Isaya 33:14 - Tshwa Bible

¹⁴ A vaonhi va le Zioni va chava; A vakubiha va rurumela, vaku: Himani xikari ka hina a ta nga tiya a yima nzilweni lowu wu hisako? Himani a ta nga hanya malangavini ma nga timekiko? Deut. 4:24; Isa. 30:27

Isaya 33:14 교차 참조

Joba 18:11

A kutshisa ku ta mu chavisa ma tlhelweni wontihe; Ku ta mu hlongolisa ni kwihi a yako kona. Jer. 46:5

Tisimu 11:6

I ta nisa makala ya nzilo hehla ka vakubiha, ni nzilo ni solufa, Ni mheho yi hisako; Lezi zi tava xiavelo xa gombe gabye. Gen. 19:24; Deut. 29:23; Ezek. 38:22

Tisimu 21:9

U ta va maha va vura khwatsi i phingo ga nzilo A sikwini ga zanga ya wena; Jehova i ta va khadamula zangeni yakwe, A nzilo wu ta va lovisa. Deut. 32:22; Jer. 17:4; Mal. 4:1

Tisimu 50:3

Nungungulu wa hina wata, a nga ta miyela. A mahlweni kakwe ku na ni nzilo lowu wu lovisako, I renzelekelwe hi bhubhutsa ga ntamu.

Tisimu 53:5

Va wa hi ni kuchava ka hombe lomo, Laha ku nga kala ku nga hi na nchumu wo chavisa; Hakuva Nungungulu i hangalasile a marambu ya lava va ku ranzelako; U va wisile tingana hakuva Nungungulu i va tsikile.

Mavingu 28:1

A va kubiha va tsutsuma na va nga hlongolwi hi munhu; anilezi lava va lulamileko va tiya kota xinghalana. Levi 26:36

Isaya 1:28

Kanilezi a vahambunyeti ni vaonhi va ta lobyiswa khatiginwe, ni lava va tsikako Jehova va tafa.

Isaya 10:16

Hikwalaho Hosi Jehova wa tiyimpi I ta wonzisa a vakulukileko va Assiria; Lahasi ka wukulu ga gona ku ta vura kukotisa a kuvura ka nzilo.

Isaya 10:6

Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.

Isaya 29:13

Hilezo Hosi yi te ngalo: Kota lezi a vanhu lava va tshinelako ka mina hi milomu yabye, Va nzi khesa hi milomu ntsena, A timbilu tabye na ti hi kule na mina, Lezaku a xichavo xabye ha mina hi zileletelo ntsena lezi va zi gonzileko; Mat. 15:8; Mar. 7:6

Isaya 29:6

Jehova wa tiyimpi i ta ku tsayisa hi kudzinza Ni kutsekatseka ka misava ni guwa ga hombe, Hi xipupuri ni bhubhutsa, ni langavi ga nzilo wu hisako.

Isaya 32:11

Rurumelani nwina vavasati lava mu tshamekileko; Chavani nwina mu ti tsumbako; Tlomulani tinguwo ta nwina, mu ambala tisakwa ziwunwini za nwina.

Isaya 34:9

A micongo ya le Edome yi ta hunzuka yiva phiriwa, Ni tshuri wa kona wu hunzuka wuva sulufa, A tiko ga kona gi ta hunzuka giva phiriwa gi vurako.

Isaya 47:14

Langutani, va taku khwatsi i byanyi, A nzilo wu ta va hisa; Va nga ta ti ponisa ntanwini wa langavi. A hi makhala yo ti kufumeta ha wona, A hi nzilo wa ku wora.

Isaya 5:24

Hikwalaho khwatsi hi langavi ga nzilo gi gako tihlanga, Ni ku khwatsi hi loku gi hisa byanyi gi omileko, Zinghaho a mutsu wabye wu ta bola, Ni zitsangi zabye zi ta jujeka kukotisa tsutsungwani; Hakuva va tsikile a nayo wa Jehova wa tiyimpi, Va kanyisa a mhaka ya Wa ku Basa wa ka Israeli.

Isaya 66:24

Zonake va ta huma, va wona a zirumbi za lava va hambunyetileko mahlweni ka mina; hakuva a xiwungwani xabye xi nga tafa, ge hambu a nzilo wabye wu nga ta timeka. Va ta maha xinyenyeko ka nyama yontlhe. Dan. 12:2; Mar. 9:48

Isaya 7:2

Zonake a yindlu ya ka Davida yi byeliwa lezaku: Siria i govile le ka Efraime, zonake a mbilu ya Ahazi ni timbilu ta vanhu vakwe ti lo rurumela, khwatsi a tisinya ta khwati ti tsekatsekiswako hi mheho.

