana ya ka Juda yi tava ni mati. Ku ta huma a xibuka hi ndlwini ya ka Jehova xi tsakamisa a nkova wa le Xittimu. Zak. 14:8; Kuv. 22:1

Zakaria 14:8

Hi siku lego a mati ya xibuka xi nga pswhiko ma ta huma Jerusalema, a khihlanya ga wona ma ta khulungela bimbini ga Muhuma-gambo, a ginwani khihlanya gi khulungela bimbini ga Mupela-gambo. Ma tava tano laha ximunwini ni laha wuxikeni. Deut. 11:24; Joh. 4:14; Kuv. 22:1

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Mitsengo 20:11

Mosi i lo tlakusa a canja gakwe, aba a ribye zikhati zimbiri hi nhonga yakwe, zonake ku lo huma a mati yo tala. A hlengeletano wu lonwa zinwe ni zifuyo zabye.

Mateu 11:5

a zikhumu za tlhela zi wona, a zikhurubu za famba, a tihlokonho ta basiswa, a ziwiri zazwa, a vafileko va vuxwa, ni zisiwana za kanelelwa a mahungu yo saseka. Isa. 35:6; 61:1; Lu. 4:18; Jak. 2:5

Mateu 12:22

Zonake ku lo tiswa: kakwe munwe loyi a nga hi ni dimoni, a nga xikhumu ni mbeveve, a mu hanyisa, lezo a mbeveve yi lo wulawula, yi tlhela yi wona. Mar. 3:11; Lu. 11:14

Mateu 21:14

A zikhumu ni zilema zi lota kakwe lomu tempeleni, a zi hanyisa.

Luka 1:64

Zalezo wu lo vululeka a nomu wakwe, ni lirimi lakwe li tlhatlheka; i lo wulawula a bonga Nungungulu. vesi 20

Luka 11:14

Yena i wa hlongola a dimoni gi nga hi mbeveve. Ku te laha a dimoni gi nga wa humele, a mbeveve yi lo wulawula; a zidlemo zi lo hlamala. Mat. 9:32; 12:22

Mitiro 3:2

Ku wa rwelwe a munhu wo kari loyi a nga wa hi xilema hi le rumbyini ga nyine wakwe, loyi va nga mu veka a masiku ni masiku laha nyangweni yi vitwako Yo Saseka, kasi a kombela a zinyikiwo ka lava va nga enghena lomo tempeleni. Joh. 9:8

Mitiro 8:7

Hakuva a mimoya ya kubiha yi lo suka ka vanyingi lava va enghenilweko hi yona, yiba huwa hi gezu ga hombe; ni vanyingi lava va nga hi ni wubabyi gofa reve ga tlhelo, ni zilema, va lo hanyiswa. Mar. 16:17

Va le Kolosi 3:16

A mhaka ya Kristu a yi tshame yi anza ka nwina; gonzisanani hi wutlhari gontlhe, mu khongotelana hi tixangu ni tisimu ni zizimba za moya, na mu bonga Nungungulu hi tisimu timbilwini ta nwina. Jer. 15:16; Efe. 5:19; Xip. 4:6

Kuvululelwa 22:1

Zonake yi lo nzi komba a congo wa mati ya wutomi, na ma vangamela khwatsi hi kristali, wu huma xitshanwini xa wuhosi xa Nungungulu ni xa Yivana, Ezek. 47:1; Zak. 14:8

Kuvululelwa 22:17

A Moya ni muswika ve ngalo: Tana! Ni loyi a zi zwako, a wule aku: Tana! Loyi a zwako tora, ate! Ni loyi a zi ranzako, ngha akha mati ya wutomi mahala. Isa. 55:1; Joh. 7:37; Xip. 21:2, 9