Isaya 33:20 - Tshwa Bible

²⁰ Languta Zioni, a muti wa mibuzo ya hina! A mahlo ya wena ma ta wona Jerusalema, wuakelo ga kurula; A tenda legi gi to kala gi nga susiwi, Legi a timhingu ta gona ti to kala ti nga kunulwi, Ni tingoti ta gona ti nga ta phewuka, ne ni yinwe.

Isaya 33:20 교차 참조

Tisimu 128:5

Jehova i ta ku katekisa hi makatekwa ya Zioni, U ta wona a kukateka ka Jerusalema Masiku wontihe ya kuhanya ka wena.

Tisimu 46:5

Nungungulu i kona xikari ka wona, a wu tsekatsekiswi, Nungungulu i ta wu vunetela laha mavingwini ya wuca.

Tisimu 46:6

A matiko ma maha pfilupfilu, ni mifumo yi tsekatsekiswa, I lo zwata gezu gakwe, misava yi nyeka.

Isaya 32:18

Zonake a vanhu va mina va ta tshama tikweni ga kurula, Lomu tindlwini ti tsumbekileko, Ni matshanwini ya ku humula hi kurula.

Isaya 33:6

Mu ta tshameka masikwini ya wena, A wutlhari ni wutivi gi ta vanga kuhanyiswa; Ni kuchava Jehova hi tshomba ya Zioni.

Isaya 37:33

Hikwalaho xungetano ni hosi ya le Assiria, Jehova i ngalo: A nga ta enghena ka muti lowu Hambu ku phanda a ligalala ka wona; Ge hambu a ku tshinela ka wona ni xitlhangu, Ni ku wu bhiyela lihlavu.

Isaya 4:5

Hehla ka gontlhe a wuakelo ga xitsunga xa Zioni, ni hehla ka gotsovanyano wakwe, Jehova i ta vanga a refu ni musi laha hlikanhini, ni langavi ga nzilo laha wusikwini, hakuva hehla ka kungangamela kontlhe ku ta andlaliwa a xikhubhunyeto.

Isaya 54:2

Anamisa a wutshamu ga tenda ga wena, U lehisa a tinguwo ta tenda ga wena; u nga chavi. Lehisa a tingoti ta wena, U tiyisa a timhingu ta wena.

Isaya 66:14

Mu ta zi wona, a timbilu ta nwina ti tsaka, A marambu ya nwina ma ta kuma ntamu khwatsi lihunga. Zi ta tibyiwa lezaku a woko ga Jehova gi zinwe ni malanza yakwe, Ni lezaku a zangarela a valala vakwe.

Ezekieli 48:35

Ku renzelekela kontlhe ku tava 18,000 wa mikono. A kusukela siku lego a vito ga muti gi tava: Jehova i kona laha. Tis. 68:16; Isa. 60:14

Ezekieli 48:8

A ku gamakana na Juda, kusukela tlhelo ga Mutsuwuka-gambo kala tlhela ga Muhlwa-gambo, xi tava xipanze lexi mu ta nga xi nyikela, 25,000 wa mikono kuanama, a kuleha ka xona xi ta ringana ni zipanze za tixaka, kusukela tlhelo ga Mutsuwuka-gambo kala tlhelo ga Muhlwa-gambo; a wutshamu ga kubasa gi tava xikari ka xipanze lexi.

Mateu 16:18

Na mina nziku ka wena: Wena u Pedro, a hehla ka ribye legi nzi ta aka handla ga mina; a tinyangwa ta Hayidesi ti nga ta gi hluta. Joh. 1:42; Efe. 2:20; Kuv. 21:14

Deuteronome 12:5

Kanilezi a wutshamu lego Jehova Nungungulu wa nwina a ta nga gi hlawula xikari ka tontlhe tinyangwa ta nwina a ku veka a vito gakwe laho, hi kwalaho ku ta ngava wutshamu ga yindlu yakwe; na nwina mu ta mu lavisisa laho, mu khiringela kuya kona. 1 Tih. 8:29; 2 Kro. 7:12, 16

Deuteronome 16:16

Wanuna munwe ni munwani i ta ya ti wonekelisa mahlweni ka Jehova Nungungulu wa wena zikhati zinharu hi lembe, laha ka wutshamu lego Jehova a ta nga gi hlawula; lezo hi lezaku mubuzo wa zibaba zi nga hiko na comelo, ni mubuzo wa maviki, ni mubuzo wa mixaxa, kanilezi va nga ti wonekelisi mahlweni ka Jehova na va nga welelangi nchumu;

Kuvululelwa 3:12

Loyi a hlulako nzi ta mu maha mhanze tempeleni ya Nungungulu wa mina, zonake a nga ta huma kona kambe. Nzi ta tsala hehla kakwe a vito ga Nungungulu wa mina, ni vito ga muti wa Nungungulu wa mina, ga Jerusalema giswa, legi gi relelako hi le tilweni ka Nungungulu wa mina, ni vito legi giswa ga mina wutsumbu. Xip. 22:4; 1 Tih. 7:21; Maheb. 12:22