Isaya 29:19 - Tshwa Bible

¹⁹ Lava va kurula va ta tsakela Jehova, Ni vavumali va ta tsakela Loyi wa ku Basa wa ka Israeli.

Isaya 29:19 교차 참조

Tisimu 12:5

Hi kota ya kutsimbeketwa ka zisiwana ni kurila ka vavumali, Nzi ta vuka makunu, ku wula Jehova; Nzi ta ponisa loyi a zi langutelako.

Tisimu 149:4

Hakuva Jehova i xalele hi vanhu vakwe, I bombisa a vakurula hi kuhanyisa kakwe.

Tisimu 22:27

Wontihe matlhelo ya misava ma ta alakanya Jehova, ma hunzuluka; Tixaka tontlhe ta vamatiko ti ta khizama mahlweni ka wena.

Tisimu 25:9

Wa rangela kululameni lava va koramileko, A va gonzisa ndlela yakwe.

Tisimu 37:11

Kanilezi lava va rulako va taga tshomba ya tiko, Va ta xalaliswa hi kurula ka hombe. Mat. 5:5

Tisimu 9:18

Hakuva a muvumali a nga ta rivalwa xontlhe xikhati, Ni kutsumba ka zisiwana ku nga ta mbhelela magumo.

Isaya 11:4

Kanilezi lava va vumalako i ta va lamula hi kululama, A tshanza hi nongameto timhakeni ta lava va tsimbeketilweko misaveni; I taba misava hi nhonga ya nomu wakwe, A lovisa vaonhi hi moya wa nomu wakwe. Joba 4:9; 2 Tes. 2:8; Kuv. 2:16

Isaya 14:30

A vanyakeke va ta xura, Ni vavumali va etlela hi kurula; Kanilezi nzi ta daya mutsu wa wena hi ndlala, Ni misalela ya wena yi ta lobyiswa.

Isaya 14:32

Va ta hlamula yini ka mitsukano ya maFilistia? Va taku: Jehova i akile xiseketelo xa Zioni, A va tsimbeketilweko xikari ka vanhu vakwe va ta chavela kona.

Isaya 25:4

Hakuva wena u wuchavelo ga zisiwana, U khokhola ga lava va vumalako kuxanisekeni kabye; U wuponelo hi siku ga bhubhutsa, ni nzhuti laha munwini, Laha a moya wa laʼvo tshisa wu khwatsi xipupuri xi bhubhutselako khurisi.

Isaya 26:6

Wu ta kanzihelwa hi mikonzo, Hi mikonzo ni vavumali.

Isaya 3:14

Jehova i ta lamula a masingalakati ya tiko gakwe, ni tihosana ta gona, aku: Mu gile xivina, lezi zi phangilweko ka zisiwana zi lomu tindlwini ta nwina. Isa. 5:7; Mat. 21:33

Isaya 3:15

Hikuyini mu hlokisako tiko ga mina, ni ku pswhandlasa zisiwana ke? ku wula Hosi Nungungulu wa tiyimpi. A kulamulwa ka vanhwana va Zioni.

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 61:1

A Moya wa Hosi Jehova wu le hehla ka mina, Hakuva Jehova i nzi totile akuva nzi kanela a mahungu yo saseka ka lava va vumalako; I nzi rumile a ku chuma lava va nga ni timbilu ti tshovekileko, Ni kuba hungu ga kutlhatlheka ka laʼva bohilweko, Ni kutlhatlhiswa ka tiperesu; Mat. 11:5; Lu. 4:18

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Danieli 12:4

Kanilezi wena Danieli, hlayisa a timhaka leti, u lema a bhuku kala xikhatini xa magumo. Vanyingi va ta gi hlotisisa, kasi wutivi gi enzeleka.

Habakuka 3:18

Hambu zi hi tano, nzi ta tsakela Jehova, Nzi tsakela a Nungungulu wa kuhanyiswa ka mina.

Zefania 2:3

Hlotani Jehova nwina nwentlhe va koramileko va tiko, lava mumahako a zileletelo zakwe; hlotani kululama, mu hlota ku ti tsongahata; kutani mu ta fihlala a sikwini ga zanga ya Jehova.

Mateu 11:29

Rwalani a pingu wa mina, mu gonza ka mina; hakuva nzi rulile, nzi hi ni mbilu yi koramileko; mu ta kuma kuhumula mihefemulweni ya nwina. Joh. 13:15; Fil. 2:5; 1 Ped. 2:21

Mateu 11:5

a zikhumu za tlhela zi wona, a zikhurubu za famba, a tihlokonho ta basiswa, a ziwiri zazwa, a vafileko va vuxwa, ni zisiwana za kanelelwa a mahungu yo saseka. Isa. 35:6; 61:1; Lu. 4:18; Jak. 2:5

Mateu 5:3

Va katekile a zisiwana moyeni, hakuva mufumo wa le tilweni ngwabye. Lu. 6:20

Mateu 5:5

Va katekile lava va kurula, hakuva va taga tshomba ya misava. Tis. 37:11; Rom. 4:13

Va le Efesusi 4:2

muva ni kutikoramisa kontlhe, ni lihlaza-mbilu, mu timiselana hi liranzo, Gal. 5:22

Va le Filipi 4:4

Tsakani Hosini xikhati xontlhe; nzi engeta kambe nziku, Tsakani!

Jakobe 1:21

Hikwalaho hoxani a zivi zontlhe ni kubiha kontlhe, mu amukela hi kutikoramisa a mhaka leyi yi byalilweke ka nwina, leyi yi zi kotako ku hanyisa a mihefemulo ya nwina. Rom. 1:16; Kol. 3:8; 1 Ped. 1:9

Jakobe 1:9

Ngha makabye loyi a koramileko a ti kulisa hi kota ya kutlakuswa kakwe;

Jakobe 2:5

Ingisani, vamakabye va mina va ranzekako; Xana Nungungulu a nga hlawulangi lava va vumalako hi za tiko, lezaku vava lava va fumileko kukholweni, ni kuva zigatshomba ya mufumo lowu a wu tsumbisileko vona lava va mu ranzako ke? Ekso. 20:6; Joh. 7:48; Kuv. 2:9