Habakuka 2:2 - Tshwa Bible

² Jehova i lo nzi hlamula, aku: Tsala a muwoniso, u wu dlunyatisa laha ka timbila, kasi loyi a wu gonzako a wu pima hi xihatla.

Habakuka 2:2 교차 참조

Isaya 30:8

Makunu, famba u ya zi tsala lomu ka bakwa mahlweni kabye, u zi tsala ni lomu bhukwini, kasi za hlayiselwa zikhati zi tako, xiva xikombiso xa pinzukelwa.

Isaya 8:1

Jehova i te ngalo ka mina: Teka a bakwa ya hombe u tsala ka yona hi maletela ma wonekako, uku: Va hatlisisa ku phanga, ku tsutsumelwa wuphango.

Jeremia 30:2

Jehova, a Nungungulu wa Israeli i ngalo: Tsala lomu ka bhuku tontlhe a timhaka leti nzi ku byelileko.

Danieli 12:4

Kanilezi wena Danieli, hlayisa a timhaka leti, u lema a bhuku kala xikhatini xa magumo. Vanyingi va ta gi hlotisisa, kasi wutivi gi enzeleka.

Danieli 7:1

Hi lembe go sangula ga kufuma ka Belxazzare a hosi ya Babuloni. Danieli na hi sangweni gakwe i lo lora na wona miwoniso. Zonake i lo tsala a noro wa kona, a hlawutela a tihloko ta wona.

Va le Roma 15:4

Hakuva timhaka tontlhe ti nga tsaliwa kale ti tsalelwe a ku gonzisa hina, lezaku kasi hi fela kuva ni kutsumba hi kota ya kutiya ni kuchavelelwa loku ku nyikwako hi Mitsalo. 2 Tim. 3:16

1 Va le Korinte 14:19

Ahembalokoke lomu bandleni nzi ranza ku wula a ntlhanu wa timhaka ntsena hi kupima ka mina, kasi nzi fela ku gonzisa vanwani, ku hunza ku wula zana ga mazana ya timhaka hi lirimi limbe.

2 Va le Korinte 3:12

Hikwalaho lezi hi nga ni kutsumba ka kunghahi, hi kanela hi kutiyahlana,

Deuteronome 27:8

U ta tsala hehla ka lawa maribye tontlhe timhaka ta lowu nayo; u dlunyatisa khwatsi.

Deuteronome 31:19

Makunu lezi ti tsaleleni lisimu leli, u li gonzisa a vanana va ka Israeli, u li enghenisa lomu milonwini yabye, kasi leli lisimu li maha kustumunyu wa mina xikari ka vanana va ka Israeli.

Deuteronome 31:22

Zonake Mosi i lo tsala leli lisimu gwalego siku, ni kuva li gonziswa a vanana va ka Israeli.

Kuvululelwa 14:13

Nzi lozwa a gezu ga le tilweni, giku: Tsala uku: Va katekile a vafileko lava va felako Hosini ku sukela lezi! A Moya wuku: Ina, va ta humula mitirweni yabye, hakuva a mitiro yabye ya va lanzela. 1 Tes. 4:16; 2 Tes. 1:7; Maheb. 4:9, 10

Kuvululelwa 19:9

Yiku ka mina: Tsala: Va katekile lava va rambilweko mubuzweni wa muchado wa Yivana. Yi engeta yiku ka mina: Leti hi timhaka ta zinene ta Nungungulu. Mat. 22:2, 3; Lu. 14:15, 16