Hosea 5:15 - Tshwa Bible

¹⁵ Nzi ta tlhela nzi ya tshama wutshanweni ga mina, kala va wulela zionho zabye, va hlota a nghohe ya mina. Hlomulweni wabye va ta nzi hlotisisa.

Hosea 5:15 교차 참조

Genesisi 42:21

Vona va lo wulawulisana voce, vaku: Hakunene hi na ni nanzu ka nakulori, hakuva hi lo mu wona na a xaniseka Mbilwini yakwe, hi ala ku mu zwela wusiwana, laha a nga wa hi khongotela; hi kota ya lezo ha humelwa hi khombo ga kunghahi.

2 Kronekele 7:14

loku a vanhu va mina lava va khongelako hi vito ga mina va ti sola, ni loku va khongela hi ku hlota a vito ga mina, va fularela a tindlela tabye to biha, mina nzi ta vazwa na nzi hi tilweni, nzi va tsetselela zionho zabye, nzi holisa a tiko gabye.

Joba 33:27

A yimbelela mahlweni ka vanhu, aku: Nzi onhile, nzi tshovile nongameto, Kambe a nzi bhinzulangi nchumu.

Tisimu 107:13

Zonake va lo rilela ka Jehova kukaratekeni kabye, Yena i lo va hlanguta makhombyeni yabye.

Tisimu 107:19

Zonake va lo rilela ka Jehova kukaratekeni kabye, Yena i lo va hlanguta makhombyeni yabye.

Tisimu 107:28

Zonake va lo rilela ka Jehova kukaratekeni kabye, Yena i lo va hlanguta makhombyeni yabye.

Tisimu 107:6

Zonake va lo rilela ka Jehova kukaratekeni kabye, Yena i lo va hlanguta makhombyeni yabye.

Tisimu 132:14

Aku: Legi wuhumulelo ga mina kala kupinzuka, Nzi ta aka kwalaha, hakuva nzi ku navele.

Tisimu 50:15

Nzi vitane zikhatini za makhombo; Nzi ta ku hlanguta, na wena u ta nzi dumisa. Mat. 7:7

Tisimu 78:34

Laha yena a nga va hihirita, zonake va lo mu hlota, Va hunzuluka, va hlotisisa Nungungulu.

Tisimu 83:16

Chela tingana tinghoheni tabye, Kasi va lava a vito ga wena, Jehova.

Mavingu 8:17

Nzi ranza lava va nzi ranzako; ava va nzi lavisisako va nzi kuma.

Isaya 18:4

Hakuva Jehova i nzi byelile, aku: Nzi ta rula, nzi cuwuka na nzi hi lomu ndlwini ya mina, Khwatsi hi mumu wo hisa loku gambo gi cile, Kukotisa a hunguva ya mbhera xikhatini xa ximumu loku ku tshoveliwa.

Isaya 26:16

Jehova, va ku langutele kukaratekeni kabye, Laha u nga va tsayisa va lo rilela ka wena.

Isaya 26:21

Hakuva Jehova wata hi le wutshanwini gakwe, A ku ta tsayisa vaaki va misava hi kota ya kugoha kabye; Zonake a misava yi ta funungula a nkhata wu nga ka yona, Yi nga ha fihli a vadelweko va yona. Gen. 4:10; Mik. 1:3; Mat. 23:35

Isaya 26:9

A muhefemulo wa mina wu ku xuvile ni wusiku, A moya wu nga nzeni ka mina wu hlotisisa wena; Hakuva loku u tsayisa misava kulamuleni ka wena, A vaaki va yona va gonza kululama.

Jeremia 2:27

Lava va wulako ka dzanza, vaku: Wena u dadani wa mina, Vaku ka ribye: Mina nzi pswalilwe hi wena. Hakuva va nzi fularele, a va nzi cuwukeli; Kanilezi a xikhatini xa khombo va taku ngalo: Yima, u hi hlanguta!

