Isaya 35:2 - Tshwa Bible

² Ma ta pfepfa ku hunza mpimo, Ma bhuma hi litsako ni kuyimbelela; Ma ta nyikiwa a wukosi ga Lebanoni, Ni kunona ka Karmeli na Xaroni. Va ta wona a wukulu ga Jehova, ni wukenikeni ga Nungungulu wa hina.

Isaya 35:2 교차 참조

1 Kronekele 16:33

Zonake tontlhe tisinya ta khwati ti ta yimbelela hi kutsaka mahlweni ka Jehova; Hakuva yena wata a ku ta lamula misava.

1 Kronekele 27:29

Xitrai a muXaroni i wa hi muhlayisi wa tihomu leti ti nga waga Xaroni; Xafate nʼwana Adlai i wa hlayisa a tihomu leti ti nga hi lomu mikoveni.

1 Kronekele 5:16

Vona va wa akile le Gileade wa Baxani, ni lomu mitini ya kona ni lomu wuriselweni gontlhe ga le Xaroni kala kwale mimbhinganweni ya kona.

Tisimu 50:2

Nungungulu i lo hatima hi le Zioni, Laha ku hunzeleleko kusaseka.

Tisimu 72:16

A mavele ma ta pfuna nguvu tikweni ni lomu hehla ka zitsunga, Ni mihanzu ya gona yi ta ninginika khwatsi hi khwati ga Lebanoni; Lava va akileko lomu mitini va ta hluka kotisa a byanyi ga misava.

Tisimu 72:19

A gi khesiwe a vito gakwe ga hombe kala kupinzuka; A misava yontlhe ngha yi tala hi wudzunzo gakwe. Amen ni Amen!

Tisimu 89:12

U lo yimisa Nwalungu ni Dzonga, Tabori na Hermoni va tsaka vitweni ga wena.

Tisimu 97:6

A matilo ma tlhatlhambutela a kululama kakwe, Ni matiko wontihe ma wona a wukulu gakwe.

Eksodusi 16:7

Ni laha mixweni mu ta wona a wukulu ga Jehova, hakuva Jehova i zwile ku mu bhongela ka nwina. Kasi hina hova vamani vo kala mu hi zangarela ke?

Xizimba xa ka Solomoni 2:1

Mina nzi xitsangi xa rosa ga le Xaroni, Nzi khonʼwa ga mikova.

Xizimba xa ka Solomoni 7:5

A hloko ya wena yi tlakukile ku fanana na Karmeli; Ni misisi ya hloko ya wena njo zirila; A hesi yi phasilwe hi yona. Isa. 35:2

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Isaya 27:6

A ka zikhati zi tako Jakobe i ta mila mitsu; Israeli i ta pfepfa a hluka, I ta tata misava hi mihanzu yakwe.

Isaya 32:15

Kala loku a moya wu chululwe ka hina hi le hehla, Ni xiwula xi maha simu ga pfuno, Ni simu ga pfuno gi hunzuka gi maha xigwangwa. Ezek. 39:29; Joeli 2:28

Isaya 33:9

A tiko gi le nkosini, ga hloka; Lebanoni i na ni tingana, i wunile; Xaroni o khwatsi ligwangwa, Baxani na Karmeli va tlhatlheka matluka yabye.

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 40:5

Ni kungangamela ka Jehova ku ta wonekeliswa, Yontlhe nyama yi ta ku wona khatiginwe. Hakuva a nomu wa Jehova wu wulile lezo.

Isaya 40:9

Kanzihani xitsungeni xo tlakuka Nwina lava mu nehelako Zioni a mahungu yo saseka, Tlakusani magezu ya nwina hi ntamu, Nwina lava mu nehelako Jerusalema mahungu yo saseka. Tlakusani magezu ya nwina, mu nga chavi, Byelani miti ya ka Juda, muku: Langutani Nungungulu wa nwina.

Isaya 41:19

Lomu xiwuleni nzi ta milisa tisedare, ni tisinya ta akakia, ni mirta, ni kuhlu, Lomu ligwangweni ku tava ni kipres, ni pinyero, ni seringa;

Isaya 49:13

Tlhavani zizimba nwina matilo! tsaka wena misava, Bhumani nwina zitsunga, hakuva Jehova i tangalisile a vanhu vakwe, I zwele wusiwana a ka vakwe lava va hlokiswako.

Isaya 6:3

A ginwe gi lo kanyuluka ka ginwani, giku: Basa, basa, basa, yena Jehova wa tiyimpi; Yontlhe misava yi tele hi kungangamela kakwe!

