Isaya 16:10 - Tshwa Bible

¹⁰ A litsako ni kubhuma zi susilwe masinwini ma nonileko, Lomu zivineni a ku na tisimu ni guwa ga litsako. A vakami va nga ta ha kamela vinya lomu zigowolweni, Nzi miyetile a guwa gabye ga ku elula.

Isaya 16:10 교차 참조

Joba 24:11

Va maha mafura makhurisini ya va kubiha, Va vuva vinya lomu zigowolweni na va hi ni tora.

Isaya 24:11

Lomu maphangweni ku na ni woyonga go rila vinya. Kontlhe kutsaka ku phumisilwe; A mihlakano ya misava yi mbhelile.

Isaya 32:10

Ku ta hunza lembe ni masiku yo kari, mu ta karateka nwina mu ti tsumbako, Hakuva a xivina xi nga ta pswala, ku nga ta ha eluliwa mihanzu,

Jeremia 48:33

A kutsaka ni kunengela zi susilwe lomu masinwini, Ni le tikweni ga Moabi. Nzi mbhetisile a vinya lomu maphisweni; A nga hi kona a to gi kamela hi tisimu, A kuyimbelela ku tava tihuwa.

Ezekieli 7:7

A khombo gi ku chikelele, wena muaki wa tiko. A xikhati xi chikele, a siku gi tshinele; na gi nga hi ga ku tlhava zizimba lomu zitsungeni, kanilezi ga zolonga.

Joeli 1:12

A mavina ma wunile ni mikuwu yi chomile, a sinya ya pomegranada, ni cinzu, ni sinya ya mamasa, ina ni tontlhe tisinya ta khwati ti womile: a kutsaka kontlhe ku mbhelile xikari ka vanhu.

Amosi 5:11

Lezi nwina mu kanzihelako loyi a vumalako, mu mu khupisa hi mavele; hambu loku mu akile a tiyindlu hi maribye yo vatliwa, mu nga ta tshama ka tona,, ni loku mu phayile a zivina za nwina zo saseka, mu nga tanwa a vinya ka zona. Deut. 28:30, 38; Zef. 1:13

Amosi 5:17

Lomu masinwini wontlhe ya zivina ku tava ni mikosi, hakuva nzi ta hunza hi xikari ka wena, ku wula Jehova.

Amosi 9:13

Jehova i ngalo: A masiku mata lawa a murimi a ta nga lanza a mabata ya mutshoveli, ni mukameli wa mauva a ta nga lanza a mubyali wa mbewu; a zitsunga zi ta donela vinya go tsombela, ni miganga yontlhe yi ta nyeka.

Zefania 1:13

A kufuma kabye ku ta phangiwa, a tiyindlu tabye ti hahlulwa. Ina, va ta aka tiyindlu, kanilezi va nga ta tshama ka tona; va ta byala zivina, kanilezi va nga tanwa a vinya ga kona. Deut. 28:30, 38; Am. 5:11

Valamuli 9:27

Va lo huma vaya masinwini, va ya kolela mauva va ma kamela, va maha mibuzo, vaya lomu ndlwini ya mingungulu wabye va yaga, vanwa, va rukatela Abimeleki.