Jeremia 3:13

Ntsena u fanele ku vumela a kubiha ka wena, lezaku u tsikile Jehova, a Nungungulu wa wena, na u tsutsumela matlhelo wontihe uya ka vanungungulu va vamatiko a hasi ka tisinya tontlhe to nyuka; a mu ingisangi a gezu ga mina, ku wula Jehova.

Jeremia 3:14

Wuyani, nwina vanana va hluwukileko, ku wula Jehova, hakuva nzi nwinyi wa nwina. Nzi ta mu tekela a munwe ka muti ni muti, ni vambiri ka lixaka ni lixaka; nzi ta mu yisa le Zioni.

Mikosi 3:40

A hi hlolisiseni hi ringa a mahanyela ya hina, Hi wuya hi tlhelela ka Jehova.

Ezekieli 10:4

Zonake a kungangamela ka Jehova ku lo suka hehla ka makerubima gi ya yima hehla ka nyangwa ya yindlu; ni yindlu yi lo tala hi refu, ni hubye yi wa tele hi kuhatima ka kungangamela ka Jehova.

Ezekieli 11:23

Ni kungangamela ka Jehova ku lo suka xikari ka muti, ku ya yima hehla ka xitsunga lexi xi nga tlhelo ga Mutsuwuka-gambo wa muti.

Ezekieli 20:43

Lomo mu ta alakanya a mahanyela ya nwina, zi zontlhe zimaho za nwina lezi mu nga ti nyenyezisa ha zona; mu ta ti nyenya hi kota ya kontlhe kubiha loku mu ku mahileko.

Ezekieli 36:31

Zonake mu ta alakanya a tindlela ta nwina to biha, ni zimaho za nwina zo nyenyeza. Mu ta ti swihala hi kota ya kubiha ka nwina ni manyalataniso ya nwina.

Ezekieli 6:9

Lava va ta nga huluka Xikari ka nwina, va ta nzi alakanya matikweni lawa va ta nga yiswa kona wukhumbini, laha na nzi tshovile a timbilu tabye leti ti nga tsumbekangiko, leti ti sukileko ka mina; ni mahlo yabye lawa ma mbilukelako a zifananiso zabye. Va ta ti nyenya wutsumbu gabye hi kota ya kubiha loku va ku mahileko ka wontihe manyalataniso yabye. Mitse. 15:39

Ezekieli 8:6

I te ngalo ka mina: Nʼwana wa munhu, wa zi wona lezi va mahako ke? Nja hombe a manyalataniso lawa a yindlu ya ka Israeli yi mahako laha, lezaku nzi fela ku Suka lomu ndlwini ya mina yo basa. Kanilezi wa ha ta wona a manwani manyalataniso ya hombe yo tlula lawa.

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Hosea 5:6

Va ta hlota Jehova ni mitlhambi yabye ya tiyivu ni ya tihomu, kanilezi va nga ta mu kuma; i humele xikari kabye.

Mika 1:3

Hakuva Jehova i huma wutshanwini gakwe, a relela, a ta fambafamba matshanwini ma tlakukileko ya misava.

Mitsengo 21:7

A vanhu va lota ka Mosi, va ta ku ngalo: Hi onhile hakuva hi solile Jehova na wena; hikwalaho hi kombelele ka Jehova kasi a fela ku hlongola tinyoka xikari ka hina. Mosi i lo kombelela vanhu.

Luka 13:25

Loku a nwinyi wa yindlu a vukile, a vala livati, zonake na mu yimile lahandle, mu sangula ku gongonza, muku: Hosi, hi vululele; i ta mu hlamula, aku: A nzi ku tivi laha mu tako ha kona. Tis. 32:6; Isa. 55:6; Mat. 25:10

Valamuli 4:3

Zonake a vanana va ka Israeli va lo rila ka Jehova, hakuva Sisera i wa hi ni 900 wa tikareta ta ziketse. A 20 wa malembe i lo tsimbeketa a vanana va ka Israeli hi ntamu.