Laha a nga gumesile a xirilo, Davida i lo mu vitanisa, a ta mu amukela lomu ndlwini yakwe a maha sati wakwe, a beleka naye a nisanyana. Kanilezi a mhaka leyi Davida a yi mahileko yi wa bihile mahlweni ka Jehova.
A vanana va ka Israeli va lo maha zinyenyeko ka Jehova Nungungulu wabye hi ku maha a zilo zi nga lulamangiko: va lo ti akela a matshamu ma tlakukileko lomu mitini yabye yontlhe, kusukela ka tiyindlu ta varinzeli kala mitini ya makhokhola.
Hilezi mu nge ngalo: Hi mahile xivumelwano ni kufa, Hi zwanana ni Xeoli; Hambu loku a tsayiselelo wu kukuleta ku fanana ni ntalo, Wu nga ta hi chikelela, Hakuva a mawunwa hi ma mahile wuchavelo ga hina, Hi fihlala lahasi ka kukhohlisa.
A nongameto wu tava lipimo la kona, Ni kululama ku tava xiringaniso. A maralala ma ta kukuleta a wuchavelo ga mawunwa, Ni wufihlalelo gi ta khulungelwa bi mati.
Khombo ka vanana va hluwukileko, ku wula Jehova; Lava va lavako wusungukati, va nga gi lavi ka mina, Lava va bohako xivumelwano, a handle ka moya wa mina, Va fela ku ti engetela xionho hehla ka xionho.
Hakuva u ti tsumbile kubiheni ka wena, uku: A nga kona a nzi wonako! A wutlhari ga wena ni wutivi ga wena gi ku hambukisile. Ute mbilwini ya wena: Hi mina nzoce, a nga kona munwani.
Zonake aku ka mina:. Nʼwana wa munhu, wa zi wona lezi a masingalakati ya yindlu ya ka Israeli ma zi mahako lomu munyameni, munwe ni munwani lomu ndlwini yakwe ya zifananiso ke? Hakuva ve ngalo: Jehova a nga hi woni; Jehova i tsikile a tiko.
Aku ka mina: A kugoha ka yindlu ya ka Israeli na Juda ku hunzelele a ku kula. A tiko gi tele hi nkhata, ni muti wu tele hi lunya, hakuva ve ngalo: Jehova i tsikile a tiko, Jehova a nga woni.
Xikhatini lexo nzi ta lavisisa lomu Jerusalema hi tikandiya; nzi ta tsayisa a vavanuna lava va te ku njha hehla ka zisese zabye, lava va nge ngalo timbilwini tabye: Jehova a nga mahi xinene ge hambu zahava!
Mu rerile Jehova hi kuwulawula ka nwina. Kasike mu ngalo: Hi mu rerile hi yini? Hi lezi mu nge: Munwe ni munwani loyi a mahako kubiha i lulamile kuwoneni ka Jehova, niku, wa xalaliswa hi vakunghahi. Ni loku muku: I kwihi a Nungungulu wa nongameto?
A kulamula hi kwaloku, lezaku a kuwonekela ku tile misaveni, kanilezi vanhu va ranzile munyama ku hunza kuwonekela; hakuva mitiro yabye yi wa bihile. Joba 24:13, 17; Efe. 5:13
Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12
kanilezi hi tsikile a zilo zi fihlilweko za tingana, a hi fambi hi mano, hambu ku bihisa a mhaka ya Nungungulu; kanilezi hi humesa zinene ziku dlunya, na hi ti yimela ka livalo la munhu munwe ni munwani mahlweni ka Nungungulu. 1 Tes. 2:3, 5
A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6
