Hikwalaho nza ha ta maha mahanjalati ka vanhu lava, A mitiro yi riwukisako, leʼyi hlamalisako; A wutlhari ga titlhari tabye gi ta fuva, Ni kupima ka vanhu vabye va tlharihileko ku ta gumelwa.
Lava va nge ngalo ka vavumbi: Mu nga vumbi; ni ka vaprofeti, vaku: Mu nga hi profeteli zinene, hi byeleni a timhaka leti ti tsakisako, profeteni zahava;
Ku ta maheka ka lexo xikhati, ku wula Jehova, lezaku a hosi ni tihosana ti ta tsemeka mihlana, ni masingalakati ma ta rewukiswa, a vaprofeti va hlamala.
Loku a muprofeti a khohliswa a wula a mhaka yo kari, hi mina Jehova nzi khohlisileko muprofeti loye; nzi ta nawuluta a canja ga mina nzi mu lovisa xikari ka vanhu va mina va ka Israeli. 1 Tih. 22:20; 2 Tos. 2:11
Hikwalaho mu ta humelwa hi wusiku, kasi mu nga hi na miwoniso; ku tava munyama ka nwina kasi mu nga ha vumbi. A gambo gi ta pelela a vaprofeti, ni hlikanhi wu ta phuma hehla kabye.
Kota lezi ku tsalilweko ku ngalo: Nungungulu i lo va nyika a moya wo khudzehela, ni mahlo yo kala ma nga woni, ni tindleve leti ti nga ingisiko; kala nyamutlha lezi hi zalezo. Deut. 29:4; Isa. 29:10; Mat. 13:14
hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3
Zinghaho Davida i lo teka a tlhari ni nghotso le hlokweni ya Saule va ti fambela. Kanilezi ku wa nga hi kona a munhu a nga va wonile hambu ku va tiva. Ku wa nga hi kona ni munwe wa kuva a nga vuka, hakuva va wa etlele vontlhe; Jehova i wa va etlelisile wurongo go eta.
(A kale ka va ka Israeli, loku va ya wutisa ka Nungungulu, va waku: Ngone hi famba ka Muvumbi; hakuva loyi inyamutlha hi nge ngalo Muprofeti, a kale va waku, Muvumbi.) Mitse. 12:6