Isaya 60:13

A wukosi ga Lebanoni gi tata ka wena, A kipres ni pinyero ni seringa khatiginwe, Kasi ku bombisa a wutshamu ga mina gi basileko; Nzi ta ngangamelisa a wutshamu legi ku yimileko ka gona a milenge ya mina.

Isaya 60:19

A gambo gi nga ta hava kuwonekela ka wena ni hlikanhi, Ge hambu nweti wu nga ta ha ku woningela, Kanilezi Jehova i tava kuwonekela ka wena ka pinzukelwa, Ni Nungungulu wa wena i tava wumbhuri ga wena. 1 Joh. 1:5; Jak. 1:17; Kuv. 21:23

Isaya 60:21

A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Isaya 66:10

Nengelani zinwe ni Jerusalema, Mu mu tsakela nwina nwentlhe mu mu ranzako. Bhumani hi litsako zinwe naye, Nwina nwentlhe mu mu rilelako;

Isaya 66:14

Mu ta zi wona, a timbilu ta nwina ti tsaka, A marambu ya nwina ma ta kuma ntamu khwatsi lihunga. Zi ta tibyiwa lezaku a woko ga Jehova gi zinwe ni malanza yakwe, Ni lezaku a zangarela a valala vakwe.

Hosea 14:5

Nzi ta ku khwatsi nzi nzhokati ka Israeli; na yena i ta pfepfa ku fanana ni xitsangi, a tlhava mitsu ku fanana ni tisinya ta Lebanoni.

Habakuka 2:14

Hakuva a misava yi ta tala hi ku tiva a wukulu ga Jehova, kota lezi a kueta ka bimbi ku fenengetwako hi mati.

Zakaria 10:7

A va ka Efraime va ta ku khwatsi tinhenha, a timbilu tabye ti ta tsaka khwatsi hi loku va nwile vinya. Ina, a vanana vabye va ta zi wona va tsaka; a timbilu tabye ti ta tsakela Jehova.

Johani 12:41

Isaya i lo wula lezo, hakuva i wonile a kungangamela kakwe, a kanela ha yena, Isa. 6:1

Johani 17:24

Dadani, nzi ranza lezaku lava u nzi nyikileko vona, na vonawu va fela ku tshama na mina laha nzi nga kona; kasi va fela ku wona a kungangamela ka mina loku u nzi nyikileko kona; hakuva u nzi ranzile na yi nga se ku vangiwa misava. Vesi 5; Xip. 12:26; 1 Tes. 4:17

Mitiro 9:35

Vontlhe lava va nga wa akile le Lida, ni le Xaroni, laha va nga mu wona va lo hunzulukela ka Hosi.

Va le Roma 10:15

Kambe, vanhu va ta kanelisa kuyini loku va nga rumiwangi ke? Khwatsi hi lezi ku tsalilweko ku ngalo: Yi sasekisa kuyini a mikonzo ya vona lava va nehako a mahungu yo saseka! Isa. 52:7

Va le Roma 15:10

Kambe ku ngalo:. Nwina vamatiko, nengelani zinwe ni vanhu vakwe. Deut. 32:43

2 Va le Korinte 3:18

Hina hontlhe lava hi cuwukako a kungangamela ka Hosi hi mahlo ma nga fenengetwangiko a ku khwatsi hi laha wonini, ha hunzuluswa a ku fanana zinwe naye, hi longoloka hi kungangamela kunwe hiya ka kunwani, kota lezi yi tirako Hosi leyi, yi nga Moya. Joh. 9:39; Rom. 8:29; Xip. 4:4, 6; Kol. 3:10

2 Va le Korinte 4:6

Hakuva Nungungulu loyi a ngaku ngalo: A kuwonekela ku ta woninga hi le munyameni, hi yena a nga woninga timbilwini ta hina, kasi ku woningela vanhu lezaku va tiva a kungangamela ka Nungungulu loku ku nga kona nghoheni ya Kristu. Gen. 1:3; Tis. 27:1; Isa. 2:5; Efe. 5:8, 14; 2 Ped. 1:19

Joxua 19:26

ni Alameleki, ni Amadi, ni Mixali; wona wu longoloka kala le Karmeli hi le Muhlwa-gambo ni Xihora-libnati;

Kuvululelwa 21:23

Lomu mutini a ku laveki gambo ni hweti a kuva zi woninga; hakuva wu woningwa hi kungangamela ka Nungungulu, ni kandiya ya wona hi Yivana. Isa. 24:23; 60:19, 20