Hosea 10:5 - Tshwa Bible

⁵ A vaaki va le Samaria va ta chava hi kota ya role ga le Betavene; hakuva a vanhu va kona va ta gi rilela, ni vapristi va gona va ta rurumela hakuva a wukosi ga gona gi sukile.

Hosea 10:5 교차 참조

2 Tihosi 10:29

Hambu lezo, Jehu a nga tsikangi a zionho za Jeroboamu nʼwana Nebate, lezi a nga onhisa ha zona va ka Israeli, ma nga marole ya nzalama ma nga wa hi le Beteli ni le Dani.

2 Tihosi 17:16

Va lo tsika yontlhe milayo ya Jehova Nungungulu wabye, va wumba zifananiso za marole mambiri, va ti mahela a zifananiso za Axtarte, va khizama mahlweni ka wontihe mabandla ya tilo, va khozela Baali.

2 Tihosi 23:5

I lo susa a vapristi va zifananiso lava va nga wa yimisilwe hi tihosi ta ka Juda a kuva vahisi va tibani lomu matshanwini ma tlakukileko, ni lomu mitini ya va ka Juda, ni le handle ka Jerusalema, ni lava va nga wa phahlela ka Baali ni ka gambo, ni ka hweti, ni ka zimilwa, ni ka handla gontlhe ga tilo, va zi hisela tibani.

2 Kronekele 11:15

I lo ti yimisela a vapristi va matshamu ma tlakukileko, ni va madimoni, ni va marole lawa yena a ma mahileko. Levi 17:7

2 Kronekele 13:8

Makunu nwina mu alakanya ku kuma ntamu mahlweni ka mufumo wa Jehova, lowu wu nga canjeni ga vana va Davida; nwina mu tele nguvu, kanilezi mu na ni marole ya nzalama lawa Jeroboamu a mu mahela a kuva vanungungulu va nwina.

Isaya 46:2

Va koramile, vawa zinwe, A va zi koti ku ponisa nzhwalo; Vona wutsumbu va yile wukhumbini.

Hosea 13:2

Makunu va simamisa ku onha, va ti mahela a zifananiso zi chululweko hi siliva yabye, zi nga zifananiso za vanungungulu va kupima kabye; zontlhe lezi hi mitiro ya vafuli. Va wulawula ha zona, vaku: Lava va phahlelako ngha va pswopswa marole.

Hosea 4:15

Loku wena Israeli u maha wubhayi, Juda ngha a nga ti kokeli nanzu. Mu ngati le Gilgale, mu ngayi le Betavene, ge hambu ku hlambanya, muku: Ha Jehova a hanyako! Deut. 6:13; 1 Tih. 12:29; Am. 5:5

Hosea 5:8

Banani a khombela le Gibea, muba mpunzu le Rama; kanyulukani le Betavene, a nala wata Benjamini!

Hosea 9:1

Israeli, u nga bhumi hi kutsaka khwatsi hi matiko; hakuva u fularele a Nungungulu wa wena wubhayini, u ranzile a nzhiho wa wubhayi matshanwini wontihe ya kuhula.

Hosea 9:11

A wukulu ga Efraime gi ta hahela kule kota xinyanyani. Ku nga tava kona kubeleka, hambu kuva ni nyimba, ge hambu ku xurwa nyimba.

Amosi 3:14

Hakuva a siku legi nzi ta nga tsayisa Israeli hi kota ya zihambunyeto zakwe, nzi ta tsayisa kambe ni maalati ya le Beteli, kasi a timhonzo ta maalati ti tsenwa tiwa lahasi. 1 Tih. 12:33; 2 Tih. 23:15

Zefania 1:4

Nzi ta nawuluta a canja ga mina hehla ka Juda, ni le hehla ka vontlhe vaaki va le Jerusalema; nzi ta lovisa a salela wa Baali wutshanwini legi, ni vito ga vapristi va zifananiso zinwe ni vapristi; 2 Tih. 23:4

Mitiro 19:27

A hi lezo basi lezaku a ntiro wa hina wu le mhangweni ya ku nyenyiwa, kanilezi ni tempeli ya nungungulu wa hombe Diana yi nga ha ta khatalelwa, ku nga taku a lahlekelwa hi wukulu gakwe, yena loyi a Asia gontlhe ni misava yontlhe yi mu khozelako.

Joxua 7:2

Joxua na ha hi le Jeriko, i lo ruma a vanhu a kuya le Ai, kusuhani ni le Bet-Avane, hi le Mutsuwuka-gambo wa Beteli, aku ka vona: Fambani mu ya hlola tiko. Zonake a vavanuna va lo famba ku ya hlola a tiko ga le Ai. Gen. 12:8; 13:3

Valamuli 18:24

Yena aku: Hi lezi mu tekileko vanungungulu va mina lava nzi va mahileko, ni mupristi wa mina, mu famba navo. Xini nzi seleko naxo? Ni lezi mu nge: Wo bayiswa hi yini!