Isaya 35:10 - Tshwa Bible

¹⁰ Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 35:10 교차 참조

Tisimu 107:2

Ngha lava va tirulweko va Jehova va wula lezo, Lava a va tiruleko mandleni ya nala;

Tisimu 126:2

Zonake a milomu ya hina yi wa tele hi mahleko, Ni tirimi ta hina hi kuyimbelela; Zonake xikari ka matiko a vaku: Jehova i va mahele zilo za hombe.

Tisimu 126:5

Lava va byalako na va kari va rila mihloti, Va ta hula hi litsako.

Tisimu 14:7

O, loku ku wo khwatsi a kuhanyisa ka Israeli ku wa ta huma hi le Zioni! Laha Jehova a tlhelisako vanhu vakwe hi le kukhonweni, Zonake Jakobe i ta tsaka, na Israeli i ta nengela. Tis. 126:1; Mat. 1:21

Tisimu 51:8

Maha mina nzizwa a kutsaka ni kunengela, Kasi a marambu laya wena u ma tshovileko ma fela ku tsaka.

Tisimu 84:7

A ntamu wabye wo enzelekelana, Vona vontlhe va woneka mahlweni ka Nungungulu le Zioni.

Isaya 1:27

Zioni i ta tlhatlhiswa hi nongameto, ni vahunzulukileko va gona hi kululama.

Isaya 25:8

I ta fuvisa kufa kala ku pinzuka; Hosi Nungungulu i ta hlanguta mihloti tinghoheni tontlhe; I ta susa tingana ta vanhu vakwe misaveni yontlhe, Hakuva Jehova i wulile lezo. 1 Kor. 15:26, 54; 2 Tim. 1:10; Kuv. 7:17

Isaya 30:19

Hakuva wena tiko u akileko lomu Zioni ni Jerusalema, u nga ha rili! Loku u kanyuluka i ta ku tsetselela; loku azwa gezu ga wena i ta ku hlamula.

Isaya 35:2

Ma ta pfepfa ku hunza mpimo, Ma bhuma hi litsako ni kuyimbelela; Ma ta nyikiwa a wukosi ga Lebanoni, Ni kunona ka Karmeli na Xaroni. Va ta wona a wukulu ga Jehova, ni wukenikeni ga Nungungulu wa hina.

Isaya 41:14

U nga chavi wena xiwungwani, Jakobe, Na nwina misalela ya Israeli; Nzi ta ku vunetela, ku wula Jehova; A Mutiruli wa wena hi Loyi wa ku Basa wa ka Israeli.

Isaya 41:16

U ta zi checheta, ni mheho yi ta zi kukuleta, A xipupuri xi zi hangalasa; Kanilezi wena u ta tsakela Jehova, U ti kulisa hi Loyi wa ku Basa wa ka Israeli.

Isaya 60:20

A gambo ga wena cima gi nga ta ha pela, Ni hweti ya wena yi nga ta hafa kambe; Hakuva Jehova i tava kuwonekela ka wena ka pinzukelwa, Ni masiku ya nkosi wa wena ma ta mbhela.

Isaya 61:7

Wutshanwini ga tingana ta nwina mu ta aveliwa ha kambiri; Lava va nga nyenyiwa va ta tsakela xiavelo xabye. Hikwalaho lomu tikweni gabye va ta kuma leʼzi wuyetilweko ha kambiri, Va tava ni litsako la pinzukelwa.

Isaya 65:18

Kanilezi mu ta tsaka mu nengela ka zontlhe lezi nzi ta nga zi vanga, Hakuva Jerusalema nzi ta mu vangela migiyo. Ni vanhu va kona nzi ta va vangela litsako.

Isaya 65:19

Mina nzi ta tsaka hi Jerusalema. Nzi tsakela vanhu va mina; Cima ku nga ta ha zwala ka yena a gezu ga kurila, Hambu gezu ga tihuwa.

Isaya 9:3

U anzisile a tiko, u kulisile kutsaka kabye; Va tsakile mahlweni ka wena ku khwatsi hi lava va tshovelako, Va hlalela kukotisa vanhu va avelanako muphango.

Jeremia 30:19

Ku ta huma kona a kukhesa ni magezu ya litsako; Nzi ta va anzisa, va nga hunguleki; Nzi ta va kulisa, va nga ta ha kanyiswa.

Jeremia 33:11

ku ta zwala a gezu ga nkulungwani ni ga litsako, a gezu ga muteki ni ga mutekiwa, ni gezu ga lava vange: Khesani Jehova wa tiyimpi, hakuva i nene, hakuva a wuxinji gakwe ga kala kupinzuka; ni magezu ya lava va nehako minyikelo ya kubonga a ndlwini ya Jehova. Hakuva nzi ta wuyisa lava va khomilweko ka legi tiko, va ta kotisa xikhatini xa kale, ku wula Jehova.

Mateu 20:28

kota lezi a Nʼwana wa munhu a nga telangiko ku ta tirelwa, kanilezi a ku ta tirela, ni ku nyikela kuhanya kakwe a kuva nzhiho wa ku tirula vanyingi. Isa. 53:10; Lu. 22:27; Joh. 13:4

Johani 16:22

Na nwina mu na ni kuxaniseka makunu, kanilezi nzi ta mu wona kambe, zonake a timbilu ta nwina ti ta tsaka, a nga kona loyi a ta nga mu tekela a kutsaka ka nwina. Miti. 2:46; 1 Ped. 1:8

1 Timote 2:6

Yena i lo ti nyikela a kuva nzhiho wa vontlhe, ku mahiwa wukustumunyu hi lezo a xikhatini xi faneleko;

Juda 1:21

mu ti hlayisa liranzweni la Nungungulu, na mu cuwukela a wuxinji ga Hosi ya hina Jesu Kristu legi gi yisako kuhanyeni ka pinzukelwa.

Kuvululelwa 18:20

Bhumani ha wona wena tilo na nwina vobasa, na nwina vapostoli, na nwina vaprofeti; hakuva Nungungulu i wu lamulile a ku photela nwina. Jer. 51:48; Lu. 11:49

Kuvululelwa 21:4

I ta kulula mihloti yontlhe mahlweni yabye. Ku nga ha ta va kona kufa, hambu ni hlomulo, kutani kurila ni kubayisa; hakuva a zilo zo sangula zi hunzile. Isa. 25:8; 35:10; 1 Kor. 15:26