Hosea 13:2 - Tshwa Bible

² Makunu va simamisa ku onha, va ti mahela a zifananiso zi chululweko hi siliva yabye, zi nga zifananiso za vanungungulu va kupima kabye; zontlhe lezi hi mitiro ya vafuli. Va wulawula ha zona, vaku: Lava va phahlelako ngha va pswopswa marole.

Hosea 13:2 교차 참조

1 Tihosi 19:18

Kasike mina nzi ti siyele 7,000 wa vanhu a xikari ka va ka Israeli, lava vontlhe va nga khizamangiko ka Baali ni ku mu pswopswa. Joba 31:27; Hos. 13:2; Rom. 11:4

2 Kronekele 28:13

vaku kabye: Mu nga enghenisi a tikhumbi leti lomu, hakuva mu lava ku hi engetela a zionho za hina ni milanzu ya hina mu hi vangela nanzu mahlweni ka Jehova; hakuva a nanzu wa hina ngwa hombe, ni zanga ya hombe yi kona hehla ka Israeli.

2 Kronekele 33:23

Cima a nga ti koramisangi mahlweni ka Jehova, kota a raru wakwe Manasa a nga wa ti koramisile; kanilezi i lo hunzeleta kuonheni.

Tisimu 2:12

Khizamelani a nisanyana kasi a nga zangari, Mu lova ndleleni ya nwina; Hakuva a nga zangara lokuloku. Va katekile vontlhe va chavelako ka yeng. Tis. 34:9; Isa. 30:18; Jer. 17:7

Isaya 1:5

Hi yini mu ta nga nonohisa mu biwa, hi ku anzisa a kuhluwuka ka nwina? A hloko yontlhe ya babya, a mbilu yontlhe yi bayiseka.

Isaya 30:1

Khombo ka vanana va hluwukileko, ku wula Jehova; Lava va lavako wusungukati, va nga gi lavi ka mina, Lava va bohako xivumelwano, a handle ka moya wa mina, Va fela ku ti engetela xionho hehla ka xionho.

Isaya 44:11

Langutani, vontlhe lava va xi khozelako va tawa tingana, hakuva a vamahi va xona mbanhu ntsena. A va tsombane vontlhe va yima khatiginwe; va ta chava vontlhe va wiswa tingana.

Isaya 45:20

Tsombanani muta laha, Mu tshinela khatiginwe nwina mu ponileko xikari ka vamatiko; A va na kutiva lava va rwalako a zifananiso zi vatlilweko, Va khozela a nungungulu loyi a nga zi kotiko ku hanyisa.

Isaya 46:6

Va humesa a nzalama mikwameni, va pima a siliva xikalwini; Va vitana a mufuli a kuva a maha nungungulu ha zona, Loyi va ta nga mu khizamela, va mu khozela. Vala. 17:4; Jer. 10:3

Isaya 46:8

Alakanyani lezi zilo, muva vavanuna, Nwina vahambunyeti, ti alakanyeni!

Jeremia 10:4

Va yi bombisa hi siliva ni nzalama, Ni ku yi tiyisa hi tikhokho ni hamela, Kasi yi nga gutlagutli.

Jeremia 10:8

Vontlhe va hungukile ni kuva zipumbu, A gonzo ya zifananiso i tsanza ntsena.

Jeremia 8:5

Hikuyini lava vanhu va Jerusalema va hluwuka hi kusimamisilweko ke? Va tiyile kukhohlakaleni, va ala ku wuya.

Hosea 10:1

Israeli i vina wu tlhumileko nguvu, wu pswalako mihanzu. I anzisile a maalati yakwe maringano ni wunyingi ga mihanzu yakwe; laha a misava yakwe yi nga enzeleka ku nona, hi kona a nga engetela kusaseka ka zifananiso.

Hosea 10:5

A vaaki va le Samaria va ta chava hi kota ya role ga le Betavene; hakuva a vanhu va kona va ta gi rilela, ni vapristi va gona va ta rurumela hakuva a wukosi ga gona gi sukile.

Hosea 11:2

Kanilezi va lo fularela lava va nga vitana; va lo phahlela ka vaBaali, va hisela zifananiso a tibani.

Hosea 11:6

A supado yi ta daya lomu mitini yakwe, yi tshova a zikwinyaro za yona, yi va hihirita hi kota ya xikungo xabye wutsumbu.

Hosea 14:3

Assiria a nga ta hi hanyisa; hi nga ta khilele a mahaxi. Hi nga ta wula kambe ka mitiro ya mandla ya hina, hiku: Nwina mu vanungungulu va hina; hakuva a xisiwana xa kuma wuxinji ka wena.

Hosea 2:8

Hakuva a nga zi tivangi lezaku nzi mu hile zakuga, ni vinya, ni mafura, nzi mu anzisela a siliva ni nzalama leyi va nga maha ha yona zifananiso za Baali.

Hosea 4:17

Efraime i ti nyiketele zifananisweni; mu tsikeni.

Hosea 8:4

Va ti langele tihosi, na ku nga hi kuleletela ka mina; va yimisa tihosana, na mina nzi wa nga zi tivi. Va ti mahele zifananiso hi siliva ni nzalama yabye, kasi va fela ku lobyiswa.

Hosea 8:5

A role ga wena Samaria ga nzi hlamukisa; a zanga ya mina ya va vindlukela. Va ta ala ku basiswa kala rini?

Hosea 8:6

Hakuva gona gita hi ka Israeli; mufuli a gi mahileko, gona a hi Nungungulu. Ina, a role ga Samaria gi ta tshobyiwe fufanyi.

Mitsengo 32:14

Makunu nwinawu mu lava ku teka xikhundla xa vararu va nwina, mu maha xizukulwana xa vaonhi, mu anzisa a zanga ya Jehova xikari ka va ka Israeli.

Va le Roma 11:4

A hlamulo ya Nungungulu yi te yini kakwe ke? Yi ngalo: Nzi ti siyele a 7,000 wa vavanuna lava va nga khizamangiko mahlweni ka Baali.

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

2 Timote 3:13

Kanilezi a vanhu vo biha ni vakanganyisi va ta nonohisa vaya mahlweni kubiheni, va kanganyisa vanwani, va tlhela va kanganyiswa.

1 Samueli 10:1

Zonake Samueli i lo teka a xikudzana xa mafura a xi chulula laha hlokweni ka Saule, a mu pswopswa, aku: Hakunene Jehova i ku totile hi mafura lezaku u maha hosi hehla ka tshomba yakwe!