24 Hi lego wusiku Jehova i lo woneka ka yena, aku: Hi mina Nungungulu wa Abrahama a raru wa wena; u nga chavi, hakuva nzi na wena, nzi ta ku katekisa, nzi anzisa a pswalo wa wena hi kota ya Abrahama a nanza ga mina.
Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.
Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.
Nzi ta nyika ka wena, ni ka pswalo wa wena anzhako ka wena, a tiko legi u nga muluveli ka gona, a tiko gontlhe ga Kanani gi, tava tiko ga nwina kala kupinzuka; nzi tava Nungungulu wabye.
Nungungulu i lozwa a gezu ga mufana; ni ngelosi ya Nungungulu yi vitana Hagari, yi hi le tilweni, yiku kakwe: Hagari, u yini ke? U nga chavi; hakuva Nungungulu i zwile a gezu ga mufana laho a nga kona.
nzi ta ku katekisa nguvu, ni ku anzisa a pswalo wa wena, wu kota tinyeleti ta tilo, ni ku kotisa a seke ga le fungwini wa bimbi; ni pswalo wa wena wu ta fumela a nyangwa ya valala vabye.
Languta, Jehova i wa yimile hi le magumeso ya wona, aku: Hi mina Jehova Nungungulu wa Abrahama a raru wa wena, ni Nungungulu wa Isaka; legi tiko u etleleko ka gona, nzi ta ku nyika gona, ni pswalo wa wena;
Languta, nzi na wena, nzi ta ku hlayisa a ndleleni yontlhe ni laho u yako kona, nzi ta ku wuyisa kambe ka legi tiko; hakuva nzi nga ta ku tsika na nzi nga se maha lezi nzi ku byelileko zona.
Elija i te ngalo kakwe: U nga chavi! Famba u ya maha kota lezi u wulileko; ntsena lezaku ranga hi ku ya nzi mahela a xikhekhetselo u nzi nehela leno handle, anzhako ka lezo u ta ti bhikela za wena ni nʼwana wa wena.
Zonake Mosi aku ka vanhu: Mu nga chavi; yimani mu wona a kuhanyisa ka Jehova loku a ta nga ku tira xikari ka nwina nyamutlha; hakuva a vaGipite lava mu va wonako makunu, cima mu nga ta ha va wona kambe.
Yena i lo engeta kambe aku: Hi mina Nungungulu wa raru wa wena, a Nungungulu wa Abrahama, ni Nungungulu wa Isaka, ni Nungungulu wa Jakobe. Zonake Mosi i lo fenengeta nghohe yakwe, hakuva i lo chava ku cuwuka Nungungulu.
Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.
U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.
I wula lezi Jehova loyi a ku mahileko, Loyi a nga ku wumba rumbyini ga nyine wa wena, a muvuni wa wena, Aku: U nga chavi nchumu Jakobe, nanza ga mina, Wena Jexuruni loyi nzi ku hlawulileko. Jer. 30:10; 46:27
Nzi ingiseni, nwina lava mu tivako kululama, Wena tiko u nga ni nayo wa mina mbilwini ya wena; Mu nga chavi ku tseketselwa hi vanhu, Ge hambu ku dzukiswa hi xiruko zabye.
zonake nzi ta alakanya a xivumelwano xa mina na Jakobe, ni kambe nzi ta alakanya a xivumelwano xa mina na Isaka, ni xivumelwano xa mina na Abrahama, nzi ta alakanya ni tiko.
Hi kota ya vona nzi ta alakanya xivumelwano xa mina lexi nzi mahileko ni vararu vabye, lava nzi va humesileko tikweni ga le Gipite kuwoneni ka vamatiko, kasi nziva Nungungulu wabye. Hi mina Jehova.
Mina nzi Nungungulu wa Abrahama, ni Nungungulu wa Isaka, ni Nungungulu wa Jakobe? Nungungulu a hi Nungungulu wa vafileko, kanilezi ngwa vahanyako. Ekso. 3:6, 18; Lu. 20:38
Hi mina Nungungulu wa vakoko va wena, a Nungungulu wa Abrahama, ni wa Isaka, ni wa Jakobe. Mosi i lo rurumela, i wa nga hi na hlana wa ku cuwuka. Mat. 22:32
Ku nga namarelani xilo xinwe xa lezo zo yila mandleni ya wena; kasi Jehova a fela ku bohla zangeni yakwe, a ku zwela wusiwana, a ku mahela wuxinji, zonake a ku enzelekisa khwatsi hi lezi a hlambanyileko ka vararu va wena,
Tiyani hlana, mu nga mbheli ntamu! Mu nga chavi, hambu ni ku dzukiswi ha vona, hakuva Jehova Nungungulu wa nwina i famba mahlweni ka nwina, cima a nga ta mu siya, hambu ni ku mu tsika. Jox. 1:5; Maheb. 13:5
Kanilezi makunu va navela a tiko gi nene ku hunza gona, legi gi nga le tilweni; hi kota ya lezo Nungungulu a nga na tingana a ku vitanwa lezaku i Nungungulu wabye; hakuva i va longisele muti. Ekso. 3:6, 15; Fil. 3:20
Na nzi mu wonile nzi lowa lahasi mikonzweni yakwe nzi ku khwatsi nzi file. Yena i lo tlhateka canja gakwe ga xinene hehla ka mina, aku: U nga chavi, nzi Wa kusangula ni Wa kugumesa, Isa. 41:4; Ezek. 1:28; Dan. 10:10
Makunu, nwananga, u nga chavi! Nzi ta ku mahela zontlhe lezi u zi wulako, hakuva a muti wontihe wa vanhu va ka hina wa zi tiva lezaku wena u wasati a faneleko.
