Isaya 29:18 - Tshwa Bible

¹⁸ Hi siku lego a ziwiri zi tazwa a timhaka ta bhuku, Ni mahlo ya zikhumu ma ta susiwa phume ma wona munyameni;

Isaya 29:18 교차 참조

Tisimu 119:18

Vulula mahlo ya mina, Kasi nza wona mahanjalati ya nayo wa wena.

Mavingu 20:12

A ndleve yi zwako ni tihlo gi wonako, ontlhe zi mahilwe hi Jehova.

Isaya 29:24

Lava a moya wabye wu hambukileko va ta gonza wutlhari, Ni lava va nga kalala va ta kuma wutivi.

Isaya 32:3

A mahlo ya lava va wonako ma nga ta kuva xilutsu, Ni tindleve ta lava va zwako ti ta ingisela.

Isaya 35:5

Zonake a mahlo ya zikhumu ma ta vululiwa, Ni tindleve ta ziwiri ti ta vululeka.

Isaya 42:19

A xikhumu himani, loku ku nga hi nanza ga mina, Himani a mbeveve yo fana ni tsukano wa mina lowu nzi nga wu ruma? Himani xikhumu ku hunza loyi a ranzekako ka Nungungulu? Himani a nga xikhumu ku fanana ni nanza ga Jehova?

Isaya 42:7

Lezaku u vulula a mahlo ya zikhumu, U tlhatlhisa tiperesu lomu paxweni. Ni ku humesa wukhumbini lava va tshamileko munyameni,

Isaya 43:8

Humesani a vanhu va zikhumu laʼva nga ni mahlo, Ni ziwiri lezi zi nga ni tindleve.

Danieli 12:4

Kanilezi wena Danieli, hlayisa a timhaka leti, u lema a bhuku kala xikhatini xa magumo. Vanyingi va ta gi hlotisisa, kasi wutivi gi enzeleka.

Mateu 11:5

a zikhumu za tlhela zi wona, a zikhurubu za famba, a tihlokonho ta basiswa, a ziwiri zazwa, a vafileko va vuxwa, ni zisiwana za kanelelwa a mahungu yo saseka. Isa. 35:6; 61:1; Lu. 4:18; Jak. 2:5

Mateu 16:17

Jesu i lo hlamula aku ngalo ka yena: U katekile wena Simoni nʼwana Jona; hakuva a hi nyama ni nkhata zi nga ku vululela lezi, kanilezi hi Dadani wa mina wa le tilweni. 1 Kor. 2:10; Efe. 2:8; Gal. 1:16

Marku 7:37

Va lo hlamaliswa nguvu, vaku: Yena i mahile zilo zontlhe khwatsi: i maha ni ziwiri a kuzwa ni timbeveve ti wulawula.

Luka 4:18

A Moya wa Hosi wu le hehla ka mina, Hakuva yi nzi totile a kuva nzi kanela a mahungu yo saseka ka lava va vumalako; Yi nzi rumile a kuba hungu hi kutlhatlhiswa ka laʼva bohilweko, Ni kutlheliselwa kuwona ka zikhumu, Ku tlhatlhisa lava va giswako mbhukutsa, Isa. 61:1

Luka 7:22

I lo hlamula, aku ngalo kabye: Fambani, mu ya byela Johani lezi mu zi wonileko ni lezi mu zi zwileko: a zikhumu zi tlheliselwa kuwona, a zilema za famba, a vahlokonho va hlaziwa, ni ziwiri zazwa, a vafileko va vuxiwa, ni zisiwana zi kanelelwa a mahungu yo saseka. Isa. 35:5; Mat. 11:4; Xip. 4:18

Johani 6:45

Lomu bhukwini ga vaprofeti ku tsalilwe, ku ngalo: Vontlhe va ta gonziswa hi Nungungulu. Loyi a ingisileko Dadani, a gonza ka yena, wata ka mina. Isa. 54:13; Jer. 31:34; Mika 4:2

Johani 9:7

Aku ngalo ka xona: Famba u ya hlamba xitivaneni xa Siloami (hi kutlhamuselwa ku ngalo, Kurumiwa). Yena i lo famba a ya hlamba, a wuya na a wona. Neh. 3:15

Mitiro 26:18

a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Va le Efesusi 5:14

Hikwalaho i ngalo: Khindlimuka wena loyi u etleleko, u vu ka hi ka vafileko, Kristu i ta ku woninga. Isa. 60:1; Joh. 5:25; Rom. 6:4, 5

Deuteronome 29:4

Kanilezi kala lego siku Jehova a nga se mu nyika a mbilu ya ku pima ni mahlo ya ku wona, ni tindleve ta kuzwa. Isa. 6:10

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

Kuvululelwa 3:18

Nza ku khongotela a kuva u ti xavela ka mina a nzalama yi hlutilweko hi nzilo, kasi wa fuma; ni tinguwo to basa, kasi wa ambala, ku nga woneki a tingana ta wumbyiri ga wena; ni muri wa ku tota mahlo ya wena, kasi wa wona. Isa. 55:1; Mat. 13:44; 2 Kor. 5:3