Isaya 9:17

Hikwalaho Jehova a nga ta xalaliswa hi majaha ya gona, Ge hambu ku hawukela a zisiwana ni tinoni; Hakuva vontlhe vakhohlisi ni vaonhi, Yontlhe milomu yi wulawula wupumbu. Hambu lezo, a zanga yakwe a yi rengangi, Ni canja gakwe ga ha nawulukile.

Isaya 9:18

Hakuva a kubiha ka hisa khwatsi i nzilo, Wu khadamula zigetlwani ni mizwa; Wu dzivela makhwati yo khwela, Kasi musi wu tlakukela hehla kukotisa marefu.

Isaya 9:19

Hi kota ya zanga ya Jehova wa tiyimpi a tiko gi swile; Ni vanhu ve khwatsi tihunyi nzilweni; A ku na munhu a tsetselelako nakulobye.

Amosi 9:10

Vontlhe vaonhi va tiko ga mina va ta dawa hi supado, lava vange: A khombo gi nga ta hi tshinelela, ge hambu ku hi wela.

Nahume 1:6

Himani a nga yimelako a zanga yakwe? Himani a nga tiyelako a kuhisa ka zanga yakwe? A khulo gakwe gi halaka khwatsi i nzilo, a maribye ma panzeka mahlweni kakwe.

Malaki 3:2

Kanilezi himani a nga tiyelako a siku ga kuta kakwe? Himani a ta nga yima a kutani kakwe? Hakuva yena i ta kotisa a nzilo wa munyekisi, ni ku kotisa a sabawu ya vahlazi.

Mateu 18:8

Loku a canja ga wena kutani konzo wa wena zi ku khunguvanyisa, zi tseme, u zi hoxa kule; hakuva zi ku sasekele ku enghena kuhanyeni u hi xilema, kutani u khwita, ku hunza a ku hoxiwa nzilweni wa pinzukelwa na u ngha u hi ni mandla mambiri ni mikonzo mimbiri.

Mateu 22:12

Yi te ngalo kakwe: Xaka, u enghenisile kuyini laha na u nga hi na nguwo ya muchado ke? Yena a su kaye.

Mateu 24:51

yi ta gi pulakanyisa, yi gi nyika xiavelo xa gona zinwe ni vaxengeteli; laha mikosi yi ta ngava kona ni kugetsela ka meno. Xip. 8:12; 25:30

Mateu 25:41

Zonake i taku ngalo ka lava va nga reveni gakwe ga xibhabha: Sukani ka mina, nwina mu rukatelweko, mu ya nzilweni wa pinzukelwa lowu wu longiselweko Satani ni tingelosi takwe; Tis. 6:8; 2 Ped. 2:4

Mateu 25:46

Ni lava va taya kutsayisweni ka pinzukelwa; kanilezi a valulamileko va taya wutomini ga pinzukelwa, Dan. 12:2; Joh. 5:29

Deuteronome 4:24

Hakuva Jehova Nungungulu wa wena i nzilo lowu wu hisako, i Nungungulu loyi a pinyamako.

2 Va le Tesalonika 1:8

a ta va tlhelisela lava va nga mu tiviko Nungungulu, ni lava va nga ingisiko ivangeli ya Hosi ya hina Jesu. Tis. 79:6; Maheb. 10:27; 12:29

Maheberu 12:29

hakuva Nungungulu wa hina i nzilo lowu wu hisako. Isa. 66:15; Deut. 4:24; Tis. 50:3

Kuvululelwa 14:10

yenawu i tanwa a vinya ga zanga ya Nungungulu, legi gi chelilweko gombeni ga zanga yakwe gi nga luhlanywangiko; i ta xaniswa hi nzilo ni solufa mahlweni ka tingelosi to basa ni mahlweni ka Yivana. Tis. 75:8; Isa. 51:17; Jer. 25:15; Zip. 16:19; 18:6; 19:20; 20:10

Kuvululelwa 20:10

Zonake Satani, loyi a nga va khohlisa, i ta hoxwa tiveni ga nzilo ni solufa, laho ku nga kona xihari ni muprofeti wa mawunwa; va ta xaniswa mumu ni wusiku kala kupinzuka ni kupinzuka. Xip. 14:10, 11