Isaya 28:26 - Tshwa Bible

²⁶ Hakuva a Nungungulu wakwe i mu gonzisile, I mu tivisile a ndlela ya kona.

Isaya 28:26 교차 참조

Joba 32:8

Kanilezi ku na ni moya nzeni ka munhu; Ni kuhefemula ka Nyamintamu ku nyika kupimisisa.

Joba 35:11

Loyi a hi nyikileko kupima ko hunza ka zihari za misava, Ni wutlhari go hunza ga tinyanyani ta tilo?

Joba 39:17

Hakuva Nungungulu i yi tsonile wutlhari, Ge hambu ku yi nyika wutivi.

Tisimu 144:1

A khesiwe Jehova, a ribye ga mina, Loyi a nga gonzisa mandla ya mina a yimpi. Ni titiho ta mina a kulwa. 2 Sam. 22:35

Tisimu 94:10

Loyi a layako a matiko ni ku nyika munhu wutlhari, A nga ta tsayisa ke?

Eksodusi 28:3

U ta leletela vontlhe vanhu vo tlhariha, lava nzi va nyikileko a moya wa wutlhari, kasi va fela ku maha a tinguwo ta Aroni, kasi a basiselwa a mitiro ya wupristi mahlweni ka mina.

Eksodusi 36:2

Zonake Mosi i lo vitana Bezaleli na Oholiaba, ni vontlhe vameseri, lava Jehova a va nyikileko wutlhari timbilwini tabye, ni vontlhe lava timbilu tabye ti susumetwako ku tira mitiro.

Isaya 28:25

Loku a nanasele a sava ga kona a nga xwanyi anase ni kumine, A byala tirigo hi ku xaxameta, Ni mavele ni mahuva matshanwini ya wona ke?

Isaya 28:27

Hakuva a anase a yi phophiwi hi makina, Ge hambu kumine a yi huliwi hi nghonghola ya kareta; Kanilezi a anase yi phophiwa hi nhonga, Ni kumine yi huliwa hi mugomba.

Isaya 28:9

Vaku: I ta gonzisa mani wutlhari ke? I ta maha mani a pima a mhaka? Kasi hi zihlangi lezi za ha ku lumulwako, Lezi za hi ku tsikisiwako vele ke?

Danieli 1:17

A majaha laya ya mune Nungungulu i lo ma nyika a wutivi ni kupimisisa mitsalweni yontlhe ni wutlhari. Danieli i wa pimisisa miwoniso yontlhe ni miloro.

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27