Isaya 28:17 - Tshwa Bible

¹⁷ A nongameto wu tava lipimo la kona, Ni kululama ku tava xiringaniso. A maralala ma ta kukuleta a wuchavelo ga mawunwa, Ni wufihlalelo gi ta khulungelwa bi mati.

Isaya 28:17 교차 참조

2 Tihosi 21:13

Nzi ta pima a Jerusalema hi lingoti la le Samaria ni xipimanyiso xa yindlu ya Ahabi; nzi ta sula a Jerusalema, khwatsi hi loku a munhu a sula a ngelo a wu khubhunyeta.

Joba 22:16

Lava va nga susiwa hi mahlweni ka xikhati xabye; Lava a wuakelo gabye gi kukuletilweko hi ntalo wa mati;

Tisimu 94:15

A kulamula ku ta tlhela ku mahiwa hi nongameto, Ni lava va kubasa timbilu va ta ku lanzela.

Isaya 10:22

Hakuva hambu loku a vanhu va wena, Israeli, Va ku khwatsi i seke ga bimbi, Misalela yabye ntsena yi ta nga wuya. A kulobyiswa ku tiyisilwe, ku tele hi kululama.

Isaya 25:4

Hakuva wena u wuchavelo ga zisiwana, U khokhola ga lava va vumalako kuxanisekeni kabye; U wuponelo hi siku ga bhubhutsa, ni nzhuti laha munwini, Laha a moya wa laʼvo tshisa wu khwatsi xipupuri xi bhubhutselako khurisi.

Isaya 28:15

Hilezi mu nge ngalo: Hi mahile xivumelwano ni kufa, Hi zwanana ni Xeoli; Hambu loku a tsayiselelo wu kukuleta ku fanana ni ntalo, Wu nga ta hi chikelela, Hakuva a mawunwa hi ma mahile wuchavelo ga hina, Hi fihlala lahasi ka kukhohlisa.

Isaya 28:2

Langutani, a Hosi ya ruma a nala a nga ni ntamu, ni wa ku tiya; Wata khwatsi hi bhubhutsa ga vula ya maralala, Kukotisa a ntalo wa mati ya hombe, lawa ma phandlulako kontlhe, I ta zi hoxa misaveni hi ntamu. 2 Tih. 17:3, 6; 18:10

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Isaya 30:28

Ni kuhefemula kakwe ku khwatsi i congo wu hlatako, Wu kukumuka wu chikela nhanwini ya munhu, Kasi ku hehera mifumo hi lihlelo la lobyiselelo, A milonwini ya matiko i ta veka a matomu ma hambukisako.

Isaya 32:2

Munwe ni munwani i ta kotisa wuchavelo loku moya wu bhubhutsa, A kotisa wuponelo ka xingulo; Kukotisa a congo wa mati wutshanwini gi womileko; Ni nzhuti wa ribye ga hombe tikweni gi nga ni tora.

Isaya 5:16

Kanilezi Jehova wa tiyimpi i ta tlakuswa hi kulamula, Na Nungungulu wa ku Basa i ta woneka na basile kululameni.

Isaya 61:8

Hakuva mina Jehova nzi ranza lezi zi lulamileko, Nzi venga kuphanga ku mahiwako hi kanu; Nzi ta va nyika hi kutsumbeka a nchachazelo wabye, Nzi ta maha navo a xivumelwano xa pinzukelwa.

Jeremia 19:7

A ka legi wutshamu nzi ta hangalasa a makungo ya Juda ni ya Jerusalema; nzi ta va maha vawa hi supado ya valala vabye, hi mandla ya lava va hlotako wutomi gabye. A zirumbi zabye zi ta giwa hi tinyanyani ta tilo ni zihari za khwati.

Jeremia 23:19

Langutani, a xipupuri xa Jehova, xi nga xiviti xakwe, xi vindlukile hi ntamu, xi fana ni xingulu; xi ta wela hehla ka tihloko ta vabihileko.

