Hosea 14:9 - Tshwa Bible

⁹ Himani a tlharihileko, a zi kotako ku pima lezi zilo ke? Loyi a khunguhileko i ta zi pima, hakuva a tindlela ta Jehova ti lulamile, lava va lulamileko va ta famba ha tona, kanilezi a vahambunyeti va ta khunguvanyeka ka tona. Deut. 10:12; Isa. 8:14

Hosea 14:9 교차 참조

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

Joba 17:9

Kasike loyi a lulamileko i ta khomelela ndleleni yakwe; Ni loyi a mandla ya yena ma basileko i ta enzeleka a tiya mbilu.

Tisimu 107:43

Loyi a tlharihileko a ehlekete lezi zilo, A pimisisa a wuxinji ga Jehova.

Tisimu 119:128

Nza wona lezaku a zileletelo za wena zontlhe zi lulamile, Nzi venga a tindlela tontlhe ta mawunwa.

Tisimu 119:75

Jehova, nza zi tiva lezaku a kulamula ka wena ku lulamile, Lezaku u nzi hlokisile hi kutsumbeka.

Tisimu 84:5

Va katekile a vanhu lava a ntamu wabye wu nga ka wena, Lava va xuvako a tindlela ta wena.

Tisimu 84:7

A ntamu wabye wo enzelekelana, Vona vontlhe va woneka mahlweni ka Nungungulu le Zioni.

Mavingu 10:29

A ndlela ya Jehova yi hi khokhola ga valulamileko; anilezi yi hi kulobyiswa ka vamahi va kubiha.

Mavingu 16:21

Loyi a tlharihileko mbilwini i ta vitanwa wa kutiva; i kunanziha ka milomu ku enzelekisa zigonzo.

Mavingu 4:18

Kanilezi a ndlela ya valulamileko yi kotisa kuwonekela ka mixo, oku ku enzelekako kala a hlikanhi wu mbhelela.

Isaya 1:28

Kanilezi a vahambunyeti ni vaonhi va ta lobyiswa khatiginwe, ni lava va tsikako Jehova va tafa.

Isaya 17:8

Va nga ta cuwuka maganzelweni lawa ma mahilweko hi mandla yabye; Ge, hambu ku khatalela a mitiro ya titiho tabye, A zifananiso za Axtarte kutani za gambo.

Isaya 26:7

A ndlela ya loyi a lulamileko nja nongameto, Wena loyi u hunzeleleko ku lulama u basisa a ndlela ya vabasileko.

Jeremia 29:12

Mu ta nzi vitana, mu famba mu nzi khongela, mina nzi ta mu ingisa.

Jeremia 9:12

Himani a tlharihileko lezaku a pima lezi ke? Himani loyi a nomu wa Jehova wu wulawulileko kakwe, kasi a hi tivisa lezaku tiko gi onhisilwe hikuyini? Kala gi hisilwe ku fanana ni xiwula, ku nga ha hunzi ni munhu?

Ezekieli 11:18

Va ta wuya ka gona, va susa zontlhe a zilo zi nyenyezileko ni wontihe a manyalataniso ya gona.

Ezekieli 18:25

Nwina muku: A ndlela ya Jehova a yi lulamangi. Zwanani nwina va yindlu ya ka Israeli! A yi lulamangi a ndlela ya mina ke? a hi leti ta nwina ti nga lulamangiko ke?

Ezekieli 36:25

Nzi ta mu nwatsekela a mati ma basileko, mu ta basa; nzi ta mu hlaza a chaka ga nwina gontlhe, ni ka zifananiso za nwina zontlhe.

Danieli 12:10

Vanyingi va ta hlaziwa, va basiswa, va ringiwa; kanilezi a vakubiha va ta maha kubiha, Ku hava a wakubiha a ta nga zi pima, kanilezi a votlhariha va ta zi pima.

Zefania 3:5

Jehova i lulamile xikari ka wona, a nga mahi kubiha; mixo ni mixo i humesa a nongameto wakwe kubaseni, a nga tindeki; kanilezi a vakubiha a va tivi tingana.

Zakaria 10:6

Nzi ta tiyiseta a yindlu ya ka Juda, nzi ponisa a yindlu ya ka Josefa, nzi ta va tlhelisa hakuva nzi va hawukela; va ta ku khwatsi nzi wa nga va hoxangi. Hakuva hi mina Jehova a Nungungulu wabye, nzi ta va ingisa.

Mateu 11:19

A Nʼwana wa munhu i lota, waga, wonwa, ve ngalo: Langutani munhu wa kulonzola, xidakwa, munghana wa vahlengisi ni vaonhi! Kanilezi a wutlhari gi kombisile a kululama ka gona hi mitiro ya gona. Xip. 9:10; Lu. 7:35

Luka 2:34

Simeoni i lo va katekisa, aku ka Maria a nyine wakwe: Languta, loyi nwanana i yimiselwe a kuwa ni kuvuka ka vanyingi ka Israeli, ni ku maha xikombiso xi ta nga kanetiwa; Isa. 8:14; Miti. 28:22; Rom. 9:32

Luka 7:23

I katekile loyi a nga khunguvanyekiko hi kota ya mina.

Johani 15:24

Loku nzi wa nga tirangi xikari ka vona a mitiro leyi yi nga tiriwangiko hi munwani, ngha va nga hi na nanzu; makunu va yi wonile, va venga mina ni Dadani.

Johani 18:37

Zonake Pilatu aku ngalo kakwe: Kasi wena u hosi ke? Jesu i lo hlamula, aku: Wa wula wena uku nzi hosi. Nzi belekelwe lezo, nzi tele lezo tikweni, lezaku nzi fela ku kustumunya hi zinene. Vontlhe lava va nga va zinene, va ingisa a gezu ga mina. Xip. 8:47; 1 Joh. 3:19; 4:6

Johani 8:47

Loyi a nga wa ka Nungungulu, wazwa a timhaka ta Nungungulu; nwina a mu ti ingisi, hakuva a mu va ka Nungungulu. Xip. 10:26; 1 Joh. 4:6

Johani 9:39

Jesu aku: Nzi tile misaveni a ku ta lamula vanhu; lezaku kasi lava va nga woniko va fela ku wona, ni lezaku lava va wonako va maha zikhumu. Mat. 13:13; Xip. 5:22, 27

Mitiro 13:10

aku ngalo: Wena loyi u teleko hi kukanganyisa kontlhe ni wuchunguhungu, wena nʼwana wa Diabolus, u nga nala wa zontlhe lezi zi lulamileko, xana u nga ta tsika ku hambukisa a tindlela ti lulamileko ta Hosi ke?

Va le Roma 7:12

Lezoke a nayo wu basile, ni kulaya ku basile, ku lulamile ni kusaseka, Tis. 19:8; 1 Tim. 1:8

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Kuvululelwa 15:3

Va yimbelela a lisimu la Mosi, a nanza ga Nungungulu, ni lisimu la Yivana, vaku: A mitiro ya wena nja hombe ya hlamalisa, Hosi Nungungulu Nyamintamu, A tindlela ta wena ti lulamile ti nene, Wena Hosi ya matiko. Ekso. 15:1; Deut. 32:4; Hos. 14:9