Genesisi 24:53 - Tshwa Bible

⁵³ Ni nanza gi lo humesa a zibya za siliva ni nzalama, ni tinguwo, i lo zi nyika ka Rebeka; i lo nyika kambe ka Labani makabye wakwe ni nyine wakwe a zinyikiwo za tsengo wa hombe.

Genesisi 24:53 교차 참조

Genesisi 24:10

Ni nanza gi lo teka khume ga makameli, xikari ka makameli ya nwinyi wakwe, gi lo famba ni zilo za tsengo za nwinyi wakwe; gi lo suka gi famba le Mesopotamia, le mutini wa Nahori.

Genesisi 24:22

Zonake loku a makameli ma mbhetile kunwa, a wanuna i lo teka a phera ya nzalama, a kutika ka yona ku wa hi khihlanya ga xekeli, ni zingwavila zimbiri za khume ga maxekeli kutika, i lo ma enghenisa canjeni gakwe.

2 Kronekele 21:3

A raru wabye i wa va avele titshomba to tala ta siliva, ni nzalama, ni zilo za malongo, ni miti ya makhokhola lomu tikweni ga ka Juda; kanilezi a mufumo i wa nyikile Jehoramu, hakuva hi yena a nga hi matewula.

Ezra 1:6

Vontlhe lava va nga wa akelene navo va lo seketela hi ku va nyika ni zibya za siliva, ni za nzalama, ni zilo, ni tihomu, ni zilo za malongo, ahandle ka lezi va nga nyikela hi kuranza kabye.

Eksodusi 11:2

Byela a vanhu va mina lezaku a vavanuna vontlhe ni vavasati vontlhe a va kombele a zibya za siliva ni nzalama, loyi ni loyi ka muakelane wakwe.

Eksodusi 12:35

A vanana va ka Israeli va lo maha khwatsi hi lezi Mosi a nga va byelile; va lo kombela ka vaGipite a zibya za siliva, ni za nzalama, ni tinguwo.

Eksodusi 3:22

kanilezi vontlhelele vavasati va ta kombela, loyi ni loyi ka muakelane wakwe ni ka loyi a nga tshama ndlwini yakwe, va ta kuma a zilo za siliva ni nzalama, ni tinguwo; mu ta ambexa a vana va nwina ha tona; mu ta phanga vaGipite kota lezo.

Xizimba xa ka Solomoni 1:10

A marama ya wena ma sasekisile hi tidayimani, Ni nhamu ya wena hi wuhlalo ga nzalama.

Xizimba xa ka Solomoni 4:13

A zimilwa za wena i simu ga tisinya ta mapomegranada, Ta mihanzu yo nanziha; A henna ni zibyalo za narda,

Isaya 39:2

Hezekia i lo tsaka ku wona mitsukano ya kona, a kombisa ni mabako yakwe: a siliva, ni nzalama, ni mipepo ni mafura ya lisima, ni matlhari yakwe wontihe, zontlhe lezi zi nga hi mabakweni yakwe. Ku wa nga hi kona a xilo lomu ndlwini yakwe ni mufunweni wakwe a nga kala ku va komba.