Jeremia 7:14

Hikwalaho nzi ta maha ka leyi yindlu yi vitwako hi vito ga mina, yaloyi mu yi tsumbako, ni ka wutshamu legi nzi gi nyikileko ka nwina ni ka vararu va nwina, kotisa lezi nzi mahileko ka Xilo. 2 Kro. 7:16

Jeremia 7:20

Hikwalaho Hosi Jehova i ngalo: Nzi ta chulula a zanga ya mina ni khulo ga mina wutshanwini legi, a hehla ka vanhu ni hehla ka zihari, ni hehla ka tisinya ta khwati ni mihanzu ya misava; zi ta vura zi nga kotekiku timiwa.

Ezekieli 38:22

Nzi ta mu lamula hi ntungu ni nkhata; nzi ta nisa a vula hehla kakwe ni mitlawa yakwe ni matiko laʼwo tala ma nga zinwe naye, a vula yo tshisa, ni maralala ya hombe, a nzilo ni solufa.

Danieli 11:22

A tiyimpi leʼtinyingi ti ta kukuletwa mahlweni kakwe, ti hangalaswa, zinwe ni hosana ya xivumelwano.

Nahume 1:8

Kanilezi i ta lovisa a muti wa kona hi congo wu hlatako, a valala vakwe i ta va; hlongola vaya munyameni,

Mateu 7:27

Zonake yi lona vula, ni mintalo yi lota, ni timheho ti lo bhubhutsa, ti taba yindlu leyo, yiwa; ku wa hi ka hombe a kuwa ka yona.

Va le Roma 2:2

Hakuva ha zi tiva lezaku Nungungulu wa lamula hi zinene lava va mahako a zilo za kunghahi. 2 Tes. 1:6

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

Va le Roma 9:28

Hakuva a Hosi yi ta tatisa a mhaka ya yona misaveni, yi yi tsema hi xihatla. Isa. 28:22

Joxua 10:11

Ku te na va ha chava va ka Israeli, na va relela le Bete-Horoni, Jehova i lo nisa maribye ya hombe hehla kabye mata hi le tilweni, kala le Azeka, vona va lo dawa, lava va nga dawa hi vula ya maribyana va wa tele nguvu ku hunza lava va nga dawa hi va ka Israeli hi matlhari. Ekso. 9:17

Kuvululelwa 11:19

Ku lo vululiwa a tivati ta tempeli ya Nungungulu leyi yi nga le tilweni, ku woniwa a nghaxa ya xivumelwano xakwe lomu tempeleni yakwe. Zonake ku wa hi kona a kuhatima, ni kuvuma, ni kudzinza, ni kutsekatseka ka misava, ni vula ya hombe ya maralala. Xip. 8:5; 15:5, 8

Kuvululelwa 16:21

Ku lona vula ya maralala ya hombe hi le tilweni hehla ka vanhu, a kutika ka ginwe ni ginwani ku wa hi talenta; ni vanhu va lo rukatela Nungungulu hi kota ya xixaniso xa maralala, hakuva xi wa hi xa hombe nguvu. Ekso. 9:23-25; Xip. 11:19

Kuvululelwa 19:2

hakuva a kulamula kakwe ku nene ku lulamile; hakuva i lamule a xibhayi leʼxa hombe, lexi xi nga holisa misava hi kubhaya ka xona, i photele a nkhata wa malanza yakwe ka xona. Deut. 32:43; Xip. 15:3

Kuvululelwa 8:7

Leʼyo ranga yi loba a mpunzu wa yona, zonake kuna vula ya maralala ni nzilo, na zi patsilwe ni nkhata, zi hoxwa misaveni. Ku lo hiswa a xipanze xa wunharu xa misava, ku hiswa ni xipanze xa wunharu xa tisinya, ku hiswa ni byanyi gontlhe go nyuka. Isa. 2:13; Ezek. 38:22; Xip. 